மாவட்ட செய்திகள்

வருசநாடு கிராமத்தில் போலி ஆவணம் தயாரித்து நில மோசடி - பெண் உள்பட 4 பேர் கைது + "||" + The fake document was produced Varshanad village land scam -  Four arrested, including a woman

வருசநாடு கிராமத்தில் போலி ஆவணம் தயாரித்து நில மோசடி - பெண் உள்பட 4 பேர் கைது

வருசநாடு கிராமத்தில் போலி ஆவணம் தயாரித்து நில மோசடி - பெண் உள்பட 4 பேர் கைது
வருசநாடு கிராமத்தில் போலி ஆவணம் தயார் செய்து நில மோசடியில் ஈடுபட்ட பெண் உள்பட 4 பேரை போலீசார் கைது செய்தனர்.
கடமலைக்குண்டு,

வருசநாடு கிராமத்தை சேர்ந்தவர் குமிழரசன். அதே பகுதியில் இவருடைய தாத்தா பரமத்தேவருக்கு சொந்தமாக 3 ஏக்கர் நிலம் உள்ளது. அதில் குமிழரசன் விவசாயம் செய்து வருகிறார்.

அந்த நிலத்துக்கு வில்லங்க சான்று பெற குமிழரசன் பத்திர பதிவு அலுவலகத்துக்கு சென்றார். அங்கு அந்த நிலம் ஈஸ்வரன் மனைவி முத்துபிள்ளை (வயது 60) என்பவருடைய பெயரில் இருப்பது தெரியவந்தது. இதுகுறித்து வருசநாடு போலீஸ் நிலையத்தில் குமிழரசன் புகார் அளித்தார். அதன்பேரில் போலீசார் விசாரணை மேற்கொண்டனர்.

அதில் தும்மக்குண்டு கிராமத்தை சேர்ந்த மலைச்சாமி (35), ரமேஷ் (33), முத்துபிள்ளை, மேலப்பூசணூத்து கிராமத்தை சேர்ந்த செல்வமணி (39), வருசநாடு கிராமத்தை சேர்ந்த பவுன் (40), தேவராஜ் நகரை சேர்ந்த அழகுராஜா (30) ஆகியோர் சேர்ந்து அந்த நிலத்துக்கு போலி ஆவணங்களை தயார் செய்து இருப்பது கண்டுபிடிக்கப்பட்டது. மேலும் அந்த நில ஆவணத்தின் மூலம் தேனியில் உள்ள தனியார் வங்கியில் சுமார் ரூ.7 லட்சம் வரை கடன் பெற்று மோசடி செய்து இருப்பதும் தெரியவந்தது.

இதையடுத்து போலி ஆவணம் தயார் செய்து நில மோசடியில் ஈடுபட்ட மலைச்சாமி உள்பட 6 பேர் மீது போலீசார் வழக்குப்பதிவு செய்தனர். அதில் முத்துபிள்ளை, செல்வமணி, ரமேஷ், அழகுராஜா ஆகிய 4 பேரை கைது செய்தனர்.

இந்த வழக்கில் தலைமறைவாக உள்ள மலைச்சாமி, பவுன் ஆகியோரை போலீசார் தேடி வருகின்றனர்.

தொடர்புடைய செய்திகள்

1. சிதம்பரம் பகுதியில், தொடர் திருட்டில் ஈடுபட்ட 4 பேர் கைது
சிதம்பரம் பகுதியில் தொடர் திருட்டில் ஈடுபட்ட 4 பேரை போலீசார் கைது செய்தனர்.
2. தண்டையார்பேட்டையில் ஆட்டோ டிரைவர் கொலையில் 4 பேர் கைது பரபரப்பு வாக்குமூலம்
தண்டையார்பேட்டையில், ஆட்டோ டிரைவர் கழுத்தை அறுத்து கொலை செய்யப்பட்ட வழக்கில் 4 பேரை போலீசார் கைது செய்தனர்.
3. வீரபாண்டி பகுதியில், வீட்டில் பெண்களை வைத்து விபசாரம், 4 பேர் கைது - 2 அழகிகள் மீட்பு
திருப்பூர் வீரபாண்டி பகுதியில் வீட்டில் பெண்களை வைத்து விபசாரத்தில் ஈடுபட்ட 4 பேரை திருப்பூர் அனைத்து மகளிர் போலீசார் கைது செய்தனர். மேலும் 2 அழகிகளை போலீசார் மீட்டனர் இது பற்றி போலீஸ் தரப்பில் கூறப்படுவதாவது:-
4. ஜோதிடர் கொலை வழக்கில், கணவன்-மனைவி உள்பட 4 பேர் கோர்ட்டில் சரண்
கோவையில் நடந்த ஜோதிடர் கொலை வழக்கில் கணவன்- மனைவி உள்பட 4 பேர் கோவை கோர்ட்டில் சரண் அடைந்தனர்.
5. மான் வேட்டையாடிய வழக்கில், முக்கிய குற்றவாளி கூட்டாளிகளுடன் கைது
ஆனைமலை அருகே கடமானை துப்பாக்கியால் சுட்டுக்கொன்று வேட்டையாடிய வழக்கில் முக்கிய குற்றவாளி கேரளாவில் உறவினர் வீட்டில் பதுங்கியிருந்தபோது வனத்துறையினரால் கைது செய்யப்பட்டார்.