மாவட்ட செய்திகள்

நெல்லையப்பர் கோவிலில் ஆடிப்பூர திருவிழா: காந்திமதி அம்மனுக்கு வளைகாப்பு நிகழ்ச்சி திரளான பக்தர்கள் பங்கேற்பு + "||" + Athipura festival in Nellaiyappar temple: To Gandhimathi Amman Baby Shower Show

நெல்லையப்பர் கோவிலில் ஆடிப்பூர திருவிழா: காந்திமதி அம்மனுக்கு வளைகாப்பு நிகழ்ச்சி திரளான பக்தர்கள் பங்கேற்பு

நெல்லையப்பர் கோவிலில் ஆடிப்பூர திருவிழா: காந்திமதி அம்மனுக்கு வளைகாப்பு நிகழ்ச்சி 
திரளான பக்தர்கள் பங்கேற்பு
நெல்லையப்பர் கோவிலில் ஆடிப்பூர திருவிழாவையொட்டி நேற்று காந்திமதி அம்மனுக்கு வளைகாப்பு நிகழ்ச்சி நடந்தது. இதில் திரளான பக்தர்கள் கலந்து கொண்டனர்.

நெல்லை, 

நெல்லையப்பர் கோவிலில் ஆடிப்பூர திருவிழாவையொட்டி நேற்று காந்திமதி அம்மனுக்கு வளைகாப்பு நிகழ்ச்சி நடந்தது. இதில் திரளான பக்தர்கள் கலந்து கொண்டனர்.

ஆடிப்பூர திருவிழா

நெல்லை டவுன் நெல்லையப்பர் கோவிலில் ஆடிப்பூர திருவிழா கடந்த 8–ந் தேதி கொடியேற்றத்துடன் தொடங்கியது. நேற்று காந்திமதி அம்மனுக்கு வளைகாப்பு நிகழ்ச்சி நடந்தது. இதையொட்டி அதிகாலையில் சுவாமி–அம்மனுக்கு சிறப்பு அபிஷேக அலங்கார தீபாராதனை நடந்தது.

மதியம் 12 மணிக்கு அம்மன் சன்னதியில் உள்ள ஊஞ்சல் மண்டபத்தில் காந்திமதி அம்மனுக்கு வளைகாப்பு நிகழ்ச்சி நடந்தது. இதையொட்டி அம்மனுக்கு சிறப்பு அபிஷேக அலங்காரம் நடந்தது. தொடர்ந்து காந்திமதி அம்மன் சப்பரத்தில் சுவாமி சன்னதிக்கு சென்று தனக்கு வளைகாப்பு நடத்துவதற்கு அனுமதி பெற்று வருகிற வைபவம் நடந்தது. கோவில் வளாகத்தில் உள்ள கடைகளில் பெண்கள் ஆர்வமுடன் வளையல்களை வாங்கினர். வளைகாப்பு வைபத்துக்காக சீர்வரிசை பொருட்களை பெண்கள் எடுத்து வந்தனர்.

வளையல்கள் அணிவிக்கப்பட்டன

மதியம் 12.30 மணிக்கு காந்திமதி அம்மன், கர்ப்பிணி பெண்ணாக அலங்கரிக்கப்பட்டு இருந்தார். அப்போது மேளதாளம் முழங்க காந்திமதி அம்மனுக்கு, வளையல்கள் அணிவிக்கப்பட்டன. அங்கு கூடியிருந்த பெண்கள் குலவையிட்டனர். வளையல் அணிவிக்கப்பட்ட பிறகு காந்திமதி அம்மன் சப்பரத்தில் சுவாமி சன்னதிக்கு எழுந்தருளினார். சுவாமியிடம் தனக்கு வளையல் அணிவிக்கப்பட்ட விவரத்தை அம்மன் தெரிவிக்கும் நிகழ்ச்சி நடந்தது. அங்கு சுவாமிக்கும், அம்மனுக்கும் சிறப்பு தீபாராதனை நடந்தது. பின்னர் ஊஞ்சல் மண்டபத்தில் அம்மனுக்கு சிறப்பு தீபாராதனை நடந்தது. இதைத்தொடர்ந்து பெண்கள் அம்மனுக்கு வளையல் அணிவித்து வழிபட்டனர். இதில் திரளான பக்தர்கள் கலந்து கொண்டனர். இரவு 8.30 மணிக்கு காந்திமதி அம்மன் வெள்ளி ரி‌ஷப வாகனத்தில் வீதி உலா வருதல் நடந்தது.

