மாவட்ட செய்திகள்

கும்மிடிப்பூண்டியில் துணிகரம் 2 கடைகளில் ரூ.3 லட்சம் தாமிர வயர்கள், பணம் கொள்ளை + "||" + In stores 3 lakh copper wires, Money robbery

கும்மிடிப்பூண்டியில் துணிகரம் 2 கடைகளில் ரூ.3 லட்சம் தாமிர வயர்கள், பணம் கொள்ளை

கும்மிடிப்பூண்டியில் துணிகரம் 2 கடைகளில் ரூ.3 லட்சம் தாமிர வயர்கள், பணம் கொள்ளை
கும்மிடிப்பூண்டியில் 2 கடைகளின் பூட்டை உடைத்து ரூ.3 லட்சம் மதிப்புள்ள தாமிர வயர்கள் மற்றும் பணத்தை கொள்ளையடித்த மர்மநபர்களை போலீசார் தேடி வருகிறார்கள்.

கும்மிடிப்பூண்டி,

கும்மிடிப்பூண்டி அடுத்த ம.பொ.சி.நகரில் வசித்து வருபவர் மார்டீன் ஜோசப் (வயது 53). கும்மிடிப்பூண்டி பைபாஸ் சாலையில் எலக்ட்ரிக்கல் ரீவைண்டீங் கடை நடத்தி வருகிறார். நேற்று காலை வழக்கம்போல் கடையை திறக்க மார்டீன் ஜோசப் சென்றார். அப்போது கடையின் முன்பக்க இரும்பு ‌ஷட்டர் பூட்டு உடைக்கப்பட்டு இருப்பதை கண்டு அவர் அதிர்ச்சி அடைந்தார்.

உடனே கடைக்குள் இருந்த கண்காணிப்பு கேமரா காட்சிகளை பார்த்தார். அதில், அதிகாலை 3 மணியளவில் கடையின் இரும்பு ‌ஷட்டர் பூட்டை உடைத்து நீல நிற சட்டையும், காக்கி நிற பேண்ட்டும் அணிந்த மர்மநபர் ஒருவர் கடைக்குள் நுழைந்து அங்கிருந்த 9 பண்டல் தாமிர வயர்கள் உள்ளிட்ட சில பொருட்களை திருடிச்செல்வது தெரியவந்தது. திருட்டு போன பொருட்களின் மதிப்பு ரூ.3 லட்சம் ஆகும்.

மேலும் மர்ம நபர் கடையில் இருந்து திருடிய பொருட்களை மற்றொரு நபரின் உதவியுடன் ஆட்டோவில் கொண்டு சென்றதும் தெரியவந்தது.

அதேபோல கும்மிடிப்பூண்டி பஜாரில் பாத்திரக்கடை நடத்தி வருபவர் ராமச்சந்திரன் (42). நேற்று முன்தினம் நள்ளிரவு இவரது கடையின் மாடியில் உள்ள இரும்பு கேட்டின் பூட்டை உடைத்து மர்மநபர்கள் கடைக்குள் புகுந்தனர். பின்னர் கடையில் இருந்த கல்லா பெட்டியை உடைத்து அதில் இருந்த ரூ.60 ஆயிரத்தை திருடிச்சென்றனர். மேலும் கடையில் இருந்த கண்காணிப்பு கேமரா காட்சிகள் பதிவான கம்ப்யூட்டர் ‘ஹார்ட் டிஸ்க்’கையும் அவர்கள் திருடிச்சென்றனர்.

ஒரே நாள் இரவில் கும்மிடிப்பூண்டி பகுதியில் மர்மநபர்கள் கைவரிசை காட்டியிருப்பது வியாபாரிகள் மத்தியில் பெரும் அச்சத்தை ஏற்படுத்தி உள்ளது.

இது தொடர்பாக கும்மிடிப்பூண்டி துணை போலீஸ் சூப்பிரண்டு கல்பனா தத் மேற்பார்வையில் இன்ஸ்பெக்டர் ஜெயக்குமார் தலைமையில் சிப்காட் மற்றும் கும்மிடிப்பூண்டி போலீசார் வழக்குப்பதிவு செய்து 2 தனிப்படைகளை அமைத்து கண்காணிப்பு கேமரா பதிவு காட்சியின் அடிப்படையில் திருட்டு சம்பவத்தில் ஈடுபட்ட மர்மநபர்களை வலைவீசி தேடி வருகின்றனர்.


தொடர்புடைய செய்திகள்

1. கொள்கை இல்லை, கொள்ளை மட்டுமே நோக்கம்: எதிர்க்கட்சிகளின் கூட்டணி ஒரு பிணி - அமைச்சர் செல்லூர் ராஜூ பேட்டி
எதிர்க்கட்சிகளுக்கு கொள்கை இல்லை, கொள்ளை அடிப்பது மட்டுமே நோக்கம் என்றும், அவர்களுடையது கூட்டணி அல்ல பிணி என்றும் அமைச்சர் செல்லூர் ராஜூ கூறினார்.
2. திருப்பதி கோவிலில் தங்க கிரீடங்களை கொள்ளையடித்த ஆசாமி கைது
திருப்பதி கோவிலில் தங்க கிரீடங்களை கொள்ளையடித்த ஆசாமி மும்பையில் வைத்து கைது செய்யப்பட்டார்.
3. ஓய்வுபெற்ற ஆசிரியர் வீட்டில் நூதன முறையில் ரூ.1 லட்சம்–நகை கொள்ளை மர்மநபர்களுக்கு வலைவீச்சு
ஓய்வுபெற்ற ஆசிரியர் வீட்டில் நூதனமுறையில் ரூ. 1 லட்சம் மற்றும் நகைகளை கொள்ளையடித்து சென்ற மர்மநபர்களை போலீசார் வலைவீசி தேடிவருகின்றனர்.
4. ஈரோட்டில் துணிகரம் போலீஸ்காரர் வீட்டின் பூட்டை உடைத்து 20 பவுன் நகை கொள்ளை ரூ.1½ லட்சத்தையும் மர்ம நபர்கள் அள்ளிச்சென்றனர்
ஈரோட்டில் போலீஸ்காரர் வீட்டின் பூட்டை உடைத்து மர்ம நபர்கள் 20 பவுன் நகை மற்றும் ரூ.1½ லட்சத்தை அள்ளிச்சென்றனர்.
5. அதியமான்கோட்டை அருகே ஒரேநாள் இரவில் துணிகரம்: வேளாண்மை துறை ஊழியர், வாலிபர் வீடுகளில் கொள்ளை ஓய்வுபெற்ற போலீஸ்காரர் வீட்டில் திருட முயற்சி
அதியமான்கோட்டை அருகே ஒரேநாள் இரவில் வேளாண்மை துறை ஊழியர், வாலிபர் வீடுகளில் கும்பல் புகுந்து கொள்ளையடித்து சென்றது. ஓய்வு பெற்ற போலீஸ்காரர் வீட்டிலும் திருட முயற்சி செய்தனர்.