மாவட்ட செய்திகள்

முன்விரோதத்தில் மீனவரை ஓட, ஓட விரட்டி சரமாரியாக வெட்டிய கும்பல் போலீஸ் தேடுகிறது + "||" + In front of hostility Gang cuttings fishermen Police searches

முன்விரோதத்தில் மீனவரை ஓட, ஓட விரட்டி சரமாரியாக வெட்டிய கும்பல் போலீஸ் தேடுகிறது

முன்விரோதத்தில் மீனவரை ஓட, ஓட விரட்டி சரமாரியாக வெட்டிய கும்பல் போலீஸ் தேடுகிறது
முன்விரோதத்தில் மீனவரை ஓட, ஓட விரட்டி சரமாரியாக வெட்டிய மர்ம கும்பலை போலீசார் தேடி வருகிறார்கள்.

புதுச்சேரி,

புதுச்சேரி சோலை நகர் சுனாமி குடியிருப்பை சேர்ந்தவர் முருகன். இவருடைய மகன் மதிவாணன் (வயது25). மீனவர். இவருடைய மனைவி கீர்த்திகா. இவர்களுக்கு ஒரு ஆண்குழந்தை உள்ளது. மதிவாணன் நேற்று இரவு தனது மோட்டார் சைக்கிளில் குருசுக்குப்பத்திற்கு சென்றார்.

அப்போது அந்த பகுதியில் உள்ள அரசு பள்ளி அருகே சென்றபோது, அவரை பின்தொடர்ந்து 2 மோட்டார் சைக்கிள்களில் வந்த 4 பேர் கொண்ட மர்ம கும்பல் முன்விரோதம் காரணமாக மதிவாணனின் மோட்டார் சைக்கிளை வழிமறித்து தகராறில் ஈடுபட்டனர்.

அப்போது அவர்கள் திடீரென தாங்கள் மறைத்து வைத்திருந்த கத்தி, அரிவாள் உள்ளிட்ட ஆயுதங்களை எடுத்து மதிவாணனை சரமாரியாக வெட்டினார்கள். இதனால் அதிர்ச்சியடைந்த மதிவாணன் மோட்டார் சைக்கிளை நடுரோட்டில் போட்டுவிட்டு ரத்தக்காயத்துடன் உயிர்பிழைக்க தப்பி ஓடினார். அந்த கும்பல் அவரை விடாமல் ஓட, ஓட துரத்திச்சென்று வெட்டினார்கள். இதில் நிலைக்குலைந்த மதிவாணன் ரோட்டில் சரிந்து கீழே விழுந்தார். பின்னர் அந்த கும்பல் அங்கிருந்து தப்பிச்சென்றது.

இதுகுறித்து தகவல் அறிந்தவுடன் முத்தியால்பேட்டை போலீசார் சம்பவ இடத்திற்கு விரைந்து வந்து மதிவாணனை மீட்டு புதுவை அரசு ஆஸ்பத்திரியில் சிகிச்சைக்காக சேர்த்தனர். அங்கு அவருக்கு தீவிர சிகிச்சை பிரிவில் சிகிச்சை அளிக்கப்பட்டு வருகிறது.

இதுதொடர்பாக முத்தியால்பேட்டை போலீசார் வழக்குப்பதிவு செய்து விசாரணை நடத்தினார்கள். மேலும் தப்பி ஓடிய மர்ம கும்பலையும் போலீசார் தேடி வருகிறார்கள். மீனவரை ஓட, ஓட துரத்திச்சென்று கொலை செய்ய முயன்ற சம்பவம் குருசுக்குப்பத்தில் பரபரப்பை ஏற்படுத்தி உள்ளது.


தொடர்புடைய செய்திகள்

1. தடைசெய்யப்பட்ட வலைகளில் மீன்பிடிப்பதை தடுக்கக்கோரி மண்டபத்தில் மீனவர்கள் முற்றுகை
அரசால் தடை செய்யப்பட்ட வலைகளில் மீன்பிடிப்பதை தடுக்கக்கோரி மண்டபத்தில் மீனவர்கள் முற்றுகையிட்டனர்.
2. இலங்கை சிறையில் இருந்த ராமேசுவரம் மீனவர்கள் 11 பேர் விடுதலை விரைவில் ஊர் திரும்புகிறார்கள்
இலங்கை சிறையில் இருந்த ராமேசுவரம் மீனவர்கள் 11 பேர் விடுதலை செய்யப்பட்டனர். அவர்கள் விரைவில் சொந்த ஊர் திரும்புவார்கள் என எதிர்பார்க்கப்படுகிறது.
3. ராமேசுவரம் மீனவர்களை கட்டி வைத்து இலங்கை கடற்படையினர் தாக்குதல் வலைகளை அறுத்து விரட்டி அடித்தனர்
நடுக்கடலில் மீன் பிடித்துக்கொண்டிருந்த ராமேசுவரம் மீனவர்களை இலங்கை கடற்படையினர் சரமாரியாக தாக்கியதுடன், வலைகள் உள்ளிட்ட மீன்பிடி சாதனங்களை சேதப்படுத்தி விரட்டியடித்தனர்.
4. இலங்கை கடற்படையினர் விரட்டியதில் கடலுக்குள் விழுந்து பலியான மீனவரின் குடும்பத்துக்கு ரூ.5 லட்சம் நிவாரணம் அமைச்சர் டாக்டர் மணிகண்டன் வழங்கினார்
இலங்கை கடற்படையினர் விரட்டியதில் கடலுக்குள் தவறி விழுந்து பலியான மீனவரின் குடும்பத்துக்கு முதல்–அமைச்சர் பொது நிவாரண நிதியில் இருந்து ரூ.5 லட்சத்துக்கான காசோலையை அமைச்சர் டாக்டர் மணிகண்டன் வழங்கினார்.
5. இளம்பெண்ணிடம் நகை பறித்த முன்னாள் போலீஸ்காரருக்கு 5 ஆண்டு சிறை கோவில்பட்டி கோர்ட்டு தீர்ப்பு
இளம்பெண்ணிடம் நகை பறித்த வழக்கில், முன்னாள் போலீஸ்காரருக்கு 5 ஆண்டு சிறை தண்டனை விதித்து, கோவில்பட்டி கோர்ட்டு தீர்ப்பு கூறியது.