முளைக்கட்டு திருவிழா

விழாவில் வருகிற 17–ந் தேதி (செவ்வாய்கிழமை) 10–வது நாள் திருவிழாவையொட்டி இரவு 7 மணிக்கு ஊஞ்சல் மண்டபத்தில் காந்திமதி அம்மனுக்கு முளைக்கட்டு திருவிழா நடக்கிறது. அப்போது காந்திமதி அம்மனை அலங்கரித்து, மடியில் முளைகட்டிய சிறுபயரை கட்டிவைத்து, வளையல்கள் அணிவித்து, அனைத்து பலகாரங்களும் அம்மனுக்கு படைக்கப்படும்.

இதைத்தொடர்ந்து அம்மனுக்கு அலங்கார தீபாராதனை, சப்பரத்தில் அம்மன் எழுந்தருளி, சுவாமி சன்னதிக்கு சென்றடைவார். அங்கு அம்மன் மடியில் கட்டி வைக்கப்படும் முளைகட்டிய சிறுபயரை பிரித்து பக்தர்களுக்கு பிரசாதமாக வழங்கப்படும்.

இதற்கான ஏற்பாடுகளை கோவில் செயல் அலுவலர் ரோஷினி மற்றும் கோவில் ஊழியர்கள், பத்கர்கள் செய்து உள்ளனர்.



தொடர்புடைய செய்திகள்

1. வனப்பகுதியில் இருந்து பிரிப்பது துன்புறுத்துவது போன்றது: கோவில்களில் யானைகள் எந்த அடிப்படையில் வளர்க்கப்படுகின்றன? ஐகோர்ட்டு கேள்வி
கோவில்களில் யானைகள் எந்த அடிப்படையில் வளர்க்கப்படுகின்றன? என்பது குறித்து அறநிலையத்துறை கமி‌ஷனர் பதில் அளிக்க மதுரை ஐகோர்ட்டு உத்தரவிட்டு உள்ளது.
2. பெட்ரோல் விலை உயர்வுக்கு எதிரான மனு டெல்லி ஐகோர்ட்டில் தள்ளுபடி
டெல்லியைச் சேர்ந்த பூஜா மகாஜன் என்பவர், பெட்ரோல், டீசல் விலை உயர்வுக்கு எதிராக அங்குள்ள ஐகோர்ட்டில் ஒரு மனு தாக்கல் செய்து இருந்தார்.
3. மதுரை மீனாட்சி அம்மன் கோவிலில் நீதிபதிகள் ஆய்வு
பக்தர்களுக்கு செய்யப்பட்டுள்ள அடிப்படை வசதிகள் குறித்து மதுரை மீனாட்சி அம்மன் கோவிலில் நீதிபதிகள் ஆய்வு மேற்கொண்டனர்.
4. சர்ச்சையை ஏற்படுத்திய எச்.ராஜா விவகாரம்: வழக்கில் சிக்கிய 5 பேர் முன்ஜாமீன் கேட்டு மனு
விநாயகர் சிலை ஊர்வலத்தில் சர்ச்சையை ஏற்படுத்திய எச்.ராஜா விவகாரம் தொடர்பாக போலீசார் வழக்குப்பதிவு செய்த 5 பேர் முன்ஜாமீன் கேட்டு மதுரை ஐகோர்ட்டில் நேற்று மனுதாக்கல் செய்தனர். இந்த மனு விரைவில் விசாரணைக்கு வருகிறது.
5. ஸ்ரீவில்லிபுத்தூரில் எச்.ராஜாவை கண்டித்து கோவில் பணியாளர்கள் ஆர்ப்பாட்டம்
இந்து சமய அறநிலையத் துறைப் பணியாளர்களை. தமிழக பாரதீய ஜனதா கட்சியின் மாநில செயலாளர் எச்.ராஜா அவதூறாகப் பேசியதைக் கண்டித்து ஸ்ரீவல்லிபுத்தூர் ஆண்டாள் கோயில் முன்பு கோயில் பணியாளர்கள் செவ்வாய்கிழமை ஆர்ப்பாட்டத்தில் ஈடுபட்டனர்.