மாவட்ட செய்திகள்

ரூபாய் நோட்டுகளை கீழே சிதறவிட்டு கவனத்தை திசை திருப்பி ரூ.1 லட்சம் திருட்டு + "||" + The rupee notes were scattered and distracted attention by Rs.1 lakhs theft

ரூபாய் நோட்டுகளை கீழே சிதறவிட்டு கவனத்தை திசை திருப்பி ரூ.1 லட்சம் திருட்டு

ரூபாய் நோட்டுகளை கீழே சிதறவிட்டு கவனத்தை திசை திருப்பி ரூ.1 லட்சம் திருட்டு
திருச்சியில் ரூபாய் நோட்டுகளை கீழே சிதறவிட்டு கவனத்தை திசை திருப்பி, ஓய்வு பெற்ற மாநகராட்சி அதிகாரியிடம் ரூ.1 லட்சத்தை திருடிச்சென்ற மர்ம நபர்களை போலீசார் வலைவீசி தேடி வருகின்றனர்.

கே.கே.நகர்,

திருச்சி கே.கே.நகர் ரெங்கா நகரை சேர்ந்தவர் சேகர் (வயது58). இவர் மாநகராட்சி அலுவலகத்தில் சுகாதார ஆய்வாளராக பணியாற்றி ஓய்வு பெற்றவர். இவர், நேற்று முன்தினம் உறையூர் ராமலிங்கநகரில் உள்ள வங்கியில் ரூ.1 லட்சத்தை தனது கணக்கில் இருந்து எடுத்தார். அந்த பணத்தை ஒரு பையில் போட்டு மொபட்டில் உள்ள பெட்டியில் வைத்து வீட்டிற்கு சென்று கொண்டிருந்தார்.

வீட்டின் முன்பு வந்ததும் மொபட்டை நிறுத்திவிட்டு சாவியை போட்டு இருக்கையின் கீழ் பகுதியை திறக்க முயன்றார். அந்த நேரத்தில் மோட்டார் சைக்கிளில் ஒருவர் வந்தார். மற்றொரு நபர் நடந்து வந்தார். சாலையில் ரூ.100, ரூ.20 நோட்டுகள் சிதறி கிடப்பதாகவும், அந்த நோட்டுகள் உங்களுடையதா? என நடந்து வந்த வாலிபர் சேகரிடம் கேட்டார். இதனை கேட்ட அவர் மொபட்டில் சாவியை வைத்து விட்டு கீழே கிடந்த ரூபாய் நோட்டுகளை எடுக்க சென்றார்.

அந்த நேரத்தில் மர்ம நபர்கள், சேகரின் மொபட்டில் அவர் வைத்து சென்ற சாவி மூலம் பெட்டியை திறந்து அதில் பையில் வைத்திருந்த ரூ.1 லட்சத்தை திருடிவிட்டு மோட்டார் சைக்கிளில் தப்பிச்சென்று விட்டனர். சேகர் கீழே கிடந்த ஒரு சில ரூபாய் நோட்டுகளை எடுத்துவிட்டு தனது மொபட்டின் அருகே வந்த போது பெட்டியில் வைக்கப்பட்டிருந்த ரூ.1 லட்சம் காணாதை கண்டு அதிர்ச்சியடைந்தார்.

மர்மநபர்கள், கீழே ரூபாய் நோட்டுகளை சிதற விட்டு கவனத்தை திசை திருப்பி பணத்தை திருடிச்சென்றது தெரியவந்தது. இதுகுறித்து கே.கே.நகர் போலீஸ் நிலையத்தில் சேகர் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தினர்.

வங்கியில் சேகர் பணத்தை எடுத்தது முதல் அவர் வீட்டிற்கு மொபட்டில் வரும் வரை மர்ம நபர்கள் நோட்டமிட்டு பின்தொடர்ந்து வந்து தங்களது கைவரிசையை காட்டியது தெரியவந்தது. அந்த பகுதியில் பொருத்தப்பட்டுள்ள கண்காணிப்பு கேமராக்களில் பதிவான காட்சிகளை போலீசார் பார்வையிட்டனர். அதில் காட்சிகள் தெளிவாக இல்லாதது தெரிந்தது. இந்த சம்பவத்தில் ஈடுபட்ட மர்ம நபர்களை போலீசார் வலைவீசி தேடி வருகின்றனர்.


தொடர்புடைய செய்திகள்

1. காரைக்குடி பகுதியில் இரவு நேரத்தில் தொடர் திருட்டு கூடுதல் போலீசாரை ரோந்து பணியில் நியமிக்க வலியுறுத்தல்
காரைக்குடி பகுதியில் இரவு நேரங்களில் நடைபெறும் தொடர் திருட்டு சம்பவங்களை கட்டுப்படுத்த கூடுதலான போலீசார் ரோந்து பணியில் நியமிக்க வேண்டும் என்று போலீஸ் சூப்பிரண்டிடம் வலியுறுத்தப்பட்டுள்ளது.
2. சூளகிரி அருகே டிரான்ஸ்பார்மரில் அலுமினிய உதிரி பாகங்கள் திருட்டு
சூளகிரி அருகே உஸ்தலபள்ளி கிராமத்தில் டிரான்ஸ்பார்மர் உள்ளது. இதில், இருந்த அலுமினிய உதிரி பாகங்கள் திருட்டு போனது.
3. மடப்புரம் பகுதியில் மணல் திருட்டு குடிநீர் தட்டுப்பாடு ஏற்படும் அபாயம்
திருப்புவனம் அருகே உள்ள மடப்புரம் பகுதியில் தொடந்து மணல் திருட்டு சம்பவம் நடைபெற்று வருவதால் இந்த பகுதியில் குடிநீர் தட்டுப்பாடு ஏற்படும் அபாயம் உள்ளது.
4. புஞ்சைபுளியம்பட்டி அருகே வீட்டின் பூட்டை உடைத்து 6 பவுன் நகை–பணம் திருட்டு
புஞ்சைபுளியம்பட்டி அருகே உள்ள சுங்ககாரன்பாளையத்தில் வீட்டின் பூட்டை உடைத்து நகை மற்றும் பணத்தை மர்மநபர் திருடிச்சென்றார்.
5. திருவாடானை பாரதிநகர் பகுதியில் இரவு நேரங்களில் நீரேற்றம் செய்வதால் குடிநீர் திருட்டு நடவடிக்கை எடுக்க கம்யூனிஸ்டு கட்சி கோரிக்கை
திருவாடானை பாரதிநகர் பகுதியில் இரவு நேரங்களில் நீரேற்றம் செய்வதால் குடிநீர் திருட்டு அதிகரித்து வருவதாகவும், அதனை தடுக்க உரிய நடவடிக்கை எடுக்க வேண்டும் என இந்திய கம்யூனிஸ்டு கட்சி சார்பில் கோரிக்கை விடுக்கப்பட்டு உள்ளது.

ஆசிரியரின் தேர்வுகள்...