மாவட்ட செய்திகள்

தர்மபுரியில் கொரோனாவுக்கு வெங்காய வியாபாரி பலி: உடலை அடக்கம் செய்ய எதிர்ப்பு கிளம்பியதால் பரபரப்பு + "||" + Onion trader killed by corona in Dharmapuri: Stir as opposition arose to bury the body

தர்மபுரியில் கொரோனாவுக்கு வெங்காய வியாபாரி பலி: உடலை அடக்கம் செய்ய எதிர்ப்பு கிளம்பியதால் பரபரப்பு

தர்மபுரியில் கொரோனாவுக்கு வெங்காய வியாபாரி பலி: உடலை அடக்கம் செய்ய எதிர்ப்பு கிளம்பியதால் பரபரப்பு
தர்மபுரியில் கொரோனாவால் பாதிக்கப்பட்ட வெங்காய வியாபாரி பலியானார். அவருடைய உடலை அடக்கம் செய்ய எதிர்ப்பு கிளம்பியதால் பரபரப்பு ஏற்பட்டது.
தர்மபுரி,

தர்மபுரி குமாரசாமிபேட்டையை சேர்ந்த 46 வயதுடைய ஒருவர் ஓசூரில் வெங்காய வியாபாரம் செய்து வந்தார். இவர் குடும்பத்தினருடன் ஓசூரில் வசித்து வந்தார். அங்கிருந்து கடந்த சில நாட்களுக்கு முன்பு தர்மபுரி வந்த இவருக்கு சளி, காய்ச்சல் பாதிப்பு ஏற்பட்டது. அவரை தனிமைப்படுத்தி பரிசோதித்தபோது கொரோனா தொற்று உறுதியானது.

இதையடுத்து கடந்த 3 நாட்களுக்கு முன்பு தர்மபுரி அரசு மருத்துவமனையில் சேர்க்கப்பட்டார். அங்கு தீவிர சிகிச்சை அளிக்கப்பட்டது. அவருடைய மனைவி, குழந்தைகள் உள்ளிட்ட குடும்பத்தினர் தனிமைப்படுத்தப்பட்டனர். இந்த நிலையில் அந்த வியாபாரி நேற்று சிகிச்சை பலனின்றி உயிரிழந்தார். தர்மபுரி மாவட்டத்தில் கொரோனா பாதிப்பு காரணமாக ஏற்பட்ட 2-வது பலி இதுவாகும்.

வியாபாரியின் உடலை தர்மபுரி குமாரசாமிபேட்டையில் உள்ள இடுகாட்டில் அடக்கம் செய்ய திட்டமிடப்பட்டது. அதற்கு அந்த பகுதியை சேர்ந்த சிலர் எதிர்ப்பு தெரிவித்தனர். இதனால் அங்கு குழப்பமும், பரபரப்பும் ஏற்பட்டது. இதையடுத்து அவருடைய உடல் நேற்று மாலை ஆம்புலன்சு மூலம் ஓசூருக்கு கொண்டு செல்லப்பட்டது.

இந்த நிலையில் இறந்தவரின் சகோதரரான குமாரசாமிபேட்டை பகுதியை சேர்ந்த கோவில் பூசாரி மற்றும் அவருடைய குடும்பத்தினர், இறந்தவரின் உறவினர்கள், நெருங்கி பழகியவர்களை தனிமைப்படுத்தி கொரோனா பரிசோதனைக்கு உட்படுத்த சுகாதாரத்துறையினர் நடவடிக்கை எடுத்தனர். இதனால் குமாரசாமிபேட்டை பகுதியில் பரபரப்பு ஏற்பட்டது.


தொடர்புடைய செய்திகள்

1. உலக அளவில் கொரோனாவால் பாதிக்கப்பட்டோர் எண்ணிக்கை 3.41 கோடியாக உயர்வு
உலக அளவில் கொரோனாவால் பாதிக்கப்பட்டோர் எண்ணிக்கை 3.41 கோடியாக உயர்ந்துள்ளது.
2. செங்கல்பட்டு மாவட்டத்தில் கொரோனா தொற்றால் ஒரே நாளில் 335 பேர் பாதிப்பு
செங்கல்பட்டு மாவட்டத்தில் கொரோனா தொற்றால் ஒரே நாளில் 335 பேர் பாதிப்புக்குள்ளானார்கள்.
3. இதுவரை 77,104 முதியவர்கள் பாதிப்பு; தமிழகத்தில் கொரோனா உயிரிழப்பு 9,500-ஐ தாண்டியது
தமிழகத்தில் இதுவரை 77,104 முதியவர்கள் கொரோனாவால் பாதிக்கப்பட்டு உள்ளனர். மேலும் கொரோனா உயிரிழப்பு 9,500-ஐ தாண்டி உள்ளது என சுகாதாரத்துறை தகவல் தெரிவித்துள்ளது.
4. தர்மபுரி மாவட்டத்தில் கருப்பு கிரானைட் டெண்டரை இறுதி செய்யக்கூடாது - ஐகோர்ட்டு உத்தரவு
தர்மபுரி மாவட்டத்தில் கருப்பு கிரானைட் எடுப்பதற்கான டெண்டரை இறுதி செய்யக்கூடாது என்று சென்னை ஐகோர்ட்டு உத்தரவிட்டுள்ளது.
5. மும்பையில் புதிதாக 2,654 பேருக்கு கொரோனா 46 பேர் பலி
மும்பையில் புதிதாக 2 ஆயிரத்து 654 பேருக்கு கொரோனா பாதிப்பு ஏற்பட்டுள்ளது. மேலும் 46 பேர் உயிரிழந்து உள்ளனர்.

ஆசிரியரின் தேர்வுகள்...