மாவட்ட செய்திகள்

நடுக்கடலில் மீன்பிடித்த 9 மீனவர்கள், 2 விசைப்படகுகள் சிறைபிடிப்பு + "||" + In mid-sea fishing 9 fishermen and 2 boats prison capture

நடுக்கடலில் மீன்பிடித்த 9 மீனவர்கள், 2 விசைப்படகுகள் சிறைபிடிப்பு

நடுக்கடலில் மீன்பிடித்த 9 மீனவர்கள், 2 விசைப்படகுகள் சிறைபிடிப்பு
ராமேசுவரம் அருகே நடுக்கடலில் மீன்பிடித்து கொண்டிருந்த 9 மீனவர்கள், 2 விசைப்படகுகளை இலங்கை கடற்படையினர் சிறைபிடித்து சென்றனர்.

ராமேசுவரம்,

ராமேசுவரத்தில் இருந்து நேற்று காலை 500–க்கும் மேற்பட்ட விசைப்படகுகளில் சுமார் 2,500 மீனவர்கள் கடலுக்கு மீன்பிடிக்க சென்றனர். அவர்கள் நடுக்கடலில் மீன்பிடித்து கொண்டிருந்தபோது, அங்கு ரோந்து வந்த இலங்கை கடற்படையினர் மீனவர்களை பார்த்தவுடன், அங்கிருந்து செல்லுமாறு எச்சரித்தனர். தொடர்ந்து சில விசைப்படகுகளில் இறங்கிய இலங்கை கடற்படையினர் மீனவர்களின் வலைகளை அறுத்து கடலில் எறிந்தனர். இதனால் மற்ற படகுகளில் இருந்து மீனவர்கள் உடனடியாக தங்களது விசைப்படகுகளை எடுத்துக்கொண்டு அங்கிருந்து தப்பினர்.

இதற்கிடையே பல விசைப்படகுகளை இலங்கை கடற்படையினர் விரட்டி அடித்தனர். மேலும் 2 படகுகளையும், அதில் இருந்த 9 மீனவர்களையும் இலங்கை கடற்படையினர் பிடித்துச் சென்றுள்ளனர்.

சிறைபிடிக்கப்பட்ட படகுகளில் இருந்த மீனவர்கள் ராமேசுவரத்தில் இருந்து சென்றவர்களா அல்லது மண்டபத்தில் இருந்து சென்றவர்களா? என்பது தெரியவில்லை. மீன்பிடிக்க சென்ற மீனவர்கள் கரைக்கு வந்தபிறகே அதன் விவரம் தெரியவரும் என்று மீனவர் சங்க வட்டாரங்கள் தெரிவிக்கின்றன.


தொடர்புடைய செய்திகள்

1. கடல் கொந்தளிப்பில் சிக்கிய தூத்துக்குடி மீனவர்கள் மண்டபத்துக்கு வந்து கரையேறினர்
மன்னார் வளைகுடா பகுதியில் மீன்பிடிக்க வந்து கடல் கொந்தளிப்பில் தூத்துக்குடி மீனவர்கள் 6 பேர் சிக்கினர். பின்னர் அவர்கள் மண்டபம் பகுதியில் கரை சேர்ந்தனர்.
2. மாமல்லபுரம் மீனவர்களின் வலையில் சிக்கிய 9 டன் மீன்கள் ரூ.10 லட்சத்துக்கு விலை போனது
மாமல்லபுரம் மீனவர்களின் வலையில் 9 டன் மீன்கள் சிக்கின. இந்த மீன்கள் ரூ.10 லட்சத்துக்கு விலைபோனது.
3. கன்னியாகுமரி அருகே, மீனவர்கள் கோஷ்டி மோதல், கடலில் விழுந்தவர் கதி என்ன? - 5 பேர் காயம்
கன்னியாகுமரி அருகே நடுக்கடலில் மீனவர்கள் இரு கோஷ்டியாக மோதிக்கொண்டனர். அப்போது கடலில் விழுந்து மாயமானவர் கதி என்ன? என்பது தெரியவில்லை. மேலும் 5 பேர் காயம் அடைந்தனர்.
4. மார்த்தாண்டன்துறையில் பரபரப்பு கடல் சீற்றம்; கலையரங்கம் சேதம் தூண்டில் வளைவு அமைக்க மீனவர்கள் கோரிக்கை
மார்த்தாண்டன்துறையில் ஏற்பட்ட கடல் சீற்றத்தில் கலையரங்கம் இடிந்து சேதமடைந்தது. மீனவ கிராமங்களை பாதுகாக்க தூண்டில் வளைவு அமைத்து தரவேண்டும் என்று மீனவர்கள் கோரிக்கை விடுத்துள்ளனர்.
5. சுருக்கு வலை பிரச்சினையில் நல்ல முடிவினை எடுக்கவேண்டும்; மத்திய, மாநில அரசுகளுக்கு தேசிய மீனவர் பேரவை வேண்டுகோள்
சுருக்கு வலை பிரச்சினையில் நல்ல முடிவினை எடுக்கவேண்டும் என்று மத்திய, மாநில அரசுகளுக்கு தேசிய மீனவர் பேரவை வேண்டுகோள் விடுத்துள்ளது.