மாவட்ட செய்திகள்

சிவகங்கையில் கொரோனா நோயாளிகள் 6 பேர் சிகிச்சை முடிந்து வீடு திரும்பினர் + "||" + Six patients with coronavirus in Sivaganga returned home after treatment

சிவகங்கையில் கொரோனா நோயாளிகள் 6 பேர் சிகிச்சை முடிந்து வீடு திரும்பினர்

சிவகங்கையில் கொரோனா நோயாளிகள் 6 பேர் சிகிச்சை முடிந்து வீடு திரும்பினர்
சிவகங்கை மருத்துவ கல்லூரி மருத்துவமனையில் கொரோனா நோய் தொற்று காரணமாக சிகிச்சை பெற்று வந்த 6 பேர், சிகிச்சை முடிந்து வீடு திரும்பினர்.
சிவகங்கை, 

சிவகங்கை அரசு மருத்துவ கல்லூரி மருத்துவமனையில் கொரோனா நோய் பாதிப்பு ஏற்பட்டு சிகிச்சை பெற்ற வந்த சிவகங்கை மற்றும் ராமநாதபுரம் மாவட்டத்தை சேர்ந்த 6 பேர் பூரண குணமடைந்ததால் மருத்துவமனையில் இருந்து டிஸ்சார்ஜ் செய்யப்பட்டு வீடு திரும்பினர். அவர்களை சிவகங்கை மாவட்ட கலெக்டர் ஜெயகாந்தன், மருத்துவமனை டீன் ரத்தினவேல் ஆகியோர் வாழ்த்தி வழியனுப்பி வைத்தனர்.

இதுதொடர்பாக கலெக்டர் ஜெயகாந்தன் கூறியதாவது;-

சிவகங்கை மாவட்டத்தைச் சேர்ந்த 11 பேருக்கு கொரோனா வைரஸ் தொற்று உறுதி செய்யப்பட்டு சிவகங்கை மருத்துவ கல்லூரி மருத்துவமனையில் சிகிச்சை பெற்று வந்தனர். இது போல் ராமநாதபுரம் மாவட்டத்தை சேர்ந்த 7 பேரும் சிவகங்கை மருத்துவ கல்லூரி மருத்துவமனையில் சிகிச்சை பெற்றுவந்தனர். இவர்களில் சிவகங்கை மாவட்டத்தை சேர்ந்த 4 பேரும், ராமநாதபுரம் மாவட்டத்தை சேர்ந்த 2 பேரும் பூரண குணம் அடைந்தனர். இதையொட்டி அவர்கள் மருத்துவமனையில் இருந்து டிஸ்சார்ஜ் செய்யப்பட்டு வீடு திரும்பி உள்ளனர்.

தற்போது சிவகங்கை மருத்துவமனையில் சிவகங்கை மாவட்டத்தை சேர்ந்த 7 பேரும், ராமநாத புரம் மாவட்டத்தை சேர்ந்த 5 பேரும் சிகிச்சை பெற்று வருகின்றனர்.

மருத்துவ கண்காணிப்பில் இருந்த 41 பேரில், ஏற்கனவே 21 பேர் சிகிச்சை முடிந்து வீட்டுக்கு அனுப்பப்பட்டனர். இந்த நிலையில் மேலும் 17 பேர் மருத்துவ பரிசோதனைக்குபின் நலமுடன் உள்ளதால் வீடுகளுக்கு அனுப்பப்பட்டனர். இன்னும் 3 பேர் மட்டுமே மருத்துவ கண்காணிப்பில் உள்ளனர். இவ்வாறு அவர் கூறினார்.

அப்போது மருத்துவ கண்காணிப்பு அலுவலர் டாக்டர் மீனாள், துணை இயக்குனர் யசோதாமணி, மாவட்ட மகளிர் திட்ட அலுவலர் அருண்மணி மற்றும் அரசு அலுவலர்கள் உடன் இருந்தனர்.

தொடர்புடைய செய்திகள்

1. கோவை கலெக்டருக்கு கொரோனா தொற்று தனியார் ஆஸ்பத்திரியில் சிகிச்சை
கோவை மாவட்ட கலெக்டர் ராஜாமணிக்கு கொரோனா தொற்று உறுதியானது. இதையடுத்து அவர் தனியார் ஆஸ்பத்திரியில் சேர்க்கப்பட்டு சிகிச்சை பெற்று வருகிறார்.
2. போலீசார் உள்பட 104 பேருக்கு கொரோனா உறுதி மதுக்கரை போலீஸ் நிலையம் மூடப்பட்டது
கோவை மாவட்டத்தில் போலீசார் உள்பட 104 பேருக்கு கொரோனா தொற்று நேற்று உறுதி செய்யப்பட்டு உள்ளது. இதையடுத்து மதுக்கரை போலீஸ் நிலையம் மூடப்பட்டது.
3. போரூர் போலீஸ் உதவி கமிஷனருக்கு கொரோனா
போரூர் போலீஸ் உதவி கமிஷனருக்கு கொரோனா தொற்று உறுதி செய்யப்பட்டது.
4. பல்லடத்தில் ஊழியருக்கு கொரோனா; கோர்ட்டு மூடப்பட்டது
பல்லடத்தில் கோர்ட்டு ஊழியருக்கு கொரோனா உறுதி செய்யப்பட்டது. இதனால் கோர்ட்டு மூடப்பட்டது.
5. கர்நாடகாவில் கொரோனாவுக்கு அதிகரிக்கும் உயிரிழப்பு: மேலும் 87 பேர் பலி
கர்நாடகாவில் இன்று கொரோனாவுக்கு மேலும் 87 பேர் உயிரிழந்துள்ளனர்.