மாவட்ட செய்திகள்

திருச்சி விமானநிலையம் அருகே அரசு அதிகாரி ஓட்டி வந்த கார் குடிசைக்குள் புகுந்ததால் பரபரப்பு + "||" + The car driven by a government official near the Trichy airport caused a stir as it entered the hut

திருச்சி விமானநிலையம் அருகே அரசு அதிகாரி ஓட்டி வந்த கார் குடிசைக்குள் புகுந்ததால் பரபரப்பு

திருச்சி விமானநிலையம் அருகே அரசு அதிகாரி ஓட்டி வந்த கார் குடிசைக்குள் புகுந்ததால் பரபரப்பு
திருச்சி விமான நிலையம் அருகே அரசு அதிகாரி ஓட்டி வந்த கார் கட்டுப்பாட்டை இழந்து குடிசைக்குள் புகுந்ததால் பரபரப்பு ஏற்பட்டது.
திருச்சி,

திருச்சி-புதுக்கோட்டை சாலையில் நேற்று காலை பொதுப்பணித்துறையை சேர்ந்த அரசு அதிகாரி ஒருவர் காரில் வேகமாக சென்று கொண்டு இருந்தார். விமானநிலையம் அருகே அண்ணா கோளரங்கம் எதிரே சென்றபோது, அந்த கார் திடீரென கட்டுப்பாட்டை இழந்து சாலையின் இடதுபுறமுள்ள அடிகுழாயை இடித்து தள்ளி விட்டு குடிசைக்குள் பாய்ந்தது.


இதில் குடிசை வீட்டின் ஒரு பக்க சுவர் இடிந்து சாமான்கள் சேதம் அடைந்தன. இதை கண்டு அங்கு நின்றவர்கள் அலறி அடித்து ஓட்டம் பிடித்தனர். ஆனால் அதிர்ஷ்டவசமாக குடிசை வீட்டில் ஆட்கள் இல்லாததால் உயிர்சேதம் எதுவும் ஏற்படவில்லை. உடனடியாக இது குறித்து போலீசாருக்கு தகவல் கொடுத்தனர்.

கண் அயர்ந்ததால் விபத்து

சம்பவ இடத்துக்கு தெற்கு போக்குவரத்து புலனாய்வு பிரிவு போலீஸ் சப்-இன்ஸ்பெக்டர் ராஜேந்திரன் தலைமையிலான போலீசார் விரைந்து வந்தனர். பின்னர் விபத்து நடந்தது எப்படி?. திடீரென கார் கட்டுப்பாட்டை இழந்தது ஏன்? என்று விசாரணை நடத்தினார்கள். அதில், காரை ஓட்டி வந்த அரசு அதிகாரி கண் அயர்ந்துவிட்டதால் விபத்து ஏற்பட்டது தெரியவந்தது. இதையடுத்து சேதம் அடைந்த குடிசை வீட்டிற்கு உரிய இழப்பீட்டை தருவதாக அந்த அதிகாரி கூறியதை அடுத்து, போலீசார் சமாதானம் செய்து அனுப்பி வைத்தனர்.

மேலும், இது குறித்து வழக்கு எதுவும் பதிவு செய்யவில்லை என்று போலீசார் தெரிவித்தனர். இந்த சம்பவத்தால் அந்த பகுதியில் சிறிதுநேரம் பரபரப்பு ஏற்பட்டது.

தொடர்புடைய செய்திகள்

1. திருச்சி வீட்டு வசதி வாரிய அலுவலகத்தில் டெண்டர் எடுப்பதற்காக சமூக இடைவெளியை மறந்து குவிந்த ஒப்பந்ததாரர்கள் போலீசார் எச்சரிக்கை
திருச்சி வீட்டு வசதி வாரிய அலுவலகத்தில் டெண்டர் எடுப்பதற்காக சமூக இடைவெளியை மறந்து ஒப்பந்ததாரர்கள் குவிந்தனர். அவர்களை போலீசார் எச்சரிக்கை செய்தனர்.
2. திருச்சி மாவட்டத்தில் மேலும் 4 கொரோனா பரிசோதனை மையங்கள் - கலெக்டர் தகவல்
திருச்சி மாவட்டத்தில் மேலும் 4 கொரோனா பரிசோதனை மையங்களுக்கு அனுமதி கிடைத்துள்ளது என்று கலெக்டர் சிவராசு கூறினார். இதுதொடர்பாக அவர் நேற்று நிருபர்களுக்கு அளித்த பேட்டியின்போது கூறியதாவது:-
3. திருச்சியில் சிறுமி உயிரிழந்த சம்பவம்; தேசிய குழந்தைகள் உரிமை பாதுகாப்பு ஆணையம் தாமாக முன்வந்து விசாரணை
திருச்சியில் 14 வயது சிறுமி எரிந்த நிலையில் சடலமாக கண்டெடுக்கப்பட்ட சம்பவம் குறித்து, தேசிய குழந்தைகள் உரிமை பாதுகாப்பு ஆணையம் தாமாக முன்வந்து விசாரணையை தொடங்கியுள்ளது.
4. திருச்சி அதவத்தூரில் மரணமடைந்த சிறுமி பாலியல் வன்கொடுமைக்கு ஆளாகவில்லை- பிரேதப் பரிசோதனை அறிக்கையில் தகவல்
திருச்சி அதவத்தூரில் மரணமடைந்த சிறுமி பாலியல் வன்கொடுமைக்கு ஆளாகவில்லை என்று பிரேத பரிசோதனை அறிக்கையில் தெரிவிக்கப்பட்டுள்ளது.
5. 3 மாதங்களை கடந்தும் விட்டபாடில்லை: முடக்கியது கொரோனா; முடங்கியது வாழ்க்கை
3 மாதங்களை கடந்தும் கொரோனா நம்மை விட்டபாடில்லை. இதனால், கொரோனா மனித வாழ்க்கையை முடக்கி போட்டுள்ளது.