மாவட்ட செய்திகள்

கொரோனா வைரஸ் பரவுவதை தடுக்கும் வகையில் தஞ்சை பெரியகோவில் மூடப்பட்டது + "||" + The tomb was closed in Periyako to prevent the spread of the corona virus

கொரோனா வைரஸ் பரவுவதை தடுக்கும் வகையில் தஞ்சை பெரியகோவில் மூடப்பட்டது

கொரோனா வைரஸ் பரவுவதை தடுக்கும் வகையில் தஞ்சை பெரியகோவில் மூடப்பட்டது
கொரோனா வைரஸ் பரவுவதை தடுக்கும் வகையில் தஞ்சை பெரியகோவில் மூடப்பட்டது. வருகிற 31-ந் தேதி வரை பக்தர்களுக்கு கோவிலில் அனுமதி இல்லை.
தஞ்சாவூர்,

தஞ்சை பெரியகோவிலில் 23 ஆண்டுகளுக்கு பிறகு கடந்த மாதம் 5-ந் தேதி குடமுழுக்கு நடந்தது. குடமுழுக்கு நடைபெற்ற பின்னர் கோவிலுக்கு பக்தர்களின் வருகை தொடர்ந்து அதிகரித்து வந்தது. சனி, ஞாயிற்றுக்கிழமைகளிலும் மற்றும் விடுமுறை நாட்களிலும் பக்தர்கள் மற்றும் சுற்றுலாப்பயணிகளின் வருகையால் தஞ்சையில் அடிக்கடி போக்குவரத்து நெரிசலே ஏற்பட்டது.


இந்த நிலையில் கொரோனா வைரஸ் அச்சுறுத்தல் எதிரொலியாக தஞ்சை பெரிய கோவிலுக்கு வருகை தரும் பக்தர்களின் எண்ணிக்கை வெகுவாக குறைந்தது.

நினைவுச்சின்னங்கள் மூட உத்தரவு

இந்த நிலையில் கொரோனா வைரஸ் பரவுவதை தடுக்கும் வகையில் மத்திய அரசு அனைத்து பாரம்பரிய சின்னங்களையும் மூடுமாறு தொல்லியல் துறைக்கு உத்தரவிட்டது.

அதன்படி வரலாற்று நினைவு சின்னமாக விளங்கும் தஞ்சை பெரியகோவிலை மூடுமாறு தொல்லியல் துறை அதிகாரிகளுக்கு நோட்டீஸ் வந்தது. இதையடுத்து தஞ்சை பெரியகோவில் நேற்று காலை 11 மணி முதல் மூடப்பட்டது.

பெரியகோவில் பூட்டப்பட்டது

நேற்று காலை நடைதிறந்தது முதல் பக்தர்கள் அனுமதிக்கப்பட்டனர். வெளிமாவட்டங்கள், வெளி மாநிலங்களில் இருந்து வந்த பக்தர்கள் தரிசனத்துக்கு அனுமதிக்கப்பட்டனர். 11 மணிக்குப்பிறகு பக்தர்கள் யாரும் கோவிலுக்குள் அனுமதிக்கப்படவில்லை.

வருகிற 31-ந்தேதி வரை கோவில் மூடப்பட்டு இருக்கும். பக்தர்களுக்கு அனுமதி இல்லை என அறிவிப்பு பதாகையும் மராட்டா நுழைவுவாயிலில் உள்ள பூட்டப்பட்ட கேட்டில் வைக்கப்பட்டது. அதே நேரத்தில் கோவிலில் வழக்கம் போல பூஜைகள் நடைபெறும் என தெரிவிக்கப்பட்டது.

கோவில் பூட்டப்பட்டதையடுத்து நேற்று கோவிலுக்கு வந்த பக்தர்கள் சாமி தரிசனம் செய்ய முடியாமல் ஏமாற்றத்துடன் திரும்பி ்சென்றனர்.

தொடர்புடைய செய்திகள்

1. கொரோனாவை கட்டுப்படுத்த அமெரிக்கா ரூ.150 லட்சம் கோடி ஒதுக்கியது
அமெரிக்காவில் கொரோனாவை கட்டுப்படுத்த அமெரிக்கா ரூ.150 லட்சம் கோடி ஒதுக்கி உள்ளது. இதற்கான சட்டத்தில் ஜனாதிபதி டிரம்ப் கையெழுத்திட்டார்.
2. கொரோனாவால் பாதிக்கப்பட்டவர்களுக்கு தெண்டுல்கர் ரூ.50 லட்சம் நிதியுதவி
கொரோனா நோயினால் பாதிக்கப்பட்டவர்களுக்கு உதவ இந்திய கிரிக்கெட் அணியின் முன்னாள் கேப்டன் சச்சின் தெண்டுல்கர் ரூ.50 லட்சம் நிதியுதவி வழங்கி இருக்கிறார்.
3. கொரோனாவுக்கு எதிராக போராடும் சுகாதார ஊழியர்களுக்கு ஜனாதிபதி பாராட்டு
கொரோனாவுக்கு எதிராக போராடும் சுகாதார ஊழியர்களுக்கு ஜனாதிபதி பாராட்டு தெரிவித்தார்.
4. கொரோனாவை கட்டுப்படுத்த பொதுமக்கள் ஒத்துழைப்பு தர வேண்டும் - எம்.எல்.ஏ. வேண்டுகோள்
கொரோனாவை கட்டுப்படுத்த பொதுமக்கள் ஒத்துழைப்பு தர வேண்டும் என்று சதன் பிரபாகரன் எம்.எல்.ஏ. கேட்டுக் கொண்டார்.
5. கொரோனாவால் பாதிக்கப்பட்டோருக்கு இந்திய வீராங்கனை சிந்து ரூ.10 லட்சம் உதவி
கொரோனாவால் பாதிக்கப்பட்டோருக்கு இந்திய வீராங்கனை சிந்து ரூ.10 லட்சம் நிதி உதவி அளித்துள்ளார்.