மாவட்ட செய்திகள்

அரசின் உத்தரவை மீறி 50 சதவீத இருக்கைக்கு மேல் ரசிகர்கள் அனுமதி + "||" + Fans are allowed over 50 percent of the seats in violation of government orders

அரசின் உத்தரவை மீறி 50 சதவீத இருக்கைக்கு மேல் ரசிகர்கள் அனுமதி

அரசின் உத்தரவை மீறி 50 சதவீத இருக்கைக்கு மேல் ரசிகர்கள் அனுமதி
அரசின் உத்தரவை மீறி 50 சதவீத இருக்கைக்கு மேல் ரசிகர்கள் அனுமதி தியேட்டர் உரிமையாளர்களுக்கு தாசில்தார் எச்சரிக்கை.
கடலூர், 

பொங்கல் பண்டிகையையொட்டி நடிகர் விஜய் நடித்த ‘மாஸ்டர்', சிம்பு நடித்த ‘ஈஸ்வரன்' ஆகிய 2 படங்கள் திரைக்கு வந்துள்ளன. இந்த படங்கள் வெளியாவதை முன்னிட்டு தியேட்டர்களில் 100 சதவீத இருக்கைகளுக்கு தமிழக அரசு முதலில் அனுமதி வழங்கியது. ஆனால் கொரோனா கட்டுக்குள் வராததால், சென்னை ஐகோர்ட்டு மற்றும் மத்திய உள்துறை அமைச்சகம் வழங்கிய அறிவுரையை ஏற்று, இந்த உத்தரவை தமிழக அரசு திரும்ப பெற்றது. அதன்பின்னர் 50 சதவீத இருக்கைகளுக்கு மட்டுமே அனுமதி என்றும், இதனை மீறும் தியேட்டர்கள் மீது சட்டப்பூர்வ நடவடிக்கை எடுக்கப்படும் என்றும் அரசு எச்சரித்திருந்தது.

ஆனால் கடலூர் நகரில் உள்ள 4 தியேட்டர்களிலும் கொரோனா வழிகாட்டு நெறிமுறைகளை மீறி 100 சதவீத ரசிகர்களுக்கு அனுமதி அளிக்கப்பட்டதாக மாவட்ட கலெக்டர் மற்றும் கடலூர் தாசில்தாருக்கு புகார் சென்றது. அதன் அடிப்படையில் தாசில்தார் பலராமன், கடலூரில் உள்ள 4 தியேட்டர்களிலும் நேற்று மதியம் அதிரடி சோதனை மேற்கொண்டார்.

அப்போது 2 தியேட்டர்களில் அரசு விதியை மீறி 70 சதவீத ரசிகர்களுக்கு அனுமதி அளிக்கப்பட்டது தெரியவந்தது. இதையடுத்து தாசில்தார் பலராமன், 50 சதவீத ரசிகர்களுக்கு மேல் அனுமதி அளித்தால் கடும் நடவடிக்கை எடுக்கப்படும் என்று அந்த 2 தியேட்டர்களின் உரிமையாளர்களையும் எச்சரித்தார். தொடர்ந்து தியேட்டர்களில் எவ்வளவு ரசிகர்களுக்கு அனுமதி அளிக்கப்படுகிறது என்பதை கண்காணிக்குமாறு போலீசாருக்கு அறிவுறுத்தினார். அப்போது இன்ஸ்பெக்டர் உதயகுமார் மற்றும் போலீசார் உடனிருந்தனர்.


தொடர்புடைய செய்திகள்

1. ரசிகர்களுக்கு அனுமதி: இங்கிலாந்துக்கு பதிலடி கொடுக்குமா இந்திய அணி? சென்னை சேப்பாக்கத்தில் 2-வது டெஸ்ட் இன்று தொடக்கம்
இந்தியா- இங்கிலாந்து மோதும் 2-வது டெஸ்ட் போட்டி சென்னை சேப்பாக்கத்தில் இன்று தொடங்குகிறது. முந்தைய தோல்விக்கு பதிலடி கொடுக்குமா? என்று இந்திய ரசிகர்கள் ஆவல் கொண்டுள்ளனர்.
2. அமைச்சர் பற்றி கருத்து தெரிவித்த மு.க.ஸ்டாலின் மீது அவதூறு வழக்கு தொடர கவர்னர் அனுமதி
அமைச்சர் பற்றி கருத்து தெரிவித்த மு.க.ஸ்டாலின் மீது அவதூறு வழக்கு தொடர கவர்னர் அனுமதி.
3. சென்னையில் நடைபெறும் 2-வது டெஸ்ட் போட்டியில் ரசிகர்களுக்கு அனுமதி தமிழ்நாடு கிரிக்கெட் சங்கம் அறிவிப்பு
சென்னையில் நடைபெறும் இந்தியா-இங்கிலாந்து அணிகள் இடையிலான 2-வது டெஸ்ட் போட்டிக்கு ரசிகர்கள் அனுமதிக்கப்படுவார்கள் என்று தமிழ்நாடு கிரிக்கெட் சங்கம் அறிவித்துள்ளது.
4. இந்தியா-இங்கிலாந்து: 3வது, 4வது டெஸ்ட் போட்டிகளில் ரசிகர்களுக்கு அனுமதி
இந்தியா மற்றும் இங்கிலாந்து விளையாடும் 3வது மற்றும் 4வது டெஸ்ட் போட்டிகளில் ரசிகர்களுக்கு அனுமதி அளிக்கப்பட்டு உள்ளது.
5. கிரானைட் குவாரி அனுமதி மேல்முறையீட்டு மனு: டிராபிக் ராமசாமி பதில் அளிக்க சுப்ரீம் கோர்ட்டு உத்தரவு
கிரானைட் குவாரி அனுமதி மேல்முறையீட்டு மனுவின் மீது டிராபிக் ராமசாமி பதில் அளிக்க சுப்ரீம் கோர்ட்டு உத்தரவிட்டுள்ளது.