மாவட்ட செய்திகள்

லால்குடியில், நண்பனை கத்தியால் குத்திய வாலிபர் கைது + "||" + In Lalgudi, The arrest of a young man with a knife stabbed friend

லால்குடியில், நண்பனை கத்தியால் குத்திய வாலிபர் கைது

லால்குடியில், நண்பனை கத்தியால் குத்திய வாலிபர் கைது
லால்குடியில் நண்பனை கத்தியால் குத்திய வாலிபரை போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது:-
லால்குடி,

லால்குடி வடக்கு தெருவை சேர்ந்தவர் அருண்குமார்(வயது 28). இவர் திருச்சியில் தனியார் செல்போன் விற்பனை செய்யும் நிறுவனத்தில் கடந்த 7 ஆண்டுகளாக வேலை பார்த்து வந்தார். கடந்த 6 மாதத்துக்கு முன்பு, தனது நண்பரான லால்குடி கீழவீதியை சேர்ந்த விக்னேஸ்வரனை (26) தான் வேலை செய்து வந்த அதே நிறுவனத்தில் வேலைக்கு சேர்த்து விட்டுள்ளார்.

கடந்த ஒரு வாரத்துக்கு முன்பு விக்னேஸ்வரனுக்கும் அந்த நிறுவனத்தின் மேலாளருக்கும் வாக்குவாதம் ஏற்பட்டுள்ளது. அப்போது, விக்னேஸ்வரன் மேலாளரை தகாத வார்த்தைகளால் திட்டியுள்ளார். இதனால் அவரை பணியிடமாற்றம் செய்ததுடன், அவரை வேலைக்கு சேர்த்து விட்ட அருண்குமாரை அழைத்து மேலாளர் கண்டித்துள்ளார்.

இதுதொடர்பாக அருண்குமார், விக்னேஸ்வரனை அழைத்து திட்டியதாக தெரிகிறது. இதனால் ஆத்திரம் அடைந்த விக்னேஸ்வரன் நேற்று முன்தினம் மாலை அருண்குமாரை லால்குடி பிள்ளையார் கோவில் அருகில் வைத்து கத்தியால் சரமாரியாக குத்தி கொலை மிரட்டல் விடுத்ததாக தெரிகிறது.

 வலியால் அருண்குமார் அலறவே, பொதுமக்கள் அங்கு ஓடி வந்தனர். உடனே, விக்னேஸ்வரன் அங்கிருந்து தப்பி ஓடிவிட்டார். பின்னர் கத்திக்குத்து பட்ட அருண்குமாரை மீட்டு சிகிச்சைக்காக லால்குடி அரசு ஆஸ்பத்திரிக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

இதுகுறித்த புகாரின்பேரில் லால்குடி போலீஸ் சப்-இன்ஸ்பெக்டர் சதீஸ்குமார் வழக்குப்பதிவு செய்து விக்னேஸ்வரனை கைது செய்தனர். விசாரணைக்கு பின்னர் அவர் லால்குடி ஜே.எம்.கோர்ட்டில் ஆஜர் படுத்தப்பட்டு லால்குடி கிளை சிறையில் அடைக்கப்பட்டார்.

தொடர்புடைய செய்திகள்

1. ராஜபாளையம் அருகே பரபரப்பு: துப்பாக்கி-17 தோட்டாக்களுடன் வாலிபர் கைது
ராஜபாளையம் அருகே உள்ள ஒரு தென்னந்தோப்பில் சாராயம் காய்ச்சிய வாலிபரை துப்பாக்கி மற்றும் 17 தோட்டாக்களுடன் போலீசார் கைது செய்தனர்.
2. பண்ருட்டி அருகே பரபரப்பு: வாகன சோதனையில் ஈடுபட்ட போலீசார் மீது தாக்குதல் - வாலிபரை பிடித்து பொதுமக்கள் தர்மஅடி
வாகன சோதனையில் ஈடுபட்ட போலீசாரை தாக்கி விட்டு மோட்டார் சைக்கிளில் சென்ற வாலிபரை பொதுமக்கள் பிடித்து தர்மஅடி கொடுத்தனர். பண்ருட்டி அருகே நடந்த இந்த பரபரப்பு சம்பவம் பற்றிய விவரம் வருமாறு:-
3. பந்தலூரில், சிறுமியை கடத்தி திருமணம் செய்த வாலிபர் போக்சோவில் கைது - தாய், தங்கை மீது வழக்கு
பந்தலூரில் சிறுமியை கடத்தி திருமணம் செய்த வாலிபர் போக்சோ சட்டத்தின் கீழ் கைது செய்யப்பட்டார். உடந்தையாக இருந்ததாக அவரது தாய், தங்கை மீது வழக்குப்பதிவு செய்யப்பட்டு உள்ளது. இதுகுறித்து போலீஸ் தரப்பில் கூறப்பட்டதாவது:-
4. விபசார பெண்ணாக சித்தரித்து நடிகைக்கு பாலியல் தொல்லை - வாலிபர் கைது
விபசார அழகியாக சித்தரித்து நடிகைக்கு பாலியல் தொல்லை கொடுத்த ‘பீட்சா’ வினியோகம் செய்யும் ஊழியர் கைது செய்யப்பட்டார்.
5. ஏ.டி.எம். மையத்தில், விவசாயி வங்கி கணக்கில் இருந்து ரூ.10 ஆயிரம் அபேஸ் - உதவி செய்வது போல் நடித்து கைவரிசை காட்டிய வாலிபர் கைது
ஏ.டி.எம். மையத்தில் விவசாயிக்கு உதவுவது போல் நடித்து அவரது வங்கி கணக்கில் இருந்து ரூ.10 ஆயிரத்தை அபேஸ் செய்த வாலிபரை போலீசார் கைது செய்தனர்.