மாவட்ட செய்திகள்

முதல்வர் வேட்பாளராக எடப்பாடி பழனிசாமியை ஏற்பதில் தயக்கம் இல்லை: வானதி சீனிவாசன் பேட்டி + "||" + There is no hesitation in accepting Edappadi Palanisamy as the Chief Ministerial candidate: Vanathi Srinivasan interview

முதல்வர் வேட்பாளராக எடப்பாடி பழனிசாமியை ஏற்பதில் தயக்கம் இல்லை: வானதி சீனிவாசன் பேட்டி

முதல்வர் வேட்பாளராக எடப்பாடி பழனிசாமியை ஏற்பதில் தயக்கம் இல்லை: வானதி சீனிவாசன் பேட்டி
அ.தி.மு.க. முதல்வர் வேட்பாளராக எடப்பாடி பழனிசாமியை ஏற்பதில் எந்த தயக்கமும் இல்லை என்று கோவையில் பா.ஜனதா மாநில துணை தலைவர் வானதி சீனிவாசன் கூறினார்.
கோவை,

கோவையில் பா.ஜனதா சார்பில் வேல் வரையலாம் வாங்க என்ற தலைப்பில் ஓவியப்போட்டி கடந்த சில நாட்களுக்கு முன்பு நடைபெற் றது. இதில் வெற்றி பெற்ற குழந்தைகளுக்கு பா.ஜனதா மாநில துணை தலைவர் வானதி சீனிவாசன் பரிசு வழங்கினார். அப்போது அவர் கூறியதாவது:-

பா.ஜனதா ஏற்கனவே தி.மு.க., அ.தி.மு.க.வுடன் கூட்டணி அமைத்திருக்கிறது. தேர்தல் நேரத்தில் கூட்டணிகள் மாறுவது என்பது வழக்கமானது. இன்றைக்கு தேசிய ஜனநாயக கூட்டணி அ.தி.மு.க. தலைமையில் வலுவாக இருக்கிறது. அரசியலில் வருங்காலத்தில் எந்த கட்சியுடன் கூட்டணி என்பதை சொல்ல முடியாது. அதை தான் பொன்.ராதாகிருஷ்ணன் தெரிவித்து உள்ளார். நாடாளுமன்ற தேர்தலில் இருந்த கூட்டணி இப்போது வரை தொடருகிறது. கூட்டணியில் எந்த மாறுபட்ட கருத்தும் இல்லை.

வரக்கூடிய மாற்றத்தை காலம் தான் முடிவு செய்யும். இன்றைய தேதியில் எந்த மாற்றமும் கிடையாது. புதிதாக கட்சி ஆரம்பிக்க போகின்றவர்கள், புதிதாக கட்சி ஆரம்பித்தவர்கள் உள்ளனர். அவர்களுடன் கூட்டணி வரலாம். அரசியல் பரபரப்பிற்காக பொன்.ராதாகிருஷ்ணன் எதுவும் சொல்லவில்லை. கூட்டணி என்பது தேர்தல் காலத்தில் முடிவு செய்யப்பட வேண்டியது.

அ.தி.மு.க. முதல்வர் வேட்பாளராக எடப்பாடி பழனிசாமியை ஏற்பதில் எந்த தயக்கமும் இல்லை. அதே சமயத்தில் தேசிய ஜனநாயக கூட்டணியின் முதல்வர் வேட்பாளராக அவர் ஏற்றுக் கொள்ளப்பட்டாரா என்பதை எங்களின் தேசிய தலைமை சொல்ல வேண்டும். தேசிய தலைமை கூட்டணி குறித்து இறுதி முடிவு எடுக்கும் வரை நாங்கள் தேசிய ஜனநாயக கூட்டணியில் இருக்கிறோம். இது குறித்து எங்கள் கட்சியின் தலைமை முடிவெடுக்கும்.

எடப்பாடி பழனிசாமி முதல்வர் வேட்பாளர் என அ.தி.மு.க. கட்சியில் முடிவெடுத்து இருக்கின்றனர். அது குறித்து எங்கள் தேசிய தலைவர்கள் கலந்து பேசி தேர்தல் நேரத்தில் முடிவெடுப்பார்கள். பா.ஜனதா தலைமையில் கூட கூட்டணி அமையலாம். கூட்டணி விஷயங்கள் வருகிற ஜனவரி மாதத்துக்கு பின்பே உறுதியாகும்.

இவ்வாறு அவர் பேசினார்.


தொடர்புடைய செய்திகள்

1. ரூ.1,295 கோடி குடிநீர் திட்டத்துக்கு நாளை அடிக்கல் நாட்டு விழா: எடப்பாடி பழனிசாமி இன்று மதுரை வருகை
மதுரை, சிவகங்கையில் நாளை நடைபெறும் அரசு நிகழ்ச்சிகளில் பங்கேற்பதற்காக முதல்- அமைச்சர் எடப்பாடி பழனிசாமி இன்று மதுரை வருகை தருகிறார்.
2. அமைச்சர் துரைக்கண்ணு மரணத்தில் மர்மமா? மு.க.ஸ்டாலினுக்கு, எடப்பாடி பழனிசாமி பதில்
அமைச்சர் துரைக்கண்ணு மரணத்தில் மர்மம் இருப்பதாக குற்றச்சாட்டு தெரிவித்த தி.மு.க. தலைவர் மு.க.ஸ்டாலினுக்கு, முதல்-அமைச்சர் எடப்பாடி பழனிசாமி பதில் அளித்தார்.
3. தூத்துக்குடி சம்பவத்திற்கு நூறு சதவீதம் காரணம் மு.க.ஸ்டாலின்தான் - எடப்பாடி பழனிசாமி குற்றச்சாட்டு
ஸ்டெர்லைட் விரிவாக்கத்திற்கு நிலம் ஒதுக்கியவர் மு.க.ஸ்டாலின் என்றும், தூத்துக்குடி சம்பவத்திற்கு நூறு சதவீதம் காரணம் மு.க.ஸ்டாலின்தான் என்றும் எடப்பாடி பழனிசாமி குற்றச்சாட்டியுள்ளார்.
4. எடப்பாடி பழனிசாமியை முதல்வர் வேட்பாளராக ஏற்பவர்களுடன் மட்டுமே கூட்டணி - அதிமுக துணை ஒருங்கிணைப்பாளர் கே.பி.முனுசாமி
எடப்பாடி பழனிசாமியை முதல்வர் வேட்பாளராக ஏற்பவர்களுடன் மட்டுமே கூட்டணி என அதிமுக துணை ஒருங்கிணைப்பாளர் கே.பி.முனுசாமி கூறி உள்ளார்.
5. புது வரலாறு படைப்போம்: தொண்டர்களுக்கு முதல்வர் பழனிசாமி அழைப்பு
புது வரலாறு படைப்போம் என அதிமுக தொண்டர்களுக்கு முதலமைச்சர் எடப்பாடி பழனிசாமி அழைப்பு விடுத்துள்ளார்.