மாவட்ட செய்திகள்

நிதி ஆயோக் கூட்டத்தில் பங்கேற்க டெல்லி சென்ற குமாரசாமி, பிரதமர் மோடியுடன் சந்திப்பு + "||" + Kumaraswamy went to Delhi to attend financial Aayog meeting, Meeting with PM Modi

நிதி ஆயோக் கூட்டத்தில் பங்கேற்க டெல்லி சென்ற குமாரசாமி, பிரதமர் மோடியுடன் சந்திப்பு

நிதி ஆயோக் கூட்டத்தில் பங்கேற்க டெல்லி சென்ற குமாரசாமி, பிரதமர் மோடியுடன் சந்திப்பு
நிதி ஆயோக் கூட்டத்தில் பங்கேற்க டெல்லி சென்ற முதல்-மந்திரி குமாரசாமி பிரதமர் மோடியை சந்தித்து பேசினார்.
பெங்களூரு,

நிதி ஆயோக் கூட்டத்தில் பங்கேற்க டெல்லி சென்ற முதல்-மந்திரி குமாரசாமி நேற்று பிரதமர் மோடியை சந்தித்து பேசினார். அப்போது கர்நாடகத்துக்கு மத்திய அரசு வழங்க வேண்டிய நிலுவைத்தொகை ரூ.2 ஆயிரம் கோடியை உடனே வழங்க வேண்டும் என்று பிரதமரிடம் கோரிக்கை விடுத்தார்.


டெல்லியில் நேற்று பிரதமர் நரேந்திர மோடி தலைமையில் நிதி ஆயோக் கூட்டம் நடைபெற்றது.

இந்த கூட்டத்தில் பங்கேற்க முதல்-மந்திரி குமாரசாமி டெல்லி சென்றுள்ளார். இந்த நிலையில், கூட்டம் தொடங்குவதற்கு முன்பாக, நேற்று காலையில் டெல்லியில் பிரதமர் நரேந்திர மோடியை முதல்-மந்திரி குமாரசாமி சந்தித்து பேசினார்.

அப்போது நாடாளுமன்ற தேர்தலில் பா.ஜனதா அதிக இடங்களில் வெற்றி பெற்றதற்கும், 2-வது முறையாக பிரதமராக பதவி ஏற்று இருப்பதற்கும் பிரதமர் மோடிக்கு பூச்செண்டு கொடுத்து குமாரசாமி வாழ்த்து தெரிவித்தார். இந்த சந்திப்பின் போது மாநிலத்தில் நிலவும் வறட்சி குறித்து பிரதமரிடம் குமாரசாமி விளக்கமாக எடுத்து கூறினார்.

குறிப்பாக மகாத்மா காந்தி தேசிய ஊரக வேலை வாய்ப்பு உறுதியளிப்பு திட்டத்திற்காக மத்திய அரசு ரூ.2 ஆயிரம் கோடி நிதியை கர்நாடகத்துக்கு வழங்காமல் பாக்கி வைத்துள்ளது. அந்த நிலுவைத்தொகை ரூ.2 ஆயிரம் கோடியை உடனடியாக கர்நாடகத்துக்கு வழங்க வேண்டும் என்றும், அதற்கான நடவடிக்கைகளை எடுக்கும் படியும் பிரதமர் மோடியிடம் முதல்-மந்திரி குமாரசாமி கேட்டுக் கொண்டார்.

மேலும் மத்திய அரசு பாக்கி வைத்துள்ள ரூ.2 ஆயிரம் கோடியை எந்த விதமான காலதாமதமும் இல்லாமல் கர்நாடக அரசுக்கு வழங்க வேண்டும் என்று கோரி அவர் பிரதமரிடம் ஒரு கோரிக்கை மனுவும் கொடுத்தார். அந்த மனுவை பிரதமர் பெற்றுக் கொண்டார். பின்னர் அங்கிருந்து முதல்-மந்திரி குமாரசாமி புறப்பட்டு வந்தார்.

பிரதமர் நரேந்திர மோடியை சந்தித்த பிறகு மத்திய நிதி மந்திரி நிர்மலா சீதாராமனையும் முதல்-மந்திரி குமாரசாமி சந்தித்து பேசினார். மேலும் மத்திய நிதி மந்திரியாக பதவி ஏற்றுள்ள நிர்மலா சீதாராமனுக்கு குமாரசாமி பூச்செண்டு கொடுத்து வாழ்த்து தெரிவித்தார்.

அத்துடன் மத்திய, மாநில அரசுகள் இணைந்து செயல் படுத்தி வரும் பல்வேறு திட்டங்களுக்கான நிதியை மத்திய அரசு வழங்காமல் உள்ளதாகவும், அந்த நிதியை வழங்க நடவடிக்கை எடுக்கும்படி நிர்மலா சீதாராமனிடம் குமாரசாமி கேட்டுக் கொண்டார்.


தொடர்புடைய செய்திகள்

1. நோபல் பரிசு அறிவிக்கப்பட்டுள்ள அபிஜித் பானர்ஜி டெல்லியில் தான் படித்த பல்கலைக்கழகத்தை பார்வையிட்டார்
நோபல் பரிசு அறிவிக்கப்பட்டுள்ள அபிஜித் பானர்ஜி டெல்லி சென்றார். அங்கு தான் படித்த பல்கலைக்கழகத்தை அவர் பார்வையிட்டார்.
2. புரோ கபடி போட்டி: இறுதிப்போட்டியில் டெல்லி- பெங்கால் வாரியர்ஸ்
புரோ கபடியில் நேற்று நடந்த அரைஇறுதி ஆட்டங்களில் தபாங் டெல்லி, பெங்கால் வாரியர்ஸ் அணிகள் வெற்றி பெற்று இறுதிப்போட்டிக்குள் நுழைந்தன.
3. புரோ கபடியில் இறுதிப்போட்டிக்கு முன்னேறுவது யார்? டெல்லி-பெங்களூரு, பெங்கால்-மும்பை அணிகள் இன்று மோதல்
புரோ கபடியில் இறுதிப்போட்டிக்கு முன்னேறுவது யார்? என்பதை நிர்ணயிக்கும் அரைஇறுதி ஆட்டங்களில் தபாங் டெல்லி-பெங்களூரு புல்ஸ், பெங்கால் வாரியர்ஸ்-மும்பை அணிகள் மோதுகின்றன.
4. ஐ.என்.எக்ஸ்.மீடியா வழக்கில் ஜாமீன் கோரிய ப.சிதம்பரத்தின் மனுவை நாளை விசாரிக்கிறது உச்ச நீதிமன்றம்
ஐ.என்.எக்ஸ்.மீடியா வழக்கில் ஜாமீன் கோரிய ப.சிதம்பரத்தின் மனுவை உச்ச நீதிமன்றம் நாளை விசாரிக்கிறது.
5. கர்நாடக சட்டமன்ற இடைத்தேர்தலில் தனித்து போட்டியிடும் முடிவில் மாற்றமில்லை: குமாரசாமி திட்டவட்டம்
கர்நாடக சட்டமன்ற இடைத்தேர்தலில் தனித்து போட்டியிடும் முடிவில் மாற்றமில்லை என்று குமாரசாமி தெரிவித்தார்.