மாவட்ட செய்திகள்

மேட்டூர் அணைக்கு வெடிகுண்டு மிரட்டல் விடுத்த மடத்துக்குளம் விவசாயி கைது + "||" + Madathukulam farmer arrested for bomb threat to Mettur Dam

மேட்டூர் அணைக்கு வெடிகுண்டு மிரட்டல் விடுத்த மடத்துக்குளம் விவசாயி கைது

மேட்டூர் அணைக்கு வெடிகுண்டு மிரட்டல் விடுத்த மடத்துக்குளம் விவசாயி கைது
மேட்டூர் அணைக்கு வெடிகுண்டு மிரட்டல் விடுத்த மடத்துக்குளத்தை சேர்ந்த விவசாயி ஒருவர் கைது செய்யப்பட்டார்.
மடத்துக்குளம்,

மேட்டூர் அணைக்கு வெடிகுண்டு மிரட்டல் விடுத்த மடத்துக்குளத்தை சேர்ந்த விவசாயி ஒருவரை போலீசார் கைது செய்தனர்.

இந்த சம்பவம் குறித்து போலீஸ் தரப்பில் கூறப்படுவதாவது:-

சென்னையில் உள்ள போலீஸ் டி.ஜி.பி. கட்டுப்பாட்டு அறையில் உள்ள அவசர உதவி எண் 100-க்கு நேற்று முன்தினம் இரவு 10:19 மணிக்கு ஒரு அழைப்பு சென்றுள்ளது. அந்த அழைப்பை ஏற்று போலீ்ஸ் கட்டுப்பாட்டு அறையில் பணியில் இருந்த போலீசார் பேசியபோது எதிர்முனையில் பேசிய ஆசாமி, தன்னை யார் என்று அடையாளம் கூறாமல் 13-ந் தேதி அன்று (நேற்று) மேட்டூர் அணையில் இருந்து தண்ணீர் திறந்து விடும்போது வெடிகுண்டு வைத்து விடுவதாக கூறி விட்டு இணைப்பை துண்டித்து விட்டார்.


இந்த மிரட்டலால் அதிர்ச்சியடைந்த போலீசார் அந்த அழைப்பு எங்கிருந்து பேசப்பட்டது என்று கண்டறியும்போது, திருப்பூர் மாவட்டம் மடத்துக்குளம் பகுதியில் இருந்து பேசியது தெரியவந்தது.

இது குறித்து திருப்பூர் மாவட்ட போலீஸ் சூப்பிரண்டு கயல்விழிக்கு தகவல் தெரிவிக்கப்பட்டது. இதையடுத்து மாவட்ட போலீஸ் சூப்பிரண்டு உத்தரவின் பேரில் சைபர் கிரைம் போலீசார், சம்பந்தப்பட்ட செல்போன் எண் யாருடையது என விசாரித்தனர்.

விசாரணையில் அந்த செல்போன் மடத்துக்குளம் தாலுகா துங்காவி கிராமம் சீலநாயக்கன்பட்டி தோட்டத்துச்சாலை தெய்வாத்தாள் (வயது 65) என்பவருக்கு சொந்தமானது என்றும், சம்பவத்தன்று அவருடய மகன் குமாரவேல் என்கிற சிவக்குமார் (41) வெடிகுண்டு மிரட்டல் விடுத்தது தெரியவந்தது. இதையடுத்து கணியூர் போலீசார், குமாரவேல் மீது இந்திய தண்டனை சட்டம் 504, 507 மற்றும் 506-2 ஆகிய பிரிவுகளின் கீழ் வழக்குப்பதிவு செய்து அவரை கைது செய்தனர். பின்னர் அவரை உடுமலை மாஜூஸ்திரேட்டு கோர்ட்டில் ஆஜர்படுத்தி சிறையில் அடைத்தனர். மேலும் அவர் பயன்படுத்திய செல்போனையும் பறிமுதல் செய்தனர்.விவசாயியான குமாரவேல் எதற்காக வெடிகுண்டு மிரட்டல் விடுத்தார்? வேறு ஏதும் காரணம் உள்ளதா? என்று போலீசார் தொடர்ந்து விசாரித்து வருகிறார்கள். விவசாயி ஒருவர் மேட்டூர் அணைக்கு வெடிகுண்டு மிரட்டல் விடுத்த சம்பவம் பெரும் பரபரப்பை ஏற்படுத்தி உள்ளது.


தொடர்புடைய செய்திகள்

1. மேட்டூர் அணை உபரிநீரை, வலது கரை வாய்க்கால் மூலம் அந்தியூர் பகுதியில் உள்ள ஏரி- குளங்களுக்கு கொண்டு செல்லும் திட்டம்; செயல்படுத்த விவசாயிகள் கோரிக்கை
மேட்டூர் அணை உபரிநீரை வலது கரை வாய்க்கால் மூலம் அந்தியூர் பகுதியில் உள்ள ஏரி மற்றும் குளங்களுக்கு கொண்டு செல்லும் திட்டத்தை செயல்படுத்த வேண்டும் என அந்த பகுதியை சேர்ந்த விவசாயிகள் கோரிக்கை விடுத்து உள்ளனர்.
2. நீர்மட்டம் உயர்வு, மேட்டூர் அணையில் சுற்றுலா பயணிகள் குவிந்தனர்
மேட்டூர் அணையின் நீர்மட்டம் உயர்வால் மேட்டூருக்கு சுற்றுலா பயணிகள் நேற்று அதிகளவில் வந்து குவிந்தனர்.
3. ஒகேனக்கல்லுக்கு நீர்வரத்து குறைந்தது, மேட்டூர் அணையின் நீர்மட்டம் 112 அடியாக உயர்ந்தது
ஒகேனக்கல்லுக்கு நீர்வரத்து குறைந்துள்ளது. மேலும் மேட்டூர் அணையின் நீர்மட்டம் 112 அடியாக உயர்ந்தது.
4. மேட்டூர் அணை நீர்மட்டம் 108 அடியை தாண்டியது
கர்நாடகம், கேரள மாநில காவிரி நீர்ப்பிடிப்பு பகுதிகளில் கனமழை பெய்ததால் அங்குள்ள கிருஷ்ணராஜ சாகர், கபினி அணைகள் நிரம்பின. இதனால் 2 அணைகளில் இருந்தும் வினாடிக்கு 2½ லட்சம் கனஅடிக்கு மேல் தண்ணீர் காவிரி ஆற்றில் திறந்து விடப்பட்டது.
5. மேட்டூர் அணை திறக்கப்பட்டதால் காவிரியில் கரைகளை தொட்டுச்செல்லும் வெள்ளம்
மேட்டூர் அணை திறக்கப்பட்டதால் காவிரியில் கரைகளை தொட்டு வெள்ளம் செல்கிறது.