மாவட்ட செய்திகள்

திருப்பூரில் நண்பரை கொலை செய்த வாலிபருக்கு ஆயுள் தண்டனை + "||" + Youth who murdered a friend in Tirupur gets life sentence

திருப்பூரில் நண்பரை கொலை செய்த வாலிபருக்கு ஆயுள் தண்டனை

திருப்பூரில் நண்பரை கொலை செய்த வாலிபருக்கு ஆயுள் தண்டனை
திருப்பூரில் நண்பரை கொலை செய்த வாலிபருக்கு ஆயுள் தண்டனை விதித்து திருப்பூர் முதன்மை மாவட்ட நீதிமன்றத்தில் தீர்ப்பு கூறப்பட்டது.

திருப்பூர்,

திருப்பூர் நெருப்பெரிச்சல் குருவாயூரப்பன் நகரை சேர்ந்தவர் ராஜேந்திரன்(வயது 29). கட்டிட தொழிலாளி. அதே பகுதியை சேர்ந்தவர் கார்த்திக்(27). இருவரும் நண்பர்கள். கடந்த 17–5–2018 அன்று அப்பகுதியில் உள்ள பாரில் மது குடித்தபோது இருவருக்கும் இடையே தகராறு ஏற்பட்டுள்ளது.

இந்த நிலையில் 18–5–2018 அன்று இரவு இருவரும் சேர்ந்து மீண்டும் மது அருந்தியுள்ளனர். பின்னர் நள்ளிரவில் ராஜேந்திரனுடன் மோட்டார் சைக்கிளில் ஏறி கார்த்திக் படையப்பா நகரில் உள்ள பாறைக்குழி பக்கம் சென்றுள்ளார். அடுத்த நாள் காலையில் கார்த்திக் பாறைக்குழி அருகே கல்லால் தாக்கி கொலை செய்யப்பட்டு கிடந்தார்.

இதுகுறித்து பெருமாநல்லூர் போலீசார் வழக்குப்பதிவு செய்து விசாரணை நடத்தியதில் முன்விரோதம் காரணமாக ராஜேந்திரன் கல்லால் தாக்கி கார்த்திக்கை கொலை செய்தது கண்டறியப்பட்டது. பின்னர் ராஜேந்திரனை போலீசார் கைது செய்தனர். இதுதொடர்பான வழக்கு விசாரணை திருப்பூர் முதன்மை மாவட்ட நீதிமன்றத்தில் நடந்து வந்தது. நேற்று இந்த வழக்கில் தீர்ப்பு கூறப்பட்டது.

வழக்கை விசாரித்த நீதிபதி அல்லி, நண்பரை கொலை செய்த ராஜேந்திரனுக்கு ஆயுள் தண்டனை, ரூ.5 ஆயிரம் அபராதம், அபராதம் கட்டத்தவறினால் மேலும் 6 மாதம் கடுங்காவல் சிறை தண்டனை விதித்து தீர்ப்பு கூறினார். இந்த வழக்கில் அரசு தரப்பில் சிறப்பு அரசு வக்கீல் கே.என்.சுப்பிரமணியம் ஆஜராகி வாதாடினார்.


தொடர்புடைய செய்திகள்

1. மதுரை அருகே கள்ளக்காதலனை கொலை செய்து எரித்த பெண் கைது; தற்கொலை நாடகம் நடத்தியது அம்பலம்
மதுரை அருகே கள்ளக்காதலனை கொலை செய்து எரித்து தற்கொலை நாடகமாடிய பெண்ணை போலீசார் கைது செய்தனர்.
2. வரதட்சணை கொடுமையால் மனைவி தற்கொலை: வக்கீலுக்கு ஆயுள் தண்டனை
வரதட்சணை கொடுமையால் மனைவி தற்கொலை செய்து கொண்ட வழக்கில் வக்கீலுக்கு ஆயுள் தண்டனை விதித்து திருப்பூர் மாவட்ட மகளிர் நீதிமன்றத்தில் தீர்ப்பு கூறப்பட்டது.
3. ஈரோட்டில் பணத்துக்காக பாட்டியை எரித்து கொலை செய்ய முயன்ற பேத்தி கைது
ஈரோட்டில், பணத்துக்காக பாட்டியை எரித்து கொலை செய்ய முயன்ற பேத்தியை போலீசார் கைது செய்தனர்.
4. நாகர்கோவில் அருகே இரட்டை கொலை: அண்ணனுக்கு பதில் தம்பியை தீர்த்து கட்டிய கும்பல்
நாகர்கோவில் அருகே நடந்த இரட்டை கொலை வழக்கில் திடீர் திருப்பம் ஏற்பட்டுள்ளது. அண்ணனுக்கு பதில் தம்பியை தீர்த்து கட்டியதாக போலீஸ் சூப்பிரண்டு அலுவலகத்தில் பரபரப்பு புகார் கொடுக்கப்பட்டுள்ளது.
5. ரவுடி கொலை வழக்கில் மின்வாரிய பெண் அதிகாரி உள்பட 5 பேர் கைது
திருவெறும்பூர் அருகே ரவுடி கொலை வழக்கில் மின்வாரிய பெண் அதிகாரி உள்பட 5 பேரை போலீசார் கைது செய்தனர்.