மாவட்ட செய்திகள்

பணியிடை நீக்கம் செய்யப்பட்ட போலீஸ் இன்ஸ்பெக்டர்–ஜீப் டிரைவர் வீடுகளில் லஞ்ச ஒழிப்புத்துறை சோதனை + "||" + Suspended Police Inspector Driver's homes Bribery testing

பணியிடை நீக்கம் செய்யப்பட்ட போலீஸ் இன்ஸ்பெக்டர்–ஜீப் டிரைவர் வீடுகளில் லஞ்ச ஒழிப்புத்துறை சோதனை

பணியிடை நீக்கம் செய்யப்பட்ட போலீஸ் இன்ஸ்பெக்டர்–ஜீப் டிரைவர் வீடுகளில் லஞ்ச ஒழிப்புத்துறை சோதனை
லஞ்சம் வாங்கியதாக பணியிடை நீக்கம் செய்யப்பட்ட போலீஸ் இன்ஸ்பெக்டர் மற்றும் அவருடைய ஜீப் டிரைவர் வீடுகளில் லஞ்ச ஒழிப்புத்துறை அதிகாரிகள் சோதனையில் ஈடுபட்டனர். இதனால் கோபி அருகே பரபரப்பு ஏற்பட்டது.

கடத்தூர்,

ஈரோடு மாவட்டம் கோபி அருகே உள்ள சின்னமொடச்சூர் பகுதியை சேர்ந்தவர் பதி (வயது 48). இவர் சத்தியமங்கலம் போக்குவரத்து போலீசில் இன்ஸ்பெக்டராக பணியாற்றி வந்தார். இந்த நிலையில் இவர் வாகன தணிக்கையில் ஈடுபடும் போது லாரி டிரைவர்களிடம் லஞ்சம் வாங்கியதாக கூறப்படுகிறது. இதனால் லாரி டிரைவர்கள் ஈரோடு லஞ்ச ஒழிப்புத்துறை அதிகாரிகளுக்கு தகவல் கொடுத்தனர்.

அதன்பேரில் கடந்த சில நாட்களுக்கு முன்பு லஞ்ச ஒழிப்புத்துறை அதிகாரிகள் மாறுவேடத்தில் லாரி ஓட்டிச்சென்றனர். அப்போது சத்தியமங்கலம் அருகே வாகன தணிக்கையில் ஈடுபட்ட போக்குவரத்து போலீஸ் இன்ஸ்பெக்டர் பதி, அந்த லாரியை தடுத்து நிறுத்தி டிரைவரிடம் லஞ்சம் வாங்கியதாக தெரிகிறது.

இதனால் மாறு வேடத்தில் இருந்தவர்கள் தாங்கள் லஞ்ச ஒழிப்புத்துறையினர் என்று அறிமுகப்படுத்திக்கொண்டதோடு, விசாரணை நடத்த வேண்டும் சத்தியமங்கலம் போலீஸ் நிலையத்துக்கு வாருங்கள் என்று போக்குவரத்து போலீஸ் இன்ஸ்பெக்டர் பதியை அழைத்தனர். இதனால் அதிர்ச்சி அடைந்த பதி அங்கிருந்து தப்பி ஓடினார்.

இதுகுறித்து லஞ்ச ஒழிப்புத்துறையினர் சத்தியமங்கலம் போலீஸ் நிலையத்தில் புகார் அளித்தனர். மேலும் லாரி டிரைவர்களிடம் லஞ்சம் வாங்கியதாக போக்குவரத்து போலீஸ் இன்ஸ்பெக்டர் பதி, பணியிடை நீக்கமும் செய்யப்பட்டார்.

இந்த நிலையில் நேற்று காலை 8 மணி அளவில் ஈரோடு மாவட்ட லஞ்ச ஒழிப்புத்துறை துணை போலீஸ் சூப்பிரண்டு புஷ்பராஜ் மற்றும் அதிகாரிகள், கோபி சின்ன மொடச்சூர் திரு.வி.க. வீதியில் உள்ள பதி வீட்டுக்கு திடீரென காரில் சென்றனர். அங்குள்ள ஒரு வீட்டின் மாடியில் பதியின் வீடு உள்ளது.

மாடிப்படி ஏறி வீட்டுக்குள் அதிரடியாக லஞ்ச ஒழிப்புத்துறை போலீசார் நுழைந்தனர். அப்போது பதி மற்றும் அவருடைய குடும்பத்தினர் அனைவரும் வீட்டில் இருந்தார்கள். அனைவருடைய செல்போன்களையும் லஞ்ச ஒழிப்புத்துறை போலீசார் வாங்கி வைத்துக்கொண்டார்கள். அதன்பின்னர் கதவுகளையும், ஜன்னல்களையும் மூடிக்கொண்டு ஒவ்வொரு இடமாக துருவி துருவி சோதனை செய்தார்கள். மாலை வரை சோதனை தொடர்ந்தது. ஆனால் ஆவணங்கள் எதையும் போலீசார் கைப்பற்றவில்லை.

