மாவட்ட செய்திகள்

நாகர்கோவிலில் துணிகரம் கோவிலுக்குள் புகுந்து கொள்ளை முயற்சி 2 பேருக்கு போலீசார் வலைவீச்சு + "||" + Police nab 2 persons for attempting to break into a venture temple in Nagercoil

நாகர்கோவிலில் துணிகரம் கோவிலுக்குள் புகுந்து கொள்ளை முயற்சி 2 பேருக்கு போலீசார் வலைவீச்சு

நாகர்கோவிலில் துணிகரம் கோவிலுக்குள் புகுந்து கொள்ளை முயற்சி 2 பேருக்கு போலீசார் வலைவீச்சு
நாகர்கோவிலில் கோவிலுக்குள் புகுந்து கொள்ளை முயற்சியில் ஈடுபட்ட 2 பேரை போலீசார் வலைவீசி தேடி வருகிறார்கள்.
நாகர்கோவில்,

நாகர்கோவில் வடசேரி பஸ் நிலையம் அருகே காசி விஸ்வநாதர் கோவில் உள்ளது. இந்த கோவிலில் காலை, மாலையில் பூஜைகள் நடைபெறுவது வழக்கம். இதனால் பக்தர்கள் கூட்டம் அதிகமாக இருக்கும். ஆனால் கடந்த மார்ச் மாதத்தில் இருந்து கொரோனா தொற்று பரவல் காரணமாக விதிக்கப்பட்ட ஊரடங்கு தடை உத்தரவு அமலில் இருப்பதால் கோவிலுக்குள் பக்தர்களுக்கு அனுமதி இல்லை.


இந்தநிலையில் நேற்று முன்தினம் இரவு இந்த கோவிலில் உள்ள பொருட்கள், உண்டியல் பணம் ஆகியவற்றை கொள்ளையடிக்க திட்டமிட்டு 2 பேர் சுவர் ஏறிக்குதித்தனர். அந்த நேரத்தில் கோவில் முன்புறம் உள்ள சாலையில் நடந்து வந்த ஒரு பக்தர், கோவில் வெளிப்புற கதவுக்கு வெளியே நின்றபடி சாமி கும்பிட்டுள்ளார். இதை பார்த்த திருடர்கள் 2 பேரும், கொள்ளை முயற்சியை கைவிட்டு, மீண்டும் சுவர் ஏறிக்குதித்து தப்பி ஓடி தலைமறைவாகி விட்டனர். உடனே அந்த பக்தர் போலீசாருக்கு தகவல் தெரிவித்தார். தகவலின் பேரில் வடசேரி சப்-இன்ஸ்பெக்டர் அனில்குமார் மற்றும் போலீசார் சம்பவ இடத்துக்கு விரைந்து சென்று பார்வையிட்டனர்.

விசாரணை

பின்னர் கோவில் நிர்வாகிகளுக்கும் தகவல் கொடுத்து அவர்களும் வரவழைக்கப்பட்டனர். அவர்கள் வந்து பார்த்து விட்டு பொருட்கள் எதுவும் கொள்ளை போகவில்லை என்று கூறினார்கள்.

ஆனாலும் கொள்ளை முயற்சியில் ஈடுபட்டவர்களை கண்டுபிடிக்க கோவிலில் அமைக்கப்பட்டு இருந்த கண்காணிப்பு கேமராக்களில் பதிவான காட்சிகளை ஆய்வு செய்தனர். அப்போது கொள்ளை முயற்சியில் ஈடுபட்ட 2 பேருமே பழைய திருடர்களைப் போன்று உருவங்கள் அமைந்துள்ளது. ஆனால் முகம் தெளிவாக தெரியவில்லை என்றும் 2 பேரும் மது அருந்தியிருக்கலாம் என்றும் போலீசார் தெரிவித்தனர். கொள்ளை முயற்சியில் ஈடுபட்ட 2 பேர் குறித்து போலீசார் விசாரணை நடத்தி, வலைவீசி தேடி வருகிறார்கள்.

தொடர்புடைய செய்திகள்

1. பட்டுக்கோட்டை அருகே மாணவனின் கை விரல்களில் 50 கார்களை ஏற்றி சாதனை முயற்சி
பட்டுக்கோட்டை அருகே 5-ம் வகுப்பு மாணவன் ஒருவன் தனது கைவிரல்களில் 50 கார்களை வரிசையாக ஏறி, இறங்க செய்து புதிய உலக சாதனைக்கு முயற்சியை மேற்கொண்டான்.
2. மகளுடன் ஏற்பட்ட மனக்கசப்பால் விரக்தி: ஸ்ரீரங்கம் காவிரி ஆற்றில் மூழ்கி வயதான தம்பதி தற்கொலை முயற்சி
மகளுடன் ஏற்பட்ட மனக்கசப்பால் விரக்தியில் ஸ்ரீரங்கத்தில் காவிரி ஆற்றில் மூழ்கி தற்கொலைக்கு முயன்ற தம்பதி மீட்கப்பட்டு, ஆதரவற்றோர் இல்லத்தில் ஒப்படைக்கப்பட்டனர்.
3. சேலம் அருகே ஏ.டி.எம். மையத்தில் கொள்ளை முயற்சி வாலிபர் கைது
சேலம் அருகே ஏ.டி.எம். மையத்தில் நடந்த கொள்ளை முயற்சி தொடர்பாக வாலிபர் கைது செய்யப்பட்டார்.
4. வாகன கடனுக்கு தவணை செலுத்தவில்லை என புகார்: போலீஸ் நிலையம் முன்பு தீக்குளித்து வாலிபர் தற்கொலை முயற்சி
பட்டுக்கோட்டையில் வாகன கடனுக்கு தவணை செலுத்தவில்லை என நிதி நிறுவனம் சார்பில் அளித்த புகாரின்பேரில் போலீசார் விசாரணை நடத்தியதால் மனவேதனை அடைந்த வாலிபர் போலீஸ் நிலையம் முன்பு உடலில் பெட்ரோல் ஊற்றி தீக்குளித்து தற்கொலைக்கு முயன்றார். இதனால் அங்கு பரபரப்பு ஏற்பட்டது.
5. மன்னார்குடி அருகே மதுக்கடையை உடைத்து கொள்ளை முயற்சி
மன்னார்குடி அருகே மதுக்கடையை உடைத்து கொள்ளை முயற்சியில் ஈடுபட்ட ஆசாமிகள் போலீசாரை கண்டதும் தப்பி ஓடினர். அவர்களை போலீசார் தேடி வருகிறார்கள்.

ஆசிரியரின் தேர்வுகள்...