தேசிய செய்திகள்

சந்திரயான்-2 விண்கலத்தின் லேண்டர் ’விக்ரம்’ வெற்றிகரமாக பிரிந்தது + "||" + Chandrayaan-2 Lender's Vikram Telecom has successfully split

சந்திரயான்-2 விண்கலத்தின் லேண்டர் ’விக்ரம்’ வெற்றிகரமாக பிரிந்தது

சந்திரயான்-2 விண்கலத்தின் லேண்டர் ’விக்ரம்’ வெற்றிகரமாக பிரிந்தது
சந்திரயான்-2 விண்கலத்தின் ஆர்பிட்டரிலிருந்து லேண்டர் ’விக்ரம்’ வெற்றிகரமாக பிரிந்துள்ளதாக இஸ்ரோ தெரிவித்துள்ளது.
ஸ்ரீஹரிகோட்டா,

நிலவை ஆய்வு செய்வதற்காக இஸ்ரோவால் வடிவமைக்கப்பட்ட சந்திரயான்-2  விண்கலம், கடந்த ஜூலை 22 ஆம் தேதி ஜி.எஸ்.எல்.வி. மார்க் III ஏவுகலன் மூலம் விண்ணில் ஏவப்பட்டது. பூமியின் சுற்றுவட்ட பாதையில் சுற்றி வந்து கொண்டிருந்த சந்திரயான்-2  விண்கலமானது,  ஆகஸ்ட் 14 ஆம் தேதியன்று பூமியின் சுற்றுவட்ட பாதையில் இருந்து விலகி நிலவை நோக்கி நேர்கோட்டில் பயணிக்க துவங்கியது. 

ஆர்பிட்டர், லேண்டர் மற்றும் ரோவர் என மூன்று நிலைகளை கொண்ட இந்த விண்கலம்,  ஆகஸ்ட் 20-ல் நிலவின் சுற்றுவட்ட பாதைக்குள் நுழைந்து நிலவை சுற்றி வருகிறது.  அதன்பின் நிலவில் தரையிறங்குவதற்காக அதன் சுற்றுவட்ட பாதையின் விட்டம் படிப்படியாக குறைக்கப்பட்டு வருகிறது.

நேற்று, சந்திரயான்-2  விண்கலத்தின் சுற்றுவட்ட பாதை 5-வது மற்றும் இறுதி முறையாக மாற்றியமைக்கப்பட்டது. 

இந்நிலையில், சந்திரயான்-2  விண்கலத்தின் ஆர்பிட்டரிலிருந்து லேண்டர் ’விக்ரம்’ வெற்றிகரமாக பிரிந்துள்ளது. இந்த லேண்டர் கருவி நிலவின் சுற்றுப்பகுதியின் 100 கி.மீ தொலைவில் இருப்பதாக தெரிவிக்கப்பட்டுள்ளது. படிப்படியாக நிலவின் சுற்றுவட்ட பாதையிலிருந்து முன்னேறியபடியே, வரும் செப்டம்பர் 7-ஆம் தேதி நிலவின் தென்பகுதியில