இதேபோல் பதியின் ஜீப் டிரைவர் சத்தியமங்கலம் காலனியை சேர்ந்த மனோஜ் என்பவருடைய வீட்டிலும் நேற்று காலை 8 மணி அளவில் லஞ்ச ஒழிப்புத்துறை போலீசார் சோதனை நடத்தினார்கள்.

அப்போது வீட்டில் மனோஜின் மனைவி மட்டும் இருந்தார். இந்த சோதனையில் பதியின் மடிக்கணினி, அவருடைய அடையாள அட்டை, மேலும் லஞ்ச ஒழிப்புத்துறை அவருக்கு அனுப்பிய நோட்டீசு ஆகியவை கைப்பற்றப்பட்டது. மாலை 4 மணி அளவில் போலீசார் மனோஜின் வீட்டில் சோதனையை முடித்துக்கொண்டு அங்கிருந்து சென்றுவிட்டார்கள்.

பணியிடை நீக்கம் செய்யப்பட்ட போலீஸ் இன்ஸ்பெக்டர் மற்றும் அவருடைய ஜீப் டிரைவர் வீடுகளில் லஞ்ச ஒழிப்புத்துறை போலீசார் சோதனை நடத்தியது அந்தப்பகுதியில் பரபரப்பை ஏற்படுத்தியது.


தொடர்புடைய செய்திகள்

1. 5 பேரை தேசிய புலனாய்வு முகமை கைது செய்ததன் எதிரொலி: ராமநாதபுரம் மாவட்டத்தில் தீவிர கண்காணிப்பு
ராமநாதபுரம் மாவட்டத்தை சேர்ந்த 5 பேரை தேசிய புலனாய்வு முகமை அதிகாரிகள் கைது செய்ததன் எதிரொலியாக மாவட்டம் முழுவதும் கண்காணிப்பு தீவிரப்படுத்தப்பட்டு உள்ளது என்று போலீஸ் சூப்பிரண்டு ஓம்பிரகாஷ் மீனா தெரிவித்துள்ளார்.
2. ஈரோடு பஸ் நிலையத்தில் நிறுத்தப்பட்டபோது புகை வந்த நடமாடும் ஏ.டி.எம். எந்திரத்தில் ரூ.9 லட்சம் மாயம் போலீஸ் விசாரணை
ஈரோடு பஸ்நிலையத்தில் நிறுத்தப்பட்டு இருந்தபோது, புகை வந்த நடமாடும் ஏ.டி.எம். எந்திரத்தில் ரூ.9 லட்சம் மாயமானது. இதுகுறித்து போலீசார் விசாரணை நடத்தி வருகிறார்கள்.
3. காங்கேயம் அருகே சட்ட விரோதமாக மது விற்பனை: ஓட்டலுக்குள் புகுந்து மதுபாட்டில்களை அள்ளிய பெண்கள் முற்றுகையிட்டு போராட்டம் நடத்தியதால் பரபரப்பு
காங்கேயம் அருகே சட்டவிரோதமாக மதுபானம் விற்பனை செய்த ஓட்டலை முற்றுகையிட்டு பெண்கள் போராட்டம் நடத்தியதோடு, திடீரென்று ஓட்டலுக்குள் புகுந்து அங்கு விற்பனைக்கு வைக்கப்பட்டு இருந்த மதுபாட்டில்களை அள்ளினர். இதனால் பரபரப்பு ஏற்பட்டது.
4. நாகர்கோவிலில் வீடு ஜப்தி நடவடிக்கை: வாடகைக்கு இருந்த தம்பதி தீக்குளிக்க முயன்றதால் பரபரப்பு
நாகர்கோவிலில் வீட்டை ஜப்தி செய்ய முயன்ற போது, அந்த வீட்டில் வாடகைக்கு இருந்த தம்பதி தீக்குளிக்க முயன்றதால் பரபரப்பு ஏற்பட்டது. இதனால் வங்கி அதிகாரிகள் திரும்பி சென்றனர்.
5. போலீஸ் போல் நடித்து என்ஜினீயரிங் கல்லூரி மாணவர்களை தாக்கி நகை, செல்போன்கள் பறிப்பு; ரூ.1 லட்சம் கேட்டு மிரட்டல்
போலீஸ் போல் நடித்து என்ஜினீயரிங் கல்லூரி மாணவர்களை வீடு புகுந்து தாக்கி நகை, செல்போன்களை பறித்து சென்றதுடன், ரூ.1 லட்சம் கேட்டு மிரட்டியவர்களை போலீசார் தேடி வருகின்றனர்.