குஜராத்தில் இருந்து மும்பைக்கு மணல் கடத்தி வந்த 11 லாரிகள் பறிமுதல்

மும்பை,

குஜராத் மாநிலம் பாருஜ் மற்றும் வல்சாட் பகுதியிலிருந்து லாரிகளில் மும்பைக்கு மணல் கடத்தப்படுவதாக காசா போலீசாருக்கு தகவல் கிடைத்தது. இதையடுத்து போலீசார் சாரோடி சுங்க சாவடியில் சோதனை நடத்தினர். அப்போது மணல் கடத்தி வந்த 11 லாரிகள் பிடிபட்டன. இதையடுத்து போலீசார் ரூ.6 லட்சம் மதிப்புள்ள மணலுடன் 11 லாரிகளை பறிமுதல் செய்தனர்.

இதுகுறித்து போலீசார் வழக்குப்பதிவு செய்து மணல் கடத்தி வந்த லாரி டிரைவர்களை கைது செய்தனர். அவர்களிடம் விசாரணை நடந்து வருகிறது.