மாவட்ட செய்திகள்

வானூர் தி.மு.க. பிரமுகரை கொல்ல சதி: வெடிகுண்டுகள் வீசிய ஆசாமிகளை பிடிக்க போலீஸ் தீவிரம் + "||" + Vadoor plot to kill DMK leader: Bomb hurled catch unheard Police intensify

வானூர் தி.மு.க. பிரமுகரை கொல்ல சதி: வெடிகுண்டுகள் வீசிய ஆசாமிகளை பிடிக்க போலீஸ் தீவிரம்

வானூர் தி.மு.க. பிரமுகரை கொல்ல சதி: வெடிகுண்டுகள் வீசிய ஆசாமிகளை பிடிக்க போலீஸ் தீவிரம்
தி.மு.க. பிரமுகரை கொல்ல வெடிகுண்டுகள் வீசிய மர்ம ஆசாமிகளை பிடிக்க போலீசார் தீவிர நடவடிக்கை எடுத்து வருகின்றனர்.
வானூர்,

விழுப்புரம் மாவட்டம் வானூர் அருகே காசிபாளையத்தை சேர்ந்தவர் உதயகுமார் (வயது 35). தி.மு.க. பிரமுகர். இவர் கடந்த 14-ந் தேதி இரவு கோரிமேடு வழியாக பூத்துறை சாலையில் காசிப்பாளையத்துக்கு மோட்டார் சைக்கிளில் சென்று கொண்டிருந்தார்.


அப்போது அவரை 2 மோட்டார் சைக்கிள்களில் 4 பேர் கொண்ட மர்ம கும்பல் பின்தொடர்ந்தது. நள்ளிரவு நேரத்தில் நீண்ட தூரம் பின்தொடர்ந்து வந்ததால் அவர்கள் மீது சந்தேகம் அடைந்த உதயகுமார், செல்போன் மூலம் காசிபாளையத்தை சேர்ந்த தனது உறவினர் அருண்குமார் என்கிற மணிபாலனுக்கு (29) தகவல் தெரிவித்தார்.

இதையடுத்து அருண்குமார், தனது உறவினர்களான ராமமூர்த்தி, பன்னீர்செல்வம், சிவக்குமார் மற்றும் சிலரை திரட்டிக்கொண்டு மோட்டார் சைக்கிள்களில் காசிப்பாளையம் சாலையில் எதிரே வந்தார். அப்போது உதயகுமாரை பின்தொடர்ந்து வந்தவர்களை அருண்குமார் தரப்பினர் வழிமறித்து தகராறு செய்தனர். இதனால் ஆத்திரமடைந்த மர்ம ஆசாமிகள், அவர்கள் வைத்திருந்த 2 நாட்டு வெடிகுண்டுகளை எடுத்து அருண்குமார் தரப்பினரை நோக்கி வீசிவிட்டு, மோட்டார் சைக்கிள்களில் தப்பிச்சென்றனர். குண்டு வீச்சில் காயமடைந்த அருண்குமார், ராமமூர்த்தி (27) இருவரும் ஜிப்மர் ஆஸ்பத்திரியில் சிகிச்சைப்பெற்று வருகின்றனர்.

இந்த சம்பவம் தொடர்பாக வானூர் போலீசார் வழக்குப்பதிவு செய்துள்ளனர். முதற்கட்ட விசாரணையில் உதயகுமாரை கொலை செய்யும் நோக்கில் மர்ம ஆசாமிகள் பின்தொடர்ந்து வந்தது தெரியவந்துள்ளது. தப்பியோடிய மர்ம ஆசாமிகளை பிடிக்க கோட்டக்குப்பம் துணை போலீஸ் சூப்பிரண்டு அஜய்குமார் மேற்பார்வையில் 4 தனிப்படைகள் அமைக்கப்பட்டு உள்ளன. அவர்கள் சென்னையில் பதுங்கியிருப்பதாக கிடைத்த தகவலின் பேரில் தனிப்படையினர் சென்னை விரைந்துள்ளனர்.

தொடர்புடைய செய்திகள்

1. காஷ்மீரில் பயங்கரவாதிகளை தனிமைப்படுத்த போலீஸ் கவனம் செலுத்துகிறது- டிஜிபி
காஷ்மீரில் பயங்கரவாதிகளை தனிமைப்படுத்தவும், மக்களை தவறாக வழிநடத்த விடாதவகையிலும் காவல்துறை செயல்பட்டு வருகிறது என டிஜிபி கூறியுள்ளார்.
2. கேட்பாரற்று சாவியுடன் நின்ற மோட்டார் சைக்கிளை சொந்த வேலைக்கு எடுத்துச்சென்ற வாலிபர்; போலீஸ் நிலையத்தில் ஒப்படைத்ததால் பரபரப்பு
திருப்பூரில் கேட்பாரற்று சாவியுடன் நின்ற மோட்டார்சைக்கிளை சொந்த வேலைக்கு எடுத்துச்சென்று விட்டு போலீஸ் நிலையத்தில் ஒப்படைத்த வாலிபரால் பரபரப்பு ஏற்பட்டது.
3. வாக்கு எண்ணிக்கை மையம் முன் பட்டாசு வெடித்ததை தடுத்ததால் போலீசாருடன் தி.மு.க.வினர் தள்ளுமுள்ளு
கதிர்ஆனந்த் முன்னிலை பெற்றதையடுத்து வாக்கு எண்ணிக்கை மையம் முன் தி.மு.க.வினர் பட்டாசு வெடித்ததை தடுத்ததால் போலீசாருடன் தள்ளுமுள்ளு ஏற்பட்டது.
4. ஈரோட்டில் புத்தகக்கடை உரிமையாளர் வீட்டில் 22 பவுன் நகை கொள்ளை
ஈரோட்டில் புத்தகக்கடை உரிமையாளர் வீட்டில் 22 பவுன் நகையை கொள்ளையடித்த மர்ம நபர்களை போலீசார் வலைவீசி தேடி வருகிறார்கள்.
5. நில உரிமையாளர்கள் என்ற பெயரில் வந்தது: கரூர் கோர்ட்டுக்கு கடிதம் மூலம் வெடிகுண்டு மிரட்டல் போலீசார் தீவிர சோதனை
நில உரிமையாளர்கள் என்ற பெயரில் கரூர் கோர்ட்டுக்கு கடிதம் மூலம் வெடிகுண்டு மிரட்டல் விடுக்கப்பட்டதை தொடர்ந்து, மெட்டல் டிடெக்டர் கருவி, மோப்பநாய் உதவியுடன் போலீசார் தீவிர சோதனை நடத்தினர்.