மாவட்ட செய்திகள்

ரசாயனம் கலக்கப்படுவதாக புகார் எதிரொலி - சின்னமுட்டம் துறைமுகத்தில் மீன்கள் விற்பனை சரிவு + "||" + Complaints about chemistry in fish - Cinnamuttam sales decline of fish in the harbor

ரசாயனம் கலக்கப்படுவதாக புகார் எதிரொலி - சின்னமுட்டம் துறைமுகத்தில் மீன்கள் விற்பனை சரிவு

ரசாயனம் கலக்கப்படுவதாக புகார் எதிரொலி - சின்னமுட்டம் துறைமுகத்தில் மீன்கள் விற்பனை சரிவு
ரசாயனம் கலக்கப்படுவதாக எழுந்த புகாரை தொடர்ந்து கேரள வியாபாரிகள் வராததால் சின்னமுட்டம் துறைமுகத்தில் மீன்கள் விற்பனை சரிவடைந்தது.
கன்னியாகுமரி,

வெளிமாநிலங்களில் இருந்து கேரளாவுக்கு செல்லும் மீன்களை கடந்த சில வாரங்களுக்கு முன்பு அங்குள்ள உணவு பாதுகாப்பு துறை அதிகாரிகள் சோதனை செய்தனர். அப்போது மீன்கள் நீண்ட நாட்கள் கெடாமல் இருக்க பார்மலின் என்ற ரசாயனம் கலக்கப்பட்டு இருந்தது கண்டுபிடிக்கப்பட்டது.

இந்த ரசாயனம் தடவப்பட்ட மீன்களை பயன்படுத்தும்போது பொதுமக்களுக்கு புற்றுநோய் உள்ளிட்ட நோய்கள் ஏற்படும். இதனால் கேரள அரசு வெளி மாநிலங்களில் இருந்து வரும் மீன்களை பலத்த ஆய்வுக்கு பிறகே கேரள மாநிலத்திற்குள் அனுமதிக்கிறது.

குமரி மாவட்டத்தின் முக்கிய மீன்பிடி துறைமுகங்களில் ஒன்று சின்னமுட்டம். இந்த துறைமுகத்தில் இருந்து தினமும் 300-க்கும் மேற்பட்ட விசைப்படகுகள் மீன்பிடி தொழிலில் ஈடுபட்டு வருகின்றன. இந்த விசைப்படகுகள் தினமும் அதிகாலையில் கடலுக்கு சென்று விட்டு இரவு கரை திரும்பும். இதனால் கேரள வியாபாரிகள் அதிகளவில் வருகை தந்து தினமும் பல ஆயிரம் டன் மீன்களை வாங்கி விற்பனைக்காக கேரளாவிற்கு கொண்டு செல்வது வழக்கம்.

இந்தநிலையில் கேரளாவில் ஏற்பட்டுள்ள பிரச்சினை காரணமாக சின்னமுட்டம் துறைமுகத்திற்கு கேரள வியாபாரிகளின் வருகை குறைந்தது. இதனால் மீன்களின் விற்பனை சரிவடைந்தது. மேலும், ஏராளமான மீன்கள் பிடித்து வரப்பட்டும் விசைப்படகு டீசல், ஐஸ் கட்டிகள் மற்றும் மீனவர்களுக்கான சம்பளம் ஆகியவற்றை கணக்கிடும்போது மீன்களுக்கு அதற்கு உரிய விலை கிடைப்பதில்லை. உள்ளூர் வியாபாரிகள் மட்டுமே வாங்கி செல்வதால் ஏராளமான மீன்கள் விற்க முடியாமல் மார்க்கெட்டிலேயே தேங்கியுள்ளது.

இதனால் சின்னமுட்டம் துறைமுகத்தில் இருந்து கடலுக்கு செல்லும் விசைப்படகுகளின் எண்ணிக்கை குறைந்துள்ளது. அதனால் மீனவர்களின் தொழில் பாதிக்கப்பட்டுள்ளது.


தொடர்புடைய செய்திகள்

1. கன்னியாகுமரியில் இருந்து திருப்பூருக்கு இந்திய கம்யூனிஸ்டு கட்சியினர் வாகன பிரசார பயணம்
இந்திய கம்யூனிஸ்டு கட்சியினர் கன்னியாகுமரியில் இருந்து திருப்பூருக்கு வாகன பிரசார பயணத்தை தொடங்கினர். அப்போது போலீசாருடன் வாக்குவாதம் ஏற்பட்டதால் பரபரப்பு ஏற்பட்டது.
2. சசிகுமார் கொலை வழக்கில் குற்றப்பத்திரிகை தாக்கலுக்கு பிறகும் விசாரணை, கலெக்டரிடம் புகார் மனு
சசிகுமார் கொலை வழக்கில் குற்றப்பத்திரிகை தாக்கல் செய்த பிறகும் விசாரணை நடத்தப்பட்டு வருவதாக கலெக்டரிடம் புகார் மனு அளிக்கப்பட்டது.
3. சி.பி.ஐ. நோட்டீஸ் திருத்தப்பட்டதாக புகார்: விஜய் மல்லையா விவகாரத்தில் சுதந்திரமான விசாரணை - காங்கிரஸ் வலியுறுத்தல்
விஜய் மல்லையா நாட்டை விட்டு தப்பியோடிய விவகாரத்தில் கோர்ட்டு மேற்பார்வையின் கீழ் சுதந்திரமான விசாரணை நடத்த வேண்டும் என காங்கிரஸ் வலியுறுத்தி உள்ளது.
4. கன்னியாஸ்திரி கற்பழிப்பு புகார் சி.பி.ஐ. விசாரணை கோரி கேரள ஐகோர்ட்டில் மனு
கேரள கன்னியாஸ்திரி கொடுத்த கற்பழிப்பு புகார் குறித்து சி.பி.ஐ. விசாரிக்க உத்தரவிடக்கோரி ஐகோர்ட்டில் வழக்கு தொடரப்பட்டு உள்ளது.
5. பிறந்தநாள் விழாவில் துப்பாக்கியால் சுட்ட பா.ஜனதா நிர்வாகிகள்
மத்திய பிரதேசத்தை சேர்ந்தவரும், பா.ஜனதா இளைஞரணி தேசிய செயற்குழு உறுப்பினருமான ராகுல் ராஜ்புத் சமீபத்தில் தனது பிறந்தநாளை கொண்டாடினார்.