மாவட்ட செய்திகள்

நாச்சியார்கோவில் அருகே கோவிலின் பூட்டை உடைத்து சாமி சிலைகள் திருட்டு + "||" + The statue of the temple is broken by the lock of the temple near Nachiyarko

நாச்சியார்கோவில் அருகே கோவிலின் பூட்டை உடைத்து சாமி சிலைகள் திருட்டு

நாச்சியார்கோவில் அருகே கோவிலின் பூட்டை உடைத்து சாமி சிலைகள் திருட்டு
நாச்சியார்கோவில் அருகே கோவிலின் பூட்டை உடைத்து சாமி சிலைகளை திருடி சென்ற மர்ம நபர்களை போலீசார் வலைவீசி தேடி வருகின்றனர்.
திருவிடைமருதூர்,

தஞ்சை மாவட்டம் கும்பகோணம் அருகே உள்ள செம்மங்குடியில் தர்மராஜா கோவில் உள்ளது. இந்த கோவில் சுமார் 100 ஆண்டுகள் பழமையானது. பரம்பரை அறங்காவலர் நிர்வாகத்தின் கீழ் உள்ள இந்த கோவில் இந்து சமய அறநிலையத்துறை ஆய்வாளர் மூலம் கண்காணிக்கப்படுகிறது.


மேலும் தமிழக அரசின் ஒரு கால பூஜை திட்டத்தின் கீழ் பூஜைகள் நடத்தப்பட்டு வருகிறது. இந்த கோவிலில் பூசாரியாக அதே பகுதியை சேர்ந்த செல்வம் இருந்து வருகிறார். இந்த நிலையில் கடந்த 17-ந்தேதி காதணி விழா நடைபெற்றுள்ளது.

விழா முடிந்ததும் கோவிலை பூசாரி செல்வம் பூட்டி விட்டு வீட்டுக்கு சென்று விட்டார். நேற்று முன்தினம் மதியம் பூஜை செய்ய கோவிலை திறக்க செல்வம் வந்தபோது பூட்டுகள் உடைக்கப்பட்டு இருந்ததை கண்டு அதிர்ச்சி அடைந்தார். பின்னர் அவர் உள்ளே சென்று பார்த்த போது கோவிலில் இருந்த 2½ அடி உயரமுள்ள வெண்கலத்தாலான அர்ஜூனன் சிலை, திரவுபதி அம்மன் சிலை ஆகியவற்றை மர்ம நபர்கள் திருடி சென்றது தெரிய வந்தது.

இதுகுறித்து தகவல் அறிந்த நாச்சியார்கோவில் போலீசார் சம்பவ இடத்துக்கு வந்து விசாரணை நடத்தினர். இதில் கோவிலின் பூட்டை உடைத்து உள்ளே புகுந்த மர்ம நபர்கள் சாமி சிலைகளை திருடி சென்றது தெரிய வந்தது.

இதுதொடர்பாக கோவில் நிர்வாகி மாரிமுத்து, நாச்சியார் கோவில் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து சாமி சிலைகளை திருடி சென்ற மர்ம நபர்களை வலைவீசி தேடி வருகின்றனர்.

தொடர்புடைய செய்திகள்

1. மார்த்தாண்டம் அருகே, பெட்டிக்கடையில் ரூ.1 லட்சம் திருட்டு
மார்த்தாண்டம் அருகே பெட்டிக்கடையில் ரூ.1 லட்சம் திருடி சென்ற மர்ம நபர்களை போலீசார் வலைவீசி தேடி வருகிறார்கள்.
2. நவராத்திரி விழாவுக்காக திருவனந்தபுரம் சென்ற சாமி சிலைகள் பத்மநாபபுரம் வந்தன பக்தர்கள் போராட்டத்தால் பரபரப்பு
நவராத்திரி விழாவுக்காக திருவனந்தபுரம் சென்ற சாமி சிலைகள் பத்மநாபபுரம் வந்தன.பக்தர்கள் போராட்டத்தால் திடீர் பரபரப்பு ஏற்பட்டது.
3. திருவெறும்பூர் அருகே பெல் நிறுவன ஊழியர் வீட்டில் ரூ.1½ லட்சம், பொருட்கள் திருட்டு
திருவெறும்பூர் அருகே பெல் நிறுவன ஊழியர் வீட்டில் பூட்டை உடைத்து ரூ.1½ லட்சம் மற்றும் பொருட்களை திருடிச்சென்ற மர்ம ஆசாமிகள், தீபாவளி புத்தாடைகளையும் அள்ளிச்சென்றனர்.
4. நூதன முறையில் ஓய்வு பெற்ற ஆசிரியையிடம் 12 பவுன் நகைகள் திருட்டு மர்ம நபர்களுக்கு வலைவீச்சு
மயிலாடுதுறையில், ஓய்வு பெற்ற ஆசிரியையிடம் நூதன முறையில் 12 பவுன் நகைகள் திருட்டிய மர்ம நபர்களை போலீசார் வலைவீசி தேடி வருகின்றனர்.
5. மணப்பாறையில் துணிகர சம்பவம்: தலைமை ஆசிரியை வீட்டில் 65 பவுன் நகைகள் திருட்டு
மணப்பாறையில் அரசு பள்ளி தலைமை ஆசிரியை வீட்டில் 65 பவுன் நகைகள் மற்றும் பணம் திருட்டு போனது. பாம்பு பயத்தால் பக்கத்து வீட்டில் தங்கிய நேரத்தில் மர்ம நபர்கள் கைவரிசை காட்டி உள்ளனர்.