மாவட்ட செய்திகள்

பக்கத்து வீட்டில் கொலுசு மாயம்: போலீஸ் விசாரணைக்கு பயந்து வாலிபர் தற்கொலை + "||" + Fear of police investigation suicide of the young man, Neighboring home Anklet Magic

பக்கத்து வீட்டில் கொலுசு மாயம்: போலீஸ் விசாரணைக்கு பயந்து வாலிபர் தற்கொலை

பக்கத்து வீட்டில் கொலுசு மாயம்: போலீஸ் விசாரணைக்கு பயந்து வாலிபர் தற்கொலை
பக்கத்து வீட்டில் கொலுசு மாயமானது தொடர்பாக போலீசார் தன்னை விசாரணைக்கு அழைப்பார்கள் என பயந்து வாலிபர் தூக்குப்போட்டு தற்கொலை செய்துகொண்டார்.

புதுச்சேரி,

புதுவை முத்திரையர்பாளையம் மாரியம்மன் கோவில் தெருவை சேர்ந்தவர் முரளி. இவருடைய மனைவி பாகேஸ்வரி (வயது 41). இவர்களுடைய மகன் தினகரன் (வயது 20). கட்டிடத் தொழிலாளி. இவர் மீது கோரிமேடு போலீஸ் நிலையத்தில் திருட்டு வழக்கு உள்ளது.

இந்தநிலையில் தினகரன் வீட்டின் அருகே உள்ள பக்கத்து வீட்டில் கொலுசு மாயமானதாக தெரிகிறது. இதுதொடர்பாக அவர்கள் தினகரன் மீது போலீசில் புகார் அளிக்க இருந்ததாக தெரிகிறது.

இந்த நிலையில் கொலுசு மாயமான விவகாரம் தொடர்பாக போலீசார் தன்னை விசாரணைக்கு அழைப்பார்களோ என்று பயந்துபோய் நேற்று முன்தினம் இரவு வீட்டில் யாரும் இல்லாத நேரத்தில் தினகரன் தூக்குப்போட்டு தற்கொலை செய்துகொண்டார்.

இதுபற்றி தகவல் அறிந்தவுடன் மேட்டுப்பாளையம் போலீஸ் சப்–இன்ஸ்பெக்டர் இனியன் தலைமையிலான போலீசார் சம்பவ இடத்திற்கு விரைந்து வந்து பிணத்தை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். மேலும் தினகரன் தற்கொலை செய்தது தொடர்பாக வழக்குப்பதிவு செய்து விசாரணை நடத்தி வருகிறார்கள்.


தொடர்புடைய செய்திகள்

1. 5 பேரை தேசிய புலனாய்வு முகமை கைது செய்ததன் எதிரொலி: ராமநாதபுரம் மாவட்டத்தில் தீவிர கண்காணிப்பு
ராமநாதபுரம் மாவட்டத்தை சேர்ந்த 5 பேரை தேசிய புலனாய்வு முகமை அதிகாரிகள் கைது செய்ததன் எதிரொலியாக மாவட்டம் முழுவதும் கண்காணிப்பு தீவிரப்படுத்தப்பட்டு உள்ளது என்று போலீஸ் சூப்பிரண்டு ஓம்பிரகாஷ் மீனா தெரிவித்துள்ளார்.
2. திருச்சிற்றம்பலம் அருகே தலை எரிக்கப்பட்ட நிலையில் ஆண் பிணம் போலீசார் விசாரணை
திருச்சிற்றம்பலம் அருகே தலை எரிக்கப்பட்ட நிலையில் ஆண் பிணம் கிடந்தது. இதுகுறித்து போலீசார் விசாரணை நடத்தி வருகிறார்கள்.
3. ஈரோடு பஸ் நிலையத்தில் நிறுத்தப்பட்டபோது புகை வந்த நடமாடும் ஏ.டி.எம். எந்திரத்தில் ரூ.9 லட்சம் மாயம் போலீஸ் விசாரணை
ஈரோடு பஸ்நிலையத்தில் நிறுத்தப்பட்டு இருந்தபோது, புகை வந்த நடமாடும் ஏ.டி.எம். எந்திரத்தில் ரூ.9 லட்சம் மாயமானது. இதுகுறித்து போலீசார் விசாரணை நடத்தி வருகிறார்கள்.
4. கேரள எல்லையில் தமிழக அரசின் வரவேற்பு நுழைவு ஸ்தூபி உடைப்பு போலீசார் விசாரணை
களியக்காவிளையில் அருகே கேரள எல்லையில் தமிழக அரசின் வரவேற்பு நுழைவு ஸ்தூபி உடைத்து சேதப்படுத்தியது யார் என்பது குறித்து போலீசார் விசாரணை நடத்தி வருகிறார்கள்.
5. கற்பழிப்பு வழக்கில் கைது செய்யப்பட்ட சமூக ஆர்வலர் முகிலன் கரூர் கோர்ட்டில் ஆஜர் திருச்சி மத்திய சிறையில் அடைக்கப்பட்டார்
கற்பழிப்பு வழக்கில் சி.பி.சி.ஐ.டி. போலீசாரால் கைது செய்யப்பட்ட சமூக ஆர்வலர் முகிலன் நள்ளிரவில் கரூர் கோர்ட்டில் ஆஜர்படுத்தப்பட்டு திருச்சி மத்திய சிறையில் அடைக்கப்பட்டார்.