மாவட்ட செய்திகள்

இந்தியாவில் பற்றாக்குறையாக இருக்கும்போது அரசு டாக்டர்களை வெளிநாடுகளில் பணியாற்ற அனுமதிக்கலாமா? கொள்கை முடிவு எடுக்க மதுரை ஐகோர்ட்டு உத்தரவு + "||" + When there is scarcity in India Government Doctors Are you allowed to work abroad? Make policy decisions Madurai Icord Directive

இந்தியாவில் பற்றாக்குறையாக இருக்கும்போது அரசு டாக்டர்களை வெளிநாடுகளில் பணியாற்ற அனுமதிக்கலாமா? கொள்கை முடிவு எடுக்க மதுரை ஐகோர்ட்டு உத்தரவு

இந்தியாவில் பற்றாக்குறையாக இருக்கும்போது அரசு டாக்டர்களை வெளிநாடுகளில் பணியாற்ற அனுமதிக்கலாமா? கொள்கை முடிவு எடுக்க மதுரை ஐகோர்ட்டு உத்தரவு
அரசு டாக்டர்கள் வெளிநாடுகளுக்கு சென்று பணியாற்றுவதை தடுக்கும் வகையில் கொள்கை முடிவு எடுக்க வேண்டும் என்று தமிழக அரசுக்கு மதுரை ஐகோர்ட்டு உத்தரவிட்டுள்ளது.

மதுரை,

மதுரையைச் சேர்ந்த அலெக்சாண்டர் தேவராஜ், மதுரை ஐகோர்ட்டு கிளையில் தாக்கல் செய்த மனுவில் கூறியிருந்ததாவது:–

எனது மனைவி லில்லிமனோகரன் கடந்த 1973–ம் ஆண்டில் அரசு டாக்டராக பணியில் சேர்ந்தார். அவர் வெளிநாட்டில் சென்று மருத்துவ சேவை புரிய 1992–ம் ஆண்டு அனுமதிக்கப்பட்டது. அதன்படி அவர் துபாய்க்கு சென்று பணியாற்றினார். 1996–ம் ஆண்டு வரை அவர் வெளிநாட்டில் பணியாற்றும் காலம் நீட்டிக்கப்பட்டது. அங்கு பணியாற்றியபோது இருதய நோயால் பாதிக்கப்பட்டார். இதனால் அவர் அங்கேயே சிகிச்சை பெற்று வந்தார். இதுகுறித்து அவர் இந்தியாவில் உள்ள சம்பந்தப்பட்ட அதிகாரிகளுக்கு தகவல் தெரிவிக்கவில்லை.

இதையடுத்து 2002–ம் ஆண்டில் மதுரை அரசு ஆஸ்பத்திரி டீன், எனது மனைவி மீது ஏன் ஒழுங்கு நடவடிக்கை எடுக்கக்கூடாது என்று கேட்டு, உரிய விளக்கம் அளிக்கும்படி மெமோ அனுப்பி இருந்தார்.

இந்த மெமோ அடிப்படையில் 2004–ம் ஆண்டில் அவர் பணிநீக்கம் செய்யப்பட்டார். இதனால் அவருக்கு உரிய பணப்பலன்கள், ஓய்வூதியம் மறுக்கப்பட்டது. இந்த உத்தரவை ரத்து செய்து, எனது மனைவிக்கு சேர வேண்டிய பணப்பலன்கள், ஓய்வூதியம் வழங்க உத்தரவிட வேண்டும்.

இவ்வாறு மனுவில் கூறியிருந்தார்.

இந்த வழக்கை விசாரித்த நீதிபதி மகாதேவன் பிறப்பித்த உத்தரவு வருமாறு:–

மனுதாரர் மனைவி மீதான குற்றச்சாட்டு நிரூபிக்கப்பட்டுள்ளது. அந்த அடிப்படையில் அவர் மீது நடவடிக்கை எடுக்கப்பட்டுள்ளது. எனவே மனுதாரரின் மனு தள்ளுபடி செய்யப்படுகிறது.

இந்தியாவில் டாக்டர்கள் பற்றாக்குறை கடுமையாக உள்ளது. அப்படி இருக்கும்போது அரசு டாக்டர்களை வெளிநாட்டுக்கு அனுப்புவதை தவிர்ப்பது நல்லது. எனவே இதுதொடர்பாக தமிழக அரசு கொள்கை முடிவு எடுக்க வேண்டும்.

இவ்வாறு நீதிபதி தனது உத்தரவில் கூறியுள்ளார்.


தொடர்புடைய செய்திகள்

1. மறைமுக தேர்தலுக்கு எதிர்ப்பு தெரிவித்து திருமாவளவன் தொடர்ந்த வழக்கு தள்ளுபடி
மறைமுக தேர்தலுக்கு எதிர்ப்பு தெரிவித்து திருமாவளவன் தொடர்ந்த வழக்கை சென்னை உயர் நீதிமன்றம் தள்ளுபடி செய்தது.
2. சென்னை உயர்நீதிமன்றத்திற்கு சி.ஐ.எஸ்.எப்.பின் பாதுகாப்பை நீட்டித்து சென்னை உயர்நீதிமன்றம் உத்தரவு
சென்னை உயர்நீதிமன்றம் மற்றும் உயர்நீதிமன்ற மதுரை கிளைக்கு வழங்கப்பட்டு வரும் மத்திய தொழில் பாதுகாப்பு படையின் பாதுகாப்பு மறு உத்தரவு வரும் வரை நீடிக்கும் என சென்னை உயர்நீதிமன்றம் உத்தரவிட்டுள்ளது.
3. 2ஜி வழக்கில் கோர்ட்டு உத்தரவுப்படி 3 பேர் மரக்கன்றுகள் நட்டனர்
2ஜி மேல்முறையீட்டு வழக்கில் உரிய காலத்தில் பதில் தாக்கல் செய்யாத 3 பேர் கோர்ட்டு உத்தரவுப்படி மரக்கன்றுகள் நட்டனர்.
4. ஓமியோபதி கல்லூரியில் மாணவரை ஓரின சேர்க்கையில் ஈடுபடுத்தி தொல்லையா? போலீஸ் சூப்பிரண்டு விசாரிக்க மதுரை ஐகோர்ட்டு உத்தரவு
ஓமியோபதி கல்லூரியில் மாணவரை ஓரின சேர்க்கையில் ஈடுபடுத்தி, சில மாணவர்கள் தொல்லை அளித்ததாக தொடரப்பட்ட வழக்கில் போலீஸ் சூப்பிரண்டு விசாரித்து அறிக்கை தாக்கல் செய்ய மதுரை ஐகோர்ட்டு உத்தர விட்டது.
5. பால்வள கூட்டுறவு சங்கத்தை ரத்து செய்யக்கோரி வழக்கு: மதுரை ஆவின் தலைவர் ஓ.ராஜாவுக்கு ஐகோர்ட்டு நோட்டீஸ்
பால்வள கூட்டுறவு சங்கத்தை ரத்து செய்யக்கோரிய வழக்கில் மதுரை ஆவின் தலைவர் ஓ.ராஜாவுக்கு நோட்டீஸ் அனுப்ப மதுரை ஐகோர்ட்டு உத்தரவிட்டது.