மாவட்ட செய்திகள்

குன்றத்தூர் அருகே தனியார் நிறுவனத்தில் 2½ டன் தாமிர கம்பிகள் திருட்டு + "||" + 2½ tons of copper wire steals in private company

குன்றத்தூர் அருகே தனியார் நிறுவனத்தில் 2½ டன் தாமிர கம்பிகள் திருட்டு

குன்றத்தூர் அருகே தனியார் நிறுவனத்தில் 2½ டன் தாமிர கம்பிகள் திருட்டு
குன்றத்தூர் அருகே தனியார் நிறுவனத்தில் 2½ டன் தாமிர கம்பிகள் திருடப்பட்டது.

பூந்தமல்லி,

குன்றத்தூரை சேர்ந்தவர் அயூப் (வயது 40). இவர் குன்றத்தூரை அடுத்த கொல்லச்சேரி பகுதியில் தனியார் நிறுவனங்களில் உபயோகப்படுத்தப்பட்ட தாமிர கம்பிகளை மொத்தமாக வாங்கி வந்து அதனை தரம் பிரித்து ஏற்றுமதி செய்யும் நிறுவனம் நடத்தி வருகிறார். நேற்று முன்தினம் இரவு நிறுவனத்தை மூடி விட்டு சென்றுவிட்டார். நேற்று காலை வந்து பார்த்தபோது நிறுவனத்தின் பூட்டு உடைக்கப்பட்டு திறந்து கிடந்தது.

நிறுவனத்திற்கு சொந்தமான மினி லாரி மற்றும் தாமிர கம்பிகள் கொள்ளை அடிக்கப்பட்டு இருந்தது. இது குறித்து குன்றத்தூர் போலீசாருக்கு தகவல் தெரிவிக்கப்பட்டது.

சம்பவ இடத்திற்கு வந்த போலீசார் கொள்ளை நடந்த நிறுவனத்தை சோதனை செய்தனர். நிறுவனத்திற்குள் நுழைந்த மர்ம நபர்கள் அங்கு நிறுத்தி வைத்திருந்த மினி லாரியில் டீசல் குறைவாக இருந்ததால் அருகில் நிறுத்தி வைக்கப்பட்டிருந்த மற்றொரு லாரியின் டீசல் டேங்கை திறந்து அதில் இருந்த டீசலை எடுத்து மினி லாரியில் ஊற்றி 2½ டன் தாமிரகம்பிகளுடன் தப்பிச்சென்றுள்ளனர்.

நிறுவனத்தில் இருந்த மடிக்கணினி மற்றும் கண்காணிப்பு கேமராவில் காட்சிகள் பதிவாகும் கம்ப்யூட்டர் உள்ளிட்டவற்றை மர்ம நபர்கள் திருடி சென்றது தெரியவந்தது.

மேலும் மர்ம நபர்கள் போலீசாரிடம் சிக்காமல் இருக்க கண்காணிப்பு கேமரா இணைப்பை துண்டித்துள்ளனர். கொள்ளை போன பொருட்களின் மதிப்பு சுமார் ரூ.12 லட்சம் என்று கூறப்படுகிறது. மேலும் இந்த நிறுவனத்தில் வேலை செய்தவர்களே இந்த கொள்ளையில் ஈடுபட்டார்களா என்ற கோணத்தில் போலீசார் விசாரித்து வருகின்றனர்.


தொடர்புடைய செய்திகள்

1. வானூர் அருகே 3 கோவில்களின் உண்டியல்களை உடைத்து திருட்டு; ஒரே நாள் இரவில் கைவரிசை
வானூர் அருகே ஒரே நாள் இரவில் 3 கோவில்களின் உண்டியல்களை உடைத்து மர்ம ஆசாமிகள் கைவரிசை காட்டி உள்ளனர்.
2. கணவர், குழந்தைகளுடன் மாடியில் தூங்கிய பெண்ணிடம் தங்கச்சங்கிலி பறிப்பு
திருப்போரூர் அருகே கணவர், குழந்தைகளுடன் வீட்டின் மாடியில் தூங்கிய பெண்ணிடம் மர்மநபர்கள் தங்கச்சங்கிலியை பறித்ததோடு, வீட்டுக்குள் புகுந்து பணத்தையும் திருடிச்சென்று விட்டனர்.
3. தாராபுரத்தில் வக்கீல் வீட்டின் பூட்டை உடைத்து ரூ.1¾ லட்சம் திருட்டு பாதுகாப்பு பெட்டகத்தை திறக்க முடியாததால் 53 பவுன் நகை தப்பியது
தாராபுரத்தில் வக்கீல் வீட்டின் பூட்டை உடைத்து ரூ.1¾ லட்சத்தை மர்ம ஆசாமிகள் திருடி சென்றனர். பாதுகாப்பு பெட்டகத்தை திறக்க முடியாததால் 53 பவுன்நகை தப்பியது.
4. செல்போன் திருடிய வாலிபர் கைது பெண்களின் எண்ணை தொடர்பு கொண்டு ஆபாசமாக பேசியபோது சிக்கினார்
செல்போன் திருடிய வாலிபர் அதில் உள்ள பெண்களின் எண்களை தொடர்பு கொண்டு ஆபாசமாக பேசியபோது சிக்கினார்.
5. திருட்டு வழக்கில் தொடர்பு: போலீசுக்கு பயந்து வாலிபர் தற்கொலை
கொடைரோடு அருகே திருட்டு வழக்கில் தொடர்புடைய வாலிபர் போலீசுக்கு பயந்து தற்கொலை செய்து கொண்டார்.

அதிகம் வாசிக்கப்பட்டவை