மாவட்ட செய்திகள்

இலங்கை சிறையில் உள்ள மாணவர்களை விடுதலை செய்யாவிட்டால் போராட்டம், மீனவர்கள் அறிவிப்பு + "||" + If the Sri Lankan prisoners are not released, the struggle, Fishermen

இலங்கை சிறையில் உள்ள மாணவர்களை விடுதலை செய்யாவிட்டால் போராட்டம், மீனவர்கள் அறிவிப்பு

இலங்கை சிறையில் உள்ள மாணவர்களை விடுதலை செய்யாவிட்டால் போராட்டம், மீனவர்கள் அறிவிப்பு
இலங்கை சிறையில் உள்ள 2 மாணவர்களை உடனடியாக விடுதலை செய்யாவிட்டால் போராட்டத்தில் ஈடுபடுவோம் என்று சம்பந்தப்பட்ட மீனவர்களின் பெற்றோர் தெரிவித்துள்ளனர்.

ராமேசுவரம்,

ராமேசுவரத்தில் இருந்து கடந்த ஜனவரி 12–ந்தேதி துரைப்பாண்டி, ஜாம்டேனியல் என்ற 2 மாணவர்கள் உள்பட 8 பேர் கடலுக்கு மீன்பிடிக்க சென்றனர். இவர்களை இலங்கை கடற்படையினர் பிடித்து சென்று சிறை வைத்துள்ளனர். இதுவரை இவர்களுக்கு 7 முறை காவல்நீட்டிப்பு செய்யப்பட்டுள்ளது. கடந்த 3 மாதத்துக்கு மேல் ஆகியும் இன்னும் அவர்கள் விடுவிக்கப்படாதது மீனவர்கள் மத்தியில் பதற்றத்தை உருவாக்கி உள்ளது. இந்தநிலையில் கடந்த 2 நாட்களுக்கு முன்பு இந்த மாணவர்களை விடுவிக்காவிட்டால் உண்ணாவிரதம் இருக்க போவதாக அவர்களது குடும்பத்தினர் அறிவித்து இருந்தனர். அவர்களிடம் அதிகாரிகள் பேச்சுவார்த்தை நடத்தியதை தொடர்ந்து உண்ணாவிரதத்தை கைவிட்டு கலெக்டரிடம் மனு கொடுத்து விட்டு வந்தனர்.

நேற்று இதுதொடர்பான விவரங்களை கேட்டறிவதற்காக மீன்துறை துணை இயக்குனர், இந்த மீனவ குடும்பங்களை சந்திக்க வருவதாக தகவல் தெரிவிக்கப்பட்டது. இதைதொடர்ந்து காலை முதல் வீட்டிலேயே காத்திருந்த அவர்களுக்கு மாலை வரை எந்த தகவலும் கிடைக்கவில்லை.

இதுகுறித்து மீனவர்கள் கூறியதாவது:–

கடந்த 90 நாட்களுக்கு மேல் மீனவர்களை சிறை வைத்துள்ளனர். இவர்கள் பிடிபட்டதற்கு பின்பு கைதான மீனவர்கள் எல்லாம் விடுவிக்கப்பட்டுள்ளனர். ஆனால் ஏன் இவர்களை விடுவிக்கவில்லை என தெரியவில்லை. கடந்த முறை நீதிமன்றத்துக்கு வந்தபோது மாணவர்களை தொலைபேசியில் தொடர்பு கொண்டு பேசியபோது, மிகவும் கஷ்டப்படுவதாகவும், சாப்பாடு கிடைக்காமல் அவதிப்படுவதாகவும் தெரிவித்தனர்.

காவல் நீட்டிப்பில் உள்ள அவர்கள் வருகிற 22–ந்தேதி மீண்டும் ஊர்க்காவல்துறை நீதிமன்றத்தில் ஆஜர்படுத்தப்பட உள்ளனர். அன்றைய தினம் மாணவர்கள் 2 பேரையும் விடுதலை செய்யாவிட்டால் மீனவ குடும்பங்களுடன் சேர்ந்து தங்கச்சிமடத்திலோ அல்லது பாம்பன் ரோடு பாலத்திலோ சாலை மறியலில் ஈடுபடுவோம். எனவே உடனடியாக இவர்களை விடுதலை செய்ய மத்திய–மாநில அரசுகள் நடவடிக்கை எடுக்க வேண்டும்.

இவ்வாறு அவர்கள் கூறினர்.

அப்போது மாணவர் துரைப்பாண்டியனின் தாயார் பானுமதி, ஜாம்டேனியல் தாயார் டெய்சி ஆகியோர் உடனிருந்தனர்.


தொடர்புடைய செய்திகள்

1. சத்தியமங்கலம் அருகே பரபரப்பு; இலவச பொருட்களுடன் மலைவாழ் மக்கள் தேர்தல் புறக்கணிப்பு போராட்டம், அடிப்படை வசதிகளை நிறைவேற்ற கோரி நடந்தது
அடிப்படை வசதிகளை நிறைவேற்ற கோரி சத்தியமங்கலம் அருகே இலவச பொருட்களுடன் மலைவாழ் மக்கள் தேர்தல் புறக்கணிப்பு போராட்டத்தில் ஈடுபட்டதால் பரபரப்பு ஏற்பட்டது.
2. இலங்கை சிறையில் இருந்து ராமேசுவரம் மீனவர்கள் 4 பேர் விடுதலை
இலங்கை சிறையில் இருந்து ராமேசுவரத்தை சேர்ந்த 4 மீனவர்கள் விடுதலை செய்யப்பட்டனர்.
3. மீனவர் கொலை வழக்கில் 1½ ஆண்டுகளாக தலைமறைவாக இருந்தவர் போலீசில் சிக்கினார்
உச்சிப்புளி அருகே மீனவர் கொலை செய்யப்பட்ட சம்பவத்தில் தேடப்பட்டு வந்தவர் 1½ ஆண்டுகளுக்கு பிறகு கைது செய்யப்பட்டார்.
4. ஈரோடு ஆர்.என்.புதூரில் வீடுகளில் கருப்பு கொடி ஏற்றி பொதுமக்கள் போராட்டம் அடிப்படை வசதி கேட்டு நடந்தது
ஈரோடு ஆர்.என்.புதூரில் அடிப்படை வசதி செய்து தரக்கோரி பொதுமக்கள் தங்களது வீடுகளில் கருப்பு கொடி ஏற்றி போராட்டத்தில் ஈடுபட்டனர்.
5. சேத்தியாத்தோப்பு அருகே என்.எல்.சி. 3–வது சுரங்கம் அமைக்க எதிர்ப்பு தெரிவித்து கிராம மக்கள் போராட்டம்
சேத்தியாத்தோப்பு அருகே என்.எல்.சி. 3–வது சுரங்கம் அமைக்க எதிர்ப்பு தெரிவித்து கிராம மக்கள் போராட்டத்தில் ஈடுபட்டனர்.