மாவட்ட செய்திகள்

கோபி அரசு ஆஸ்பத்திரியில் லஞ்ச ஒழிப்புத்துறை போலீசார் திடீர் சோதனை + "||" + Gopi Government Hospital The police are testing the vigilance

கோபி அரசு ஆஸ்பத்திரியில் லஞ்ச ஒழிப்புத்துறை போலீசார் திடீர் சோதனை

கோபி அரசு ஆஸ்பத்திரியில் லஞ்ச ஒழிப்புத்துறை போலீசார் திடீர் சோதனை
கோபி அரசு ஆஸ்பத்திரியில் லஞ்ச ஒழிப்புத்துறை போலீசார் நேற்று திடீர் சோதனை நடத்தியதால் பரபரப்பு ஏற்பட்டது.

கடத்தூர்,

தமிழகம் முழுவதும் உள்ள அரசு ஆஸ்பத்திரிகளில் ஏழை மற்றும் நடுத்தர மக்கள் தினமும் ஏராளமானோர் வந்து சிகிச்சை பெற்று செல்கின்றனர். இதற்காக ஆஸ்பத்திரிக்கு வரும் நோயாளிகளிடமும், அவர்களது உறவினர்களிடமும் ஆஸ்பத்திரி ஊழியர்கள் லஞ்சம் வாங்குவதாக அதிக அளவில் புகார்கள் எழுந்தன.

இதைத்தொடர்ந்து அரசு ஆஸ்பத்திரிகளில் லஞ்ச ஒழிப்புத்துறை போலீசார் நேற்று சோதனையில் ஈடுபட்டனர். அதன்படி ஈரோடு மாவட்டத்தில் கோபி அரசு ஆஸ்பத்திரியிலும் திடீர் சோதனை நடைபெற்றது. ஈரோடு லஞ்ச ஒழிப்புத்துறை போலீஸ் துணை சூப்பிரண்டு புஷ்பராஜ் தலைமையில் போலீசார் நேற்று மதியம் 12.30 மணி அளவில் ஆஸ்பத்திரிக்கு வந்தனர். பின்னர் ஆஸ்பத்திரியில் உள்ள தலைமை மருத்துவ அதிகாரி ஆனந்தன் அறைக்கு சென்றனர்.

அங்கு ஆனந்தனிடம் விசாரணை நடத்தினார்கள். பின்னர் மொத்த மருந்துகள் இருப்பு வைக்கப்படும் அறைக்கு சென்று மருந்துகள் இருப்பு குறித்து சோதனை செய்தனர். அதன்பின்னர் பச்சிளங் குழந்தைகள் அறை, கண் மருத்துவ பிரிவு, உள்நோயாளிகள் சிகிச்சை பெறும் அறை, ஸ்கேன் செய்யும் அறை என ஒவ்வொரு அறைகளாக சென்று சோதனை நடத்தினார்கள்.

அப்போது ஆஸ்பத்திரியில் இருந்த நோயாளிகளிடம் சரியான முறையில் சிகிச்சை அளிக்கப்படுகிறதா? தரக்குறைவாக நடத்துகிறார்களா?, யாராவது லஞ்சம் கேட்கிறார்களா? என்றும் கேட்டனர்.

இந்த சோதனையின்போது ஆஸ்பத்திரியில் இருந்து ஊழியர்கள் யாரையும் வெளியே செல்ல அனுமதிக்கவில்லை. அதேபோல் வெளியில் இருந்து யாரையும் உள்ளே வரவும் அனுமதிக்கவில்லை. அதே நேரம் நோயாளிகள் வழக்கம்போல் வந்து சிகிச்சை பெற்று சென்றனர். இந்த சோதனையின்போது கணக்கில் வராத ரூ.1000 கைப்பற்றப்பட்டதாக அதிகாரி ஒருவர் தெரிவித்தார். இந்த சோதனை நேற்று இரவு வரை நீடித்தது.


தொடர்புடைய செய்திகள்

1. வாகன சோதனை, தேர்தல் பறக்கும் படையினரிடம் ரூ.4½ லட்சம் சிக்கியது
நெல்லை மாவட்டத்தில் தேர்தல் பறக்கும் படை அதிகாரிகள் நடத்திய சோதனையில், ரூ.4½ லட்சம் சிக்கியது.
2. சாலையில் தேங்கும் அரசு ஆஸ்பத்திரி கழிவுநீர் நகரசபை நிர்வாகம் நடவடிக்கை எடுக்க கோரிக்கை
விருதுநகர் அரசு ஆஸ்பத்திரியில் இருந்து வெளியேற்றப்படும் கழிவுநீர் மற்றும் பொருட்கள் சாலையில் தேங்கி நிற்கும் நிலை உள்ளதால் அதனை அகற்ற நகராட்சி நிர்வாகம் உரிய நடவடிக்கை எடுக்க வேண்டும் என கோரிக்கை விடுக்கப்பட்டு உள்ளது.
3. தஞ்சையில், ஆவணங்கள் இன்றி கொண்டு செல்லப்பட்ட ரூ.3 லட்சம் பித்தளை-வெள்ளி பொருட்கள் பறிமுதல்
தஞ்சையில், உரிய ஆவணங்கள் இன்றி கொண்டு செல்லப்பட்ட ரூ.3½ லட்சம் மதிப்புள்ள பித்தளை-வெள்ளி பொருட்களையும், ரூ.2¼ லட்சத்தையும் தேர்தல் பறக்கும் படையினர் பறிமுதல் செய்து அதிரடி நடவடிக்கை எடுத்துள்ளனர்.
4. போலி அனுமதி சீட்டை பயன்படுத்தி மணல் அள்ளிய 3 பேர் கைது லாரி பறிமுதல்
கீழ்வேளூர் அருகே போலி அனுமதி சீட்டை பயன்படுத்தி மணல் அள்ளிய 3 பேரை போலீசார் கைது செய்தனர். கடத்தலுக்கு பயன்படுத்திய லாரியையும் பறிமுதல் செய்தனர்.
5. டெண்டருக்கு ரூ.2 லட்சம் லஞ்சம் : விமான நிலைய ஆணைய உயர் அதிகாரி கைது
இந்திய விமான நிலையங்களின் ஆணையத்தில் செயல் இயக்குனராக (நிதி) இருந்து வந்தவர், ரவிசந்திரன்.

அதிகம் வாசிக்கப்பட்டவை