மாவட்ட செய்திகள்

ஓய்வு பெற்ற ஏட்டு வீட்டின் கதவை உடைத்து 20 பவுன் நகை கொள்ளை மர்ம நபர்களுக்கு வலைவீச்சு + "||" + The 20-pound jewelry broke with the door of the retired house house breaking into the mystery

ஓய்வு பெற்ற ஏட்டு வீட்டின் கதவை உடைத்து 20 பவுன் நகை கொள்ளை மர்ம நபர்களுக்கு வலைவீச்சு

ஓய்வு பெற்ற ஏட்டு வீட்டின் கதவை உடைத்து 20 பவுன் நகை கொள்ளை மர்ம நபர்களுக்கு வலைவீச்சு
வடுவூரில் ஓய்வு பெற்ற ஏட்டு வீட்டின் கதவை உடைத்து 20 பவுன் நகைகள் மற்றும் ரூ.15 ஆயிரம் ஆகியவற்றை கொள்ளையடித்துச்சென்ற மர்ம நபர்களை போலீசார் வலைவீசி தேடி வருகின்றனர்.
வடுவூர்,

திருவாரூர் மாவட்டம் வடுவூர் மெயின் ரோட்டில் வசிப்பவர் ஜெயபாலன். இவர் ஏட்டாக பணிபுரிந்து ஓய்வு பெற்றவர். தற்போது சென்னையில் உள்ள ஒரு தனியார் நிறுவனத்தில் பணிபுரிந்து வருகிறார். இவருடைய மனைவி ஜெயபாரதி(வயது 52). இவர் தனது தந்தைக்கு உடல்நிலை சரியில்லாத காரணத்தால் அவரை பார்ப்பதற்கு கடந்த 10-ந் தேதி வீட்டை பூட்டி விட்டு சென்றார்.


பின்னர் திரும்பி வந்து பார்த்தபோது வீட்டின் பின்பக்க கதவு உடைந்து கிடந்தது கண்டு அதிர்ச்சியடைந்தார். பின்னர் உள்ளே சென்று பார்த்தபோது வீட்டிற்குள் இருந்த பீரோ உடைக்கப்பட்டு அதில் இருந்த பொருட்கள் சிதறி கிடந்தது. மேலும் பீரோவில் இருந்த 20 பவுன் நகைகள் மற்றும் ரூ.15 ஆயிரம் ஆகியவற்றை மர்ம நபர்கள் கொள்ளையடித்துச்சென்றது தெரிய வந்தது.

இதுகுறித்து ஜெயபாரதி வடுவூர் போலீசில் புகார் கொடுத்தார். புகாரில் பேரில் வடுவூர் போலீஸ் இன்ஸ்பெக்டர் பசுபதி மற்றும் போலீசார் சம்பவ இடத்திற்கு வந்து விசாரணை நடத்தினர். மேலும் கைரேகை நிபுணர்கள் மற்றும் மோப்ப நாய் வரவழைக்கப்பட்டு சோதனை நடந்தது.

இதுகுறித்து போலீசார் வழக்குப்பதிவு செய்து ஏட்டு வீட்டின் பூட்டை உடைத்து நகை-பணத்தை கொள்ளையடித்துச்சென்ற மர்ம நபர்களை வலைவீசி தேடி வருகின்றனர்.

ஓய்வு பெற்ற போலீஸ் ஏட்டு வீட்டின் கதவை உடைத்து நகைகள் மற்றும் பணத்தை கொள்ளையடித்துச் சென்ற சம்பவம் அந்த பகுதியில் பரபரப்பை ஏற்படுத்தி உள்ளது. 

தொடர்புடைய செய்திகள்

1. பட்டுக்கோட்டையில் ஜவுளிக்கடையின் ‘ஷட்டரை’ உடைத்து ரூ.15 லட்சம் கொள்ளை
பட்டுக்கோட்டையில், ஜவுளிக்கடையின் ஷட்டரை உடைத்து ரூ.15 லட்சத்தை கொள்ளையடித்த மர்ம நபர்களை போலீசார் வலைவீசி தேடி வருகிறார்கள்.
2. திருப்பூர், கோவை, ஈரோடு பகுதியில் ரெயில் பயணிகளிடம் நகை, செல்போன்கள் திருடிய ஆசாமி கைது
திருப்பூர், கோவை, ஈரோடு பகுதியில் ரெயில் பயணிகளிடம் நகை, செல்போன்கள் திருடிய ஆசாமியை ரெயில்வே போலீசார் நேற்று கைது செய்தனர். இதுகுறித்து போலீஸ் தரப்பில் கூறப்படுவதாவது:-
3. திருச்சி விமான நிலையத்தில் 91½ பவுன் கடத்தல் நகை பறிமுதல்
திருச்சி விமான நிலையத்தில் சுங்கத்துறையை சேர்ந்த வான் நுண்ணறிவு பிரிவு அதிகாரிகள் தீவிர கண்காணிப்பு பணியில் ஈடுபட்டு வருகிறார்கள்.
4. தஞ்சை திருமண மண்டபத்தில் மணமகளுக்கு சொந்தமான 60 பவுன் நகை திருட்டு
தஞ்சை திருமண மண்டபத்தில் மணமகளுக்கு சொந்தமான 60 பவுன் நகையை திருடிச் சென்ற மர்மநபர், போலீசாரை கண்டதும் நகையை போட்டுவிட்டு தப்பி சென்றுவிட்டார்.
5. கிருஷ்ணகிரியில் கணவன் கண் முன்பு துணிகரம்: நடைபயிற்சி சென்ற பெண்ணிடம் கத்தியை காட்டி நகை பறிப்பு
கிருஷ்ணகிரியில் நடை பயிற்சி சென்ற பெண்ணிடம் அவரது கணவன் கண் முன்பே கத்தியை காட்டி நகையை பறித்த 2 பேரை போலீசார் கைது செய்தனர்.