மாவட்ட செய்திகள்

கொரோனா எதிரொலியாக 31-ந் தேதி வரை அடைப்பு: டாஸ்மாக் கடைகளில் அலைமோதிய மதுப்பிரியர்கள் கூட்டம் + "||" + Corona echoing through 31st: Tasks stores Alemodia Liquors Meeting

கொரோனா எதிரொலியாக 31-ந் தேதி வரை அடைப்பு: டாஸ்மாக் கடைகளில் அலைமோதிய மதுப்பிரியர்கள் கூட்டம்

கொரோனா எதிரொலியாக 31-ந் தேதி வரை அடைப்பு: டாஸ்மாக் கடைகளில் அலைமோதிய மதுப்பிரியர்கள் கூட்டம்
கொரோனா வைரஸ் எதிரொலியாக டாஸ்மாக் கடைகள் 31-ந் தேதி வரை அடைக்கப்படுவதால் மதுபானங்கள் வாங்க மதுப்பிரியர்கள் கூட்டம் அலைமோதியது. வழக்கமானதை விட மதுபானங்கள் விற்பனை இரு மடங்கு நடந்தது.
திருச்சி,

உலகையே அச்சுறுத்தி வரும் கொரோனா வைரசின் தாக்கம் நாளுக்கு நாள் அதிகரித்து வருகிறது. இந்தியாவிலும் கொரோனா வைரஸ் பரவுவது வேகமெடுத்துள்ளது. தமிழகத்திலும் இந்த வைரஸ் வேகமாக பரவ தொடங்கி உள்ளதால் அரசு தடுப்பு நடவடிக்கைகளை எடுத்து வருகிறது. அதன் ஒரு பகுதியாக நேற்று மாலை 6 மணி முதல் வருகிற 31-ந் தேதி வரை தமிழகத்தில் 144 தடை உத்தரவு பிறப்பிக்கப்பட்டு அமலுக்கு வந்தது.


இதனால் டாஸ்மாக் கடைகளும் நேற்று மாலை 6 மணி முதல் அடைக்கப்பட்டன. வருகிற 31-ந் தேதி வரை டாஸ்மாக் கடைகள் அடைக்கப்பட்டிருக்கும் என்பதால், திருச்சியில் உள்ள மதுப்பிரியர்கள் தங்களுக்கு தேவையான மதுபாட்டில்களை வாங்க டாஸ்மாக் கடைகளில் திரண்டனர். இதன் காரணமாக டாஸ்மாக் கடைகளில் மதுப்பிரியர்கள் கூட்டம் அலைமோதியது.

இரு மடங்கு விற்பனை

பலர் மதுபானங்களை மொத்தமாக வாங்கி சென்றதை காணமுடிந்தது. சிலர் சாக்கு பையில் மூட்டை கட்டி வாங்கி சென்றனர். டாஸ்மாக் கடைகள் நேற்று பகல் 12 மணிக்கு திறக்கப்பட்டு மாலை 6 மணி வரை இருந்தது. மாலை 6 மணிக்கு முன்னதாக கடை மூடப்படுகிற நேரத்தில் கூட சில இடங்களில் முண்டியடித்து கொண்டு மதுபாட்டில்களை பலர் வாங்கி சென்றனர். வழக்கமான மதுபானங்கள் விற்பனையை விட நேற்று இரு மடங்கு விற்பனையானதாக விற்பனையாளர்கள் தெரிவித்தனர்.

இது குறித்து டாஸ்மாக் வட்டாரத்தினர் கூறுகையில், ‘‘திருச்சி மாவட்டத்தில் மொத்தம் 183 டாஸ்மாக் கடைகள் உள்ளன. இதில் அனைத்திலும் இன்று (அதாவது நேற்று) மதுபானங்கள் விற்பனை இரட்டிப்பாக இருந்தது. டாஸ்மாக் கடைகளில் மதுபானங்கள் ஏற்கனவே இருப்பு வைக்கப்பட்டிருந்ததால் தட்டுப்பாடு எதுவும் ஏற்படவில்லை. சில கடைகளில் சரக்குகள் முழுவதும் காலியாகி விட்டன’’ என்றனர்.

தொடர்புடைய செய்திகள்

1. கொரோனாவை கட்டுப்படுத்த அமெரிக்கா ரூ.150 லட்சம் கோடி ஒதுக்கியது
அமெரிக்காவில் கொரோனாவை கட்டுப்படுத்த அமெரிக்கா ரூ.150 லட்சம் கோடி ஒதுக்கி உள்ளது. இதற்கான சட்டத்தில் ஜனாதிபதி டிரம்ப் கையெழுத்திட்டார்.
2. கொரோனாவால் பாதிக்கப்பட்டவர்களுக்கு தெண்டுல்கர் ரூ.50 லட்சம் நிதியுதவி
கொரோனா நோயினால் பாதிக்கப்பட்டவர்களுக்கு உதவ இந்திய கிரிக்கெட் அணியின் முன்னாள் கேப்டன் சச்சின் தெண்டுல்கர் ரூ.50 லட்சம் நிதியுதவி வழங்கி இருக்கிறார்.
3. கொரோனாவுக்கு எதிராக போராடும் சுகாதார ஊழியர்களுக்கு ஜனாதிபதி பாராட்டு
கொரோனாவுக்கு எதிராக போராடும் சுகாதார ஊழியர்களுக்கு ஜனாதிபதி பாராட்டு தெரிவித்தார்.
4. கொரோனாவை கட்டுப்படுத்த பொதுமக்கள் ஒத்துழைப்பு தர வேண்டும் - எம்.எல்.ஏ. வேண்டுகோள்
கொரோனாவை கட்டுப்படுத்த பொதுமக்கள் ஒத்துழைப்பு தர வேண்டும் என்று சதன் பிரபாகரன் எம்.எல்.ஏ. கேட்டுக் கொண்டார்.
5. கொரோனாவால் பாதிக்கப்பட்டோருக்கு இந்திய வீராங்கனை சிந்து ரூ.10 லட்சம் உதவி
கொரோனாவால் பாதிக்கப்பட்டோருக்கு இந்திய வீராங்கனை சிந்து ரூ.10 லட்சம் நிதி உதவி அளித்துள்ளார்.