மாவட்ட செய்திகள்

கள ஆய்வு செய்யாமல் பட்டா வழங்கினால் அதிகாரிகள் மீது நடவடிக்கை மதுரை ஐகோர்ட்டு உத்தரவு + "||" + The action against the authorities to provide the patty without exploring the field Madurai HC order

கள ஆய்வு செய்யாமல் பட்டா வழங்கினால் அதிகாரிகள் மீது நடவடிக்கை மதுரை ஐகோர்ட்டு உத்தரவு

கள ஆய்வு செய்யாமல் பட்டா வழங்கினால் அதிகாரிகள் மீது நடவடிக்கை மதுரை ஐகோர்ட்டு உத்தரவு
முறையாக விசாரிக்காமல், கள ஆய்வு செய்யாமல் பட்டா வழங்கினால் அதிகாரிகள் மீது துறை ரீதியிலான நடவடிக்கை எடுக்க வேண்டும் என்று மதுரை ஐகோர்ட்டு உத்தரவிட்டுள்ளது.

மதுரை,

நெல்லை மாவட்டம் அம்பாசமுத்திரம் பகுதியை சேர்ந்த சண்முகவேல், மதுரை ஐகோர்ட்டில் தாக்கல் செய்த மனுவில், ‘அம்பாசமுத்திரத்தை அடுத்த மேலவாசலில் உள்ள ஒரு சொத்தை எனது சகோதரரின் மனைவி வசந்தி பெயருக்கு கடந்த 2007–ம் ஆண்டு கிரையம் செய்தோம். இந்த நிலத்துக்கு ரூ.10 ஆயிரம் பணம் பெற்றுக்கொண்டு அம்பாசமுத்திரம் தாசில்தார் பொறுப்பில் இருந்த துணை தாசில்தார் சந்திரன், கடந்த 2010–ம் ஆண்டு பட்டா வழங்கினார். பின்னர் தான் அது மோசடி பட்டா என்று தெரிந்தது. இதுகுறித்த புகாரின்பேரில் அம்பாசமுத்திரம் போலீசார், சந்திரன் உள்பட பலர் மீது வழக்குப்பதிவு செய்யப்பட்டுள்ளது. ஆனால் துறை ரீதியான நடவடிக்கை எடுக்கவில்லை. எனவே சந்திரன் மீது நடவடிக்கை எடுக்க உத்தரவிட வேண்டும்‘ என்று கூறியிருந்தார்.

இதேபோல நெல்லை மாவட்டம் ராதாபுரம் பகுதியை சேர்ந்த ரவிக்குமார் தாக்கல் செய்த மனுவில், ‘ராதாபுரம் வில்லூரில் கணபதி என்பவருக்கு சொந்தமான 2 ஏக்கர் 59 சென்ட் நிலத்தை 2002–ம் ஆண்டு நானும், எனது சகோதரர் ரமேசும் கிரையம் செய்தோம். அதற்கு பட்டா கேட்டபோது, மோசடியான பட்டாவை ராதாபுரம் தாசில்தார் வழங்கியுள்ளார். இதுகுறித்து மாவட்ட குற்றப்பிரிவு (நிலஅபகரிப்பு சிறப்பு பிரிவு) போலீசில் அளித்த புகாரின்பேரில் தாசில்தார் மீது வழக்குப்பதிவு செய்யப்பட்டது. அவர் மீது நடவடிக்கை எடுக்க உத்தரவிட வேண்டும்‘ என்று கூறியிருந்தார்.

இந்த 2 மனுக்களையும் விசாரித்த நீதிபதி ஆர்.மகாதேவன் பிறப்பித்த உத்தரவு வருமாறு:–

மனுதாரர்களின் சொத்துகள் மீது உரிய விசாரணை நடத்தாமலும், கள ஆய்வு செய்யாமலும் அதிகாரிகள் பட்டா வழங்கியுள்ளனர். இதுதொடர்பாக போலீசார் வழக்குப்பதிவு செய்தும், அதிகாரிகள் மீது துறை ரீதியிலான எந்த நடவடிக்கையும் இதுவரை எடுக்கப்படவில்லை. மனுதாரார்கள் இந்த கோர்ட்டில் தாக்கல் செய்த மனுக்களுக்கு இதுவரை பதில் மனுவை சம்பந்தப்பட்ட அதிகாரிகள் தரப்பில் தாக்கல் செய்யவில்லை. மனுதாரர்கள் தங்களுக்கு ஏற்பட்ட குறைகளுக்காக ஒவ்வொருத்தரிடமும் ஓடுகிறார்கள். இதே பிரச்சினையில் பாதிக்கப்பட்ட அப்பாவி மக்கள் சார்பில் உரிய நீதி கேட்டு நாள்தோறும் ஏராளமான வழக்குகள் தொடரப்படுகின்றன. ஆனால் அவர்களுக்கு எந்தவொரு நீதியும் கிடைக்கவில்லை.

எனவே இதுதொடர்பாக சில வழிகாட்டுதல்களை அரசுக்கு வழங்க நினைக்கிறேன். அதன்படி, தவறான பட்டா வழங்கியது குறித்து எத்தனை புகார்கள் நிலுவையில் உள்ளன என்று விவரங்களை சேகரிக்க வேண்டும். அதிகாரிகள் மீது தவறு இருக்கும்பட்சத்தில் பணியிடை நீக்கம் உள்ளிட்ட துறைரீதியான நடவடிக்கைகளை அவர்கள் மீது எடுக்க வேண்டும். பட்டா வழங்குவதில் இதுபோன்ற குளறுபடிகள் மீண்டும் ஏற்படாமல் இருக்க, அந்தந்த மாவட்ட கலெக்டர்கள் உரிய வழிகாட்டுதல்களுடன் சுற்றறிக்கையை அதிகாரிகளுக்கு அனுப்ப வேண்டும்.

அதேபோல இந்த மனுதாரர்கள் அளித்த புகார்களின் அடிப்படையிலும் சம்பந்தப்பட்ட அதிகாரிகள் மீது 6 வாரத்தில் துறை ரீதியான நடவடிக்கை எடுத்து, அதுகுறித்த அறிக்கையை இந்த கோர்ட்டில் வருகிற ஜூலை 3–ந்தேதி சமர்ப்பிக்க வேண்டும்.

இவ்வாறு நீதிபதி தனது உத்தரவில் கூறியுள்ளார்.


தொடர்புடைய செய்திகள்

1. 2ஜி வழக்கில் கோர்ட்டு உத்தரவுப்படி 3 பேர் மரக்கன்றுகள் நட்டனர்
2ஜி மேல்முறையீட்டு வழக்கில் உரிய காலத்தில் பதில் தாக்கல் செய்யாத 3 பேர் கோர்ட்டு உத்தரவுப்படி மரக்கன்றுகள் நட்டனர்.
2. ஓமியோபதி கல்லூரியில் மாணவரை ஓரின சேர்க்கையில் ஈடுபடுத்தி தொல்லையா? போலீஸ் சூப்பிரண்டு விசாரிக்க மதுரை ஐகோர்ட்டு உத்தரவு
ஓமியோபதி கல்லூரியில் மாணவரை ஓரின சேர்க்கையில் ஈடுபடுத்தி, சில மாணவர்கள் தொல்லை அளித்ததாக தொடரப்பட்ட வழக்கில் போலீஸ் சூப்பிரண்டு விசாரித்து அறிக்கை தாக்கல் செய்ய மதுரை ஐகோர்ட்டு உத்தர விட்டது.
3. பால்வள கூட்டுறவு சங்கத்தை ரத்து செய்யக்கோரி வழக்கு: மதுரை ஆவின் தலைவர் ஓ.ராஜாவுக்கு ஐகோர்ட்டு நோட்டீஸ்
பால்வள கூட்டுறவு சங்கத்தை ரத்து செய்யக்கோரிய வழக்கில் மதுரை ஆவின் தலைவர் ஓ.ராஜாவுக்கு நோட்டீஸ் அனுப்ப மதுரை ஐகோர்ட்டு உத்தரவிட்டது.
4. பாலியல் குற்றச்சாட்டை தீவிரமாக அணுகாமல் போலீஸ்காரருக்கு சிறிய தண்டனை வழங்கியது எந்திரத்தனமானது - மதுரை ஐகோர்ட்டு நீதிபதிகள் கடும் அதிருப்தி
பாலியல் குற்ற வழக்கில் குற்றச்சாட்டை தீவிரமாக அணுகாமல் போலீஸ்காரருக்கு சிறிய தண்டனை வழங்கியது எந்திரத்தனமானது என்று மதுரை ஐகோர்ட்டு நீதிபதிகள் கடும் அதிருப்தி தெரிவித்தனர்.
5. அறநிலையத்துறை அதிகாரி கவிதா மீதான குற்றச்சாட்டு குறித்த அறிக்கையை தாக்கல் செய்ய வேண்டும் பொன் மாணிக்கவேலுக்கு ஐகோர்ட்டு உத்தரவு
இந்து சமய அறநிலையத்துறை கூடுதல் ஆணையர் கவிதா மீதான குற்றச்சாட்டு குறித்து அறிக்கை தாக்கல் செய்யும்படி சிறப்பு அதிகாரி பொன் மாணிக்கவேலுக்கு சென்னை ஐகோர்ட்டு உத்தரவிட்டுள்ளது.