தேசிய செய்திகள்

பிரியங்காவிற்கு பொறுப்பு; பகுஜன் சமாஜ், சமாஜ்வாடியுடன் விரோதம் கிடையாது - ராகுல் காந்தி + "||" + I have no animosity against SP, BSP Rahul Gandhi

பிரியங்காவிற்கு பொறுப்பு; பகுஜன் சமாஜ், சமாஜ்வாடியுடன் விரோதம் கிடையாது - ராகுல் காந்தி

பிரியங்காவிற்கு பொறுப்பு; பகுஜன் சமாஜ், சமாஜ்வாடியுடன் விரோதம் கிடையாது - ராகுல் காந்தி
பகுஜன் சமாஜ், சமாஜ்வாடி கட்சிகளுடன் விரோதம் கிடையாது என காங்கிரஸ் தலைவர் ராகுல் காந்தி கூறியுள்ளார்.
ரேபரேலி,

80 தொகுதிகளை கொண்ட உ.பி.யில், வேண்டுமென்றால் அமேதி மற்றும் ரேபரேலியில் போட்டியிடுங்கள் என்று கூறி காங்கிரசை, சமாஜ்வாடி-பகுஜன்சமாஜ் கட்சிகள் கூட்டணியிலிருந்து கழற்றிவிட்ட நிலையில் பிரியங்கா காந்தியின் அரசியல் பிரவேசம் தொடங்கியுள்ளது. காங்கிரஸ் கட்சிக்கு செல்வாக்கு எதுவும் கிடையாது என இரு கட்சிகளும் கூறிவிட்டன. இதனையடுத்து காங்கிரஸ் தனியாக போட்டியிட போவதாக அறிவித்துள்ளது.

உத்தரபிரதேச கிழக்கு மாநில பொதுச்செயலாளராக பிரியங்கா காந்தியை காங்கிரஸ்  அறிவித்து உள்ளது. 

இதுவரையில் அமேதி மற்றும் ரேபரேலி தொகுதியில் மட்டுமே பிரியங்கா காந்தி பிரசாரம் செய்தார். இப்போது  உத்தர பிரதேச கிழக்கு மாநில பொதுச்செயலாளராக நியமனம் செய்யப்பட்டுள்ளார். சமாஜ்வாடி, பகுஜன் சமாஜ் கட்சிக்கு எதிராக இந்நியமனம் அமைந்துள்ளதா? என்ற கேள்வியும் எழுகிறது.

இந்நிலையில் காங்கிரஸ் தலைவர் ராகுல் காந்தி பேசுகையில், “உத்தரபிரதேச மாநிலத்தில் தேர்தலில் எனக்கு பிரியங்கா காந்தி உதவி செய்யப்போகிறார் என்பதில் நான் மிகவும் மகிழ்ச்சியடைகிறேன், அவரால் சிறப்பாக செயல்பட முடியும். ஜோதிராதித்யா சிந்தியா (உத்தரபிரதேச மாநில மேற்கு பிராந்திய பொதுச்செயலாளர்) மிகவும் சிறப்பான இளம் தலைவராவார். சமாஜ்வாடி, பகுஜன் சமாஜ் கட்சிகள் பா.ஜனதாவை தோற்கடிக்க வேண்டும் என்பதற்காக உத்தரபிரதேசத்தில் கூட்டணியை அமைத்துள்ளது. எனக்கு அவர்களுக்கு எதிராக எந்தஒரு விரோதமும் கிடையாது. காங்கிரசின் கொள்கையை முன்னெடுத்து செல்வது என்னுடைய பொறுப்பாகும்” என கூறியுள்ளார். பா.ஜனதா கோட்டையாக விளங்கிய மத்திய பிரதேசத்தில் கடும் போட்டிக்கு இடையே காங்கிரசுக்கு வெற்றிக்கனியை பறித்து கொடுத்ததில் முக்கிய பங்காற்றியவர் ஜோதிராதித்யா சிந்தியா ஆவார். 

தொடர்புடைய செய்திகள்

1. நடிகர்களே அசரும் வகையில் ராகுல் காந்தி நடிக்கிறார் - நாடாளுமன்ற கடைசி கூட்டத்தில் பிரதமர் மோடி பேச்சு
கட்டிப்பிடிப்பது, கண் சிமிட்டுவது என நடிகர்களே அசரும் வகையில் ராகுல் காந்தி நடிக்கிறார் என்று நாடாளுமன்ற கடைசி கூட்டத்தில் பிரதமர் மோடி கூறினார்.
2. ராகுல் காந்திக்கு திருமணம் ஆகாததால் பிரியங்காவை அரசியலுக்கு கொண்டு வந்துள்ளனர் - அமித்ஷா
ராகுல் காந்திக்கு திருமணம் ஆகாததால் பிரியங்காவை அரசியலுக்கு கொண்டு வந்துள்ளனர் என அமித்ஷா பேசியுள்ளார்.
3. பிரியங்காவிற்கு குவிந்த ஆதரவு, உ.பி.யில் காங்கிரஸ் வெற்றிப்பெறும் -ராகுல்காந்தி நம்பிக்கை
உத்தரபிரதேச மாநிலத்தில் காங்கிரஸ் கட்சி மீண்டும் ஆட்சிக்கு வரும் என ராகுல்காந்தி நம்பிக்கையை வெளிப்படுத்தியுள்ளார்.
4. பிரியங்காவை பாதுகாப்புடன் கவனித்து கொள்ளுங்கள்; நாட்டு மக்களிடம் கணவர் வேண்டுகோள்
பிரியங்காவை பாதுகாப்புடன் கவனித்து கொள்ளுங்கள் என அவரது கணவர் வதேரா முகநூலில் நாட்டு மக்களிடம் வேண்டுகோள் விடுத்து உள்ளார்.
5. உத்தரபிரதேசத்தில் ராகுல் காந்தி-பிரியங்கா காந்தி ஊர்வலம் தொண்டர்கள் உற்சாகம்
உத்தரபிரதேசத்தில் ராகுல் காந்தி, பிரியங்கா காந்தி ஊர்வலமாக கட்சி அலுவலகம் சென்றனர். தொண்டர்கள் உற்சாக வரவேற்பு அளித்தனர்.