மாவட்ட செய்திகள்

சேலத்தில் தண்டவாளத்தில் முகம் சிதைந்த நிலையில் பெண் பிணம் - கொலையா? போலீசார் விசாரணை + "||" + Woman corpse in Salem - Murder? Police are investigating

சேலத்தில் தண்டவாளத்தில் முகம் சிதைந்த நிலையில் பெண் பிணம் - கொலையா? போலீசார் விசாரணை

சேலத்தில் தண்டவாளத்தில் முகம் சிதைந்த நிலையில் பெண் பிணம் - கொலையா? போலீசார் விசாரணை
சேலத்தில் தண்டவாளத்தில் முகம் சிதைந்த நிலையில் பெண் பிணமாக கிடந்தார். இவர் கொலை செய்யப்பட்டாரா? என்பது குறித்து போலீசார் விசாரணை நடத்தி வருகின்றனர்.
சூரமங்கலம்,

சேலம் சிவதாபுரம் அருகே உள்ள செஞ்சிக்கோட்டை ரெயில் தண்டவாளத்தில் நேற்று காலை சுமார் 35 வயதுடைய பெண் ஒருவரின் பிணம் கிடந்தது. இதை பார்த்த அக்கம் பக்கத்தில் உள்ளவர்கள் இதுகுறித்து சேலம் ரெயில்வே போலீசாருக்கு தகவல் தெரிவித்தனர். அதன்பேரில் ரெயில்வே போலீஸ் சப்-இன்ஸ்பெக்டர் பாலமுருகன் தலைமையில் போலீசார் அங்கு விரைந்து சென்றனர்.


அப்போது பெண்ணின் முகம் சிதைந்து நிலையில் இருந்ததால் இறந்தவர் யார்? எந்த ஊரை சேர்ந்தவர்? என்ற விவரம் உடனடியாக தெரியவில்லை. மேலும் அவருடைய உடலில் ஆங்காங்கே காயங்கள் இருந்தது. இதனால் இந்த பெண்ணை மர்ம ஆசாமிகள் கொலை செய்து தண்டவாளத்தில் வீசி சென்றிருக்கலாம்? என்று போலீசார் சந்தேகிக்கின்றனர்.

இதையடுத்து தடயவியல் நிபுணர்கள் அங்கு வந்து தடயங்களை சேகரித்தனர். அதைத்தொடர்ந்து பெண்ணின் உடலை போலீசார் மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். மேலும் இந்த பெண் கொலை செய்யப்பட்டாரா? அல்லது தண்டவாளத்தை கடக்கும் போது ரெயிலில் அடிபட்டு இறந்தாரா? என பல்வேறு கோணங்களில் போலீசார் வழக்குப்பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. சேலம் அருகே தறி தொழிலாளி வீட்டில் நகை, பணம் திருட்டு
சேலம் அருகே தறி தொழிலாளி வீட்டில் நகை, பணத்தை திருடிச் சென்ற மர்ம நபர்களை போலீசார் வலைவீசி தேடி வருகிறார்கள். இதுபற்றி போலீஸ் தரப்பில் கூறப்பட்டதாவது:-
2. சேலம் அருகே இளம்பெண் கொலை: கணவரின் நண்பர்கள் 4 பேர் கைது
சேலம் அருகே இளம்பெண் கொலையில் கணவரின் நண்பர்கள் 4 பேரை போலீசார் கைது செய்தனர். இதுபற்றி போலீஸ் தரப்பில் கூறப்பட்டதாவது:-
3. சேலம் கிழக்கு மாவட்ட தி.மு.க. சார்பில் உள்ளாட்சி தேர்தலில் போட்டியிடுவோருக்கு விருப்ப மனுக்கள் - வீரபாண்டி ராஜா வழங்கினார்
சேலம் கிழக்கு மாவட்ட தி.மு.க. சார்பில் உள்ளாட்சி தேர்தலில் போட்டியிடுவோருக்கு விருப்ப மனுக்களை வீரபாண்டி ராஜா வழங்கினார்
4. வெடிகுண்டு வீசி ரவுடி கொலை: தலைமறைவாக இருந்த மேலும் 4 பேர் கைது நாட்டு வெடிகுண்டுகள் பறிமுதல்
அரியாங்குப்பத்தில் வெடிகுண்டு வீசி ரவுடி கொலை செய்யப்பட்ட வழக்கில் தலைமறைவாக இருந்த மேலும் 4 பேரை போலீசார் கைது செய்தனர். 2 நாட்டு வெடிகுண்டுகளும் பறிமுதல் செய்யப்பட்டன.
5. ராகிமுத்தஹள்ளி கிராமத்தில் பயங்கரம்: ஆசைக்கு இணங்க மறுத்த மருமகளை கொன்ற விவசாயி கைது
மண்டியா மாவட்டம் ராகிமுத்தஹள்ளி கிராமத்தில் ஆசைக்கு இணங்க மறுத்த மருமகளை விவசாயி ஒருவர் கத்தியால் குத்திக்கொலை செய்தார். அவரை போலீசார் கைது செய்து விசாரித்து வருகிறார்கள்.