மாவட்ட செய்திகள்

பெங்களூருவில் இருந்து கடத்தி வந்த ரூ.1 லட்சம் புகையிலை பொருட்கள், வேனுடன் பறிமுதல்: 2 பேர் கைது + "||" + 1 lakh tobacco smuggled from Bangalore seized: 2 arrested

பெங்களூருவில் இருந்து கடத்தி வந்த ரூ.1 லட்சம் புகையிலை பொருட்கள், வேனுடன் பறிமுதல்: 2 பேர் கைது

பெங்களூருவில் இருந்து கடத்தி வந்த ரூ.1 லட்சம் புகையிலை பொருட்கள், வேனுடன் பறிமுதல்: 2 பேர் கைது
பெங்களூருவில் இருந்து கடத்தி வந்த ரூ.1 லட்சம் மதிப்புள்ள புகையிலை பொருட்கள், வேனுடன் பறிமுதல் செய்யப்பட்டது
சூளகிரி, 

பெங்களூருவில் இருந்து கடத்தி வரப்பட்ட ரூ.1 லட்சம் மதிப்புள்ள புகையிலை பொருட்கள் வேனுடன் பறிமுதல் செய்யப்பட்டது. இது தொடர்பாக 2 பேரை போலீசார் கைது செய்தனர்.

கிருஷ்ணகிரி மாவட்டம் சூளகிரி தேசிய நெடுஞ்சாலையில், தடுப்புகள் அமைத்து போலீசார் கண்காணிப்பு பணியில் ஈடுபட்டு வருகின்றனர். இந்த நிலையில் நேற்று கிருஷ்ணகிரி நோக்கி ஒரு வேன் வேகமாக வந்தது. அப்போது பணியில் இருந்த போலீசார் அதனை தடுத்து நிறுத்தி காரை ஓட்டி வந்த நபர் மற்றும் உள்ளே இருந்த மற்றொரு நபரிடம் விசாரித்த போது, அவர்கள் பெங்களூரு மருத்துவமனையிலிருந்து கிருஷ்ணகிரிக்கு திரும்பிச் செல்வதாக கூறினார்கள்.

ஆனால் சந்தேகமடைந்த போலீசார் காரை சோதனையிட்டபோது, சுமார் 1 லட்ச ரூபாய் மதிப்புள்ள அரசால் தடை செய்யப்பட்ட ஹான்ஸ், குட்கா உள்ளிட்ட புகையிலை பொருட்கள் பதுக்கி வைத்திருந்தது தெரிய வந்தது.

மேலும் விசாரணையில், கிருஷ்ணகிரி அருகே பெத்ததாளபள்ளி பாஞ்சாலியூர் நகரை சேர்ந்த சுப்பிரமணி (வயது 38) என்பவர் பெட்டிக்கடை நடத்தி வருவதாகவும், விற்பனைக்காக இந்த புகையிலை பொருட்களை பெங்களூருவிலிருந்து தனது உறவினர் சதீஷ் (22) என்பவரின் உதவியுடன் காரில் கடத்தி வந்ததும் தெரிய வந்தது.

இதையடுத்து போலீசார் புகையிலை பொருட்கள் மற்றும் வேனை பறிமுதல் செய்து 2 பேரையும் கைது செய்தனர்.

தொடர்புடைய செய்திகள்

1. திருச்சி விமான நிலையத்தில் ரூ.2 கோடி கடத்தல் தங்கம் சிக்கியது 4 பேர் கைது; ஒருவர் தப்பி ஓட்டம்
திருச்சி விமான நிலையத்தில் ரூ.2 கோடி கடத்தல் தங்கம் சிக்கியது. இதுதொடர்பாக 4 பேர் கைது செய்யப்பட்டனர்.
2. துபாயில் இருந்து கடத்தல்: சென்னை விமான நிலையத்தில் ரூ.41 லட்சம் தங்கம் பறிமுதல்; வாலிபர் கைது; ரூ.6 லட்சம் சிகரெட்டு, டிரோன் கேமராக்களும் சிக்கியது
துபாயில் இருந்து சென்னை விமான நிலையத்துக்கு கடத்தி வரப்பட்ட ரூ.41 லட்சம் தங்கம் பறிமுதல் செய்யப்பட்டது. இது தொடர்பாக வாலிபர் கைது செய்யப்பட்டார்.
3. கர்நாடக மாநிலத்துக்கு கடத்த முயன்ற ரேஷன் அரிசி, மண்எண்ணெய்யுடன் லாரி பறிமுதல் 2 பேர் கைது
பழைய இரும்பு பொருட்களுக்கு கீழ் மறைத்து கர்நாடகத்துக்கு கடத்த முயன்ற ஒரு டன் ரேஷன் அரிசி, 210 லிட்டர் மண்எண்ணெயை லாரியுடன் பறிமுதல் செய்த போலீசார் டிரைவர் உள்பட 2 பேரை கைது செய்தனர்.
4. திருச்சி விமான நிலையத்தில் ரூ.73 லட்சம் கடத்தல் தங்கம் பறிமுதல் 2 பயணிகளிடம் விசாரணை
திருச்சி விமான நிலையத்தில் ரூ.73 லட்சம் மதிப்பிலான கடத்தல் தங்கம் நேற்று பறிமுதல் செய்யப்பட்டது. இதுதொடர்பாக 2 பயணிகளிடம் அதிகாரிகள் விசாரணை நடத்தி வருகிறார்கள்.
5. மணல் கடத்தலில் ஈடுபட்டவர் உள்பட 2 பேர் குண்டர் சட்டத்தில் கைது
தஞ்சை மாவட்டத்தில் மணல் கடத்தலில் ஈடுபட்டவர் உள்பட 2 பேரை போலீசார் குண்டர் சட்டத்தில் கைது செய்து சிறையில் அடைத்தனர்.