மாவட்ட செய்திகள்

மனைவி, 2 மகள்களை கொலை செய்த பர்னிச்சர் கடை உரிமையாளர் தற்கொலை + "||" + The owner of the furniture shop owner who killed his wife, committed suicide

மனைவி, 2 மகள்களை கொலை செய்த பர்னிச்சர் கடை உரிமையாளர் தற்கொலை

மனைவி, 2 மகள்களை கொலை செய்த பர்னிச்சர் கடை உரிமையாளர் தற்கொலை
மனைவி, 2 மகள்களை கொலை செய்த வழக்கில், பர்னிச்சர் கடை உரிமையாளர் தற்கொலை செய்து கொண்டார்.
சின்னமனூர்,

மனைவி, 2 மகள்களை கொலை செய்த வழக்கில், ஜாமீனில் வெளிவந்த பர்னிச்சர் கடை உரிமையாளர் தற்கொலை செய்து கொண்டார்.

இந்த சம்பவம் குறித்து போலீஸ் தரப்பில் கூறப்படுவதாவது:-

தேனி மாவட்டம் உத்தமபாளையத்தை அடுத்துள்ள க.புதுப்பட்டியை சேர்ந்தவர் முருகன் (வயது 49). இவர், பர்னிச்சர் கடை நடத்தி வந்தார். கடந்த 2 ஆண்டுகளுக்கு முன்பு தனது மனைவி ஜமுனா (38) மற்றும் 2 மகள்களை கொலை செய்தார். பின்னர் அவரும் கத்தியால் கழுத்தை அறுத்து தற்கொலைக்கு முயன்றார்.


பின்னர் அவருக்கு உத்தமபாளையம் அரசு மருத்துவமனையில் சிகிச்சை அளிக்கப்பட்டது. சிகிச்சைக்கு பிறகு அவர் கைது செய்யப்பட்டு மதுரை மத்திய சிறையில் அடைக்கப்பட்டார். இந்தநிலையில் கடந்த சில நாட்களுக்கு முன்பு ஜாமீனில் முருகன் வெளியில் வந்தார். அதன்பின்னர் சின்னமனூரில் உள்ள ஒரு தனியார் தங்கும் விடுதியில் அறை எடுத்து அவர் தங்கியிருந்தார்.

நேற்று முன்தினம் இரவு அவர் தங்கியிருந்த அறை நீண்ட நேரமாகியும் திறக்கப்படாமல் இருந்தது. இதனால் சந்தேகம் அடைந்த விடுதி ஊழியர்கள் கதவை நீண்ட நேரம் தட்டிப்பார்த்தும் திறக்கப்படவில்லை. இதுகுறித்து சின்னமனூர் போலீசுக்கு தகவல் தெரிவிக்கப்பட்டது. அதன்பேரில் போலீசார் சம்பவ இடத்துக்கு விரைந்து வந்தனர்.

பின்னர் கதவை உடைத்து உள்ளே சென்று பார்த்தனர். அப்போது முருகன் வாயில் நுரை தள்ளிய நிலையில் பிணமாக கிடந்தார். மேலும் அருகில் மதுபாட்டில் மற்றும் விஷ பாட்டில்களும் கிடந்தது. இதையடுத்து அவருடைய உடலை போலீசார் கைப்பற்றி பிரேத பரிசோதனைக்காக சின்னமனூர் அரசு மருத்துவமனைக்கு அனுப்பி வைத்தனர். விசாரணையில் அவர், மதுவில் விஷம் கலந்து குடித்து தற்கொலை செய்து கொண்டது தெரியவந்தது. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.



தொடர்புடைய செய்திகள்

1. நெல்லித்தோப்பு மார்க்கெட்டில் நடந்த சம்பவம்: என்னை அடித்து துன்புறுத்தியதால் வாலிபரை கொலை செய்தேன், கைதான தொழிலாளி வாக்குமூலம்
நெல்லித்தோப்பு மார்க்கெட்டில் தலையில் கல்லை தூக்கிப் போட்டு வாலிபரை கொலை செய்ததாக ஒருவர் கைது செய்யப்பட்டார். தினமும் அடித்து துன்புறுத்தியதால் ஆத்திரத்தில் கொலை செய்ததாக போலீசில் அவர் வாக்குமூலம் அளித்தார்.
2. நாகர்கோவில் அருகே இரட்டை கொலை: சென்னை கோர்ட்டில் 2 பேர் சரண்
நாகர்கோவில் அருகே நடந்த இரட்டை கொலை வழக்கில் 2 பேர் சென்னை கோர்ட்டில் சரண் அடைந்தனர்.
3. திருமானூர் அருகே தொழிலாளியை அரிவாளால் வெட்டி கொலை செய்த 4 பேர் கைது
திருமானூர் அருகே தொழிலாளியை அரிவாளால் வெட்டிக்கொலை செய்த 4 பேரை போலீசார் கைது செய்தனர். மேலும் தலைமறைவாக உள்ளவர்களை தேடி வருகின்றனர்.
4. 8-வது மாடியில் இருந்து தள்ளிவிடப்பட்டாள் : ஒரு வாரமாக உயிருக்கு போராடிய சிறுமி பலி
8-வது மாடியில் இருந்து 16 வயது சிறுவனால் தள்ளிவிடப்பட்ட 12 வயது சிறுமி சிகிச்சை பலனின்றி பலியானாள். காதலை ஏற்க மறுத்ததால், இந்த கொடூரம் நடந்துள்ளது.
5. கள்ளக்காதலை கண்டித்ததால் கொன்று புதைக்கப்பட்ட மீனவரின் உடல் 6 ஆண்டுகளுக்கு பிறகு தோண்டி எடுப்பு மனைவி,கொழுந்தன் கைது;பரபரப்பு வாக்குமூலம்
கள்ளக்காதலை கண்டித்ததால் கொலை செய்யப்பட்ட மீனவரின் உடல் 6 ஆண்டுகளுக்கு பிறகு தோண்டி எடுக்கப்பட்டது.