மாவட்ட செய்திகள்

உழவர் உழைப்பாளர் கட்சி தி.மு.க.–காங்கிரஸ் கூட்டணிக்கு ஆதரவு மாநில தலைவர் கு.செல்லமுத்து அறிவிப்பு + "||" + Farmers Workers Party Support DMK - Congress Coalition

உழவர் உழைப்பாளர் கட்சி தி.மு.க.–காங்கிரஸ் கூட்டணிக்கு ஆதரவு மாநில தலைவர் கு.செல்லமுத்து அறிவிப்பு

உழவர் உழைப்பாளர் கட்சி தி.மு.க.–காங்கிரஸ் கூட்டணிக்கு ஆதரவு மாநில தலைவர் கு.செல்லமுத்து அறிவிப்பு
உழவர் உழைப்பாளர் கட்சி தி.மு.க.–காங்கிரஸ் கூட்டணிக்கு ஆதரவு அளிப்போம் என்று கட்சியின் மாநில தலைவர் கு.செல்லமுத்து அறிவித்துள்ளார்.

தாராபுரம்,

தாராபுரத்தில் உழவர் உழைப்பாளர் கட்சியின் சார்பில், உழவர் தினவிழா மற்றும் பொங்கல் விழா நடைபெற்றது. நிகழ்ச்சிக்கு மாவட்ட செயலாளர் ஈஸ்வரமூர்த்தி தலைமை தாங்கினார். கட்சியின் மாநில தலைவர் கு.செல்லமுத்து கலந்துகொண்டு கட்சிக்கொடியை ஏற்றி வைத்து பேசினார்.

நிகழ்ச்சியில் மாநில பொருளாளர் பாலசுப்பிரமணியம், மாநில ஆலோசகர் கே.சி.எம்.பாலசுப்பிரமணியம், மாநில மகளிர் அணித்தலைவி டாக்டர் ராஜரீகா, மாநில செயலாளர் ஈஸ்வரன், தமிழக விவசாயிகள் பாதுகாப்பு சங்க தலைவர் கொங்கு ராஜாமணி, தென்னிந்திய கரும்பு விவசாயிகள் சங்க தலைவர் ராஜ்குமார் உள்பட பலர் கலந்துகொண்டனர்.

நிகழ்ச்சிக்கு பிறகு கட்சியின் மாநில தலைவர் கு.செல்லமுத்து நிருபர்களிடம் கூறியதாவது:–

திருப்பூர் மாவட்டத்தின் உயிர் நாடியாக உள்ள ஆனைமலையாறு– நல்லாறு திட்டத்தை அரசு உடனே நிறைவேற்ற வேண்டும். அதேபோல் அத்திக்கடவு– அவினாசி திட்டத்தை நிறைவேற்ற அரசு நிதி ஒதுக்கினால் மட்டும் போதாது. விரைவில் திட்டத்தை செயல்படுத்த வேண்டும். மத்திய அரசு கொப்பரை தேங்காய் 1– கிலோவிற்கு ரூ.95 விலை நிர்ணயம் செய்துள்ளது. இது விவசாயிகளுக்கு போதுமான விலையாக இல்லை. எனவே கொப்பரை தேங்காய் கிலோ 1–க்கு, ரூ.140 என விலை நிர்ணயம் செய்து, நேரடியாக கொள்முதல் செய்ய வேண்டும். வறண்டு கிடக்கும் வட்டமலைகரை ஓடை அணையால் விவசாயிகளுக்கு எந்த பயனுமில்லை.

எனவே வட்டமலைக்கரை ஓடை அணைக்கு பி.ஏ.பி அல்லது அமராவதியின் உபரி நீரை வழங்க, அரசு புதிய திட்டத்தை உருவாக்க வேண்டும். மின்சார வாரியத்தில் சுயநிதி மின் இணைப்பு திட்டத்தில் ரூ.50 ஆயிரம், ரூ.20 ஆயிரம், ரூ.10 ஆயிரம் மற்றும் சாதாரண வரிசையில் பல ஆயிரம் விவசாயிகள் விண்ணப்பித்துவிட்டு நீண்ட காலமாக மின் இணைப்புக்காக காத்திருக்கிறார்கள்.

நடைபெறவுள்ள பாராளுமன்ற தேர்தலில் தி.மு.க.– காங்கிரஸ் கூட்டணிக்கு உழவர் உழைப்பாளர் கட்சி முழு ஆதரவு அளிக்கும். மேலும் கூட்டணியின் வெற்றிக்காக அயராது பாடுபடுவோம். கடந்த 6 மாதமாக தாராபுரம் கோட்ட அளவிலான விவசாயிகள் குறைதீர்ப்பு கூட்டம் நடைபெறவில்லை. இதனால் விவசாயிகள் தங்களுடைய குறைகளை அரசுக்கு தெரிவிக்க முடியாத நிலை இருந்து வருகிறது.

இதுகுறித்து மாவட்ட நிர்வாகத்திடம் பலமுறை விண்ணப்பித்தும், எந்தவித நடவடிக்கையும் எடுக்கவில்லை. அடுத்த மாதம் கோட்ட அளவிலான விவசாயிகள் குறைதீர்ப்பு கூட்டம் நடத்த வேண்டும். தவறும் பட்சத்தில் தாராபுரத்தில் உள்ள சப்–கலெக்டர் அலுவலகத்தை முற்றுகையிட்டு போராட்டம் நடத்துவோம்.

இவ்வாறு அவர் கூறினார்.


தொடர்புடைய செய்திகள்

1. அ.தி.மு.க., என்.ஆர்.காங்கிரஸ் கட்சிகள் சந்தர்ப்பவாத கூட்டணி அமைச்சர் நமச்சிவாயம் குற்றச்சாட்டு
நாடாளுமன்ற தேர்தலில் அ.தி.மு.க., என்.ஆர்.காங்கிரஸ் கட்சிகள் கூட்டணி சந்தர்ப்பவாத கூட்டணி அமைத்துள்ளதாக அமைச்சர் நமச்சிவாயம் குற்றஞ்சாட்டியுள்ளார்.
2. மக்கள் பிரச்சினைகள் குறித்து விவாதிக்க முதல்–அமைச்சர்களை சந்திக்க பிரதமர் மறுக்கிறார் காங்கிரஸ் மாநில பொறுப்பாளர் சஞ்சய் தத் பேட்டி
மக்கள் பிரச்சினைகள் குறித்து விவாதிக்க மாநில முதல்–அமைச்சர்களை சந்திக்க பிரதமர் மோடி மறுக்கிறார் என்று காங்கிரஸ் கட்சியின் புதுவை மாநில பொறுப்பாளர் சஞ்சய் தத் கூறினார்.
3. அ.தி.மு.க– பா.ஜ.க. முறைப்படி அமைந்த கூட்டணி மத்திய மந்திரி பொன்.ராதாகிருஷ்ணன் பேட்டி
அ.தி.மு.க– பா.ஜ.க. கூட்டணி முறைப்படி அமைந்துள்ள கூட்டணி என மத்திய மந்திரி பொன்.ராதாகிருஷ்ணன் கூறினார்.
4. அ.தி.மு.க.–என்.ஆர்.காங்கிரஸ் கூட்டணி பேச்சு வார்த்தை விரைவில் முடியும் அன்பழகன் எம்.எல்.ஏ. பேட்டி
அ.தி.மு.க.வுடன் என்.ஆர்.காங்கிரஸ் கூட்டணி பேச்சுவார்த்தை நடந்து வருகிறது. விரைவில் முடியும் என்று அன்பழகன் எம்.எல்.ஏ. கூறினார்.
5. நாடாளுமன்றத் தேர்தலில் தி.மு.க. கூட்டணியில் காங்கிரஸ் கட்சிக்கு 10 இடங்கள் ஒதுக்கீடு
நாடாளுமன்றத் தேர்தலில் தி.மு.க. கூட்டணியில் காங்கிரஸ் கட்சிக்கு 10 இடங்கள் ஒதுக்கீடு செய்யப்பட்டுள்ளது.