<
சென்னையில் ஒரே நாளில் முக கவசம் அணியாத 1,278 பேருக்கு ரூ.2 லட்சத்து 55 ஆயிரம் அபராதம்; மாநகராட்சி நடவடிக்கை
பெருநகர சென்னை மாநகராட்சிக்கு உட்பட்ட பகுதிகளில் கொரோனா பரவலை தடுக்கும் விதமாக முக கவசம் அணியாதவர்கள் மீது நடவடிக்கை எடுக்க மண்டல அமலாக்க குழுவினரால் கண்காணிப்பு பணிகள் தீவிரப்படுத்தப்பட்டுள்ளது.
அந்த வகையில் கடந்த 16-ந் தேதி ஒருநாள் மட்டும் சென்னையில் முக கவசம் அணியாத 1,278 தனிநபர்களிடம் இருந்து ரூ.2 லட்சத்து 55 ஆயிரத்து 600 அபராதம் வசூலிக்கப்பட்டுள்ளது. அதேபோல் கடந்த 16-ந் தேதி நடைபெற்ற 7 பொது மற்றும் தனியார் நிகழ்ச்சியில் பாதுகாப்பு நடைமுறைகளை கடைபிடிக்காததால் ரூ.26 ஆயிரத்து 600 அபராதம் விதிக்கப்பட்டது.
கடந்த மே மாதம் 6-ந் தேதி முதல் கொரோனா தடுப்பு மற்றும் பாதுகாப்பு வழிமுறைகளை பின்பற்றாத 48 ஆயிரத்து 33 தனிநபர்களிடம் இருந்து ரூ.3 கோடியே 81 லட்சத்து 63 ஆயிரத்து 590 அபராதமாக வசூலிக்கப்பட்டுள்ளது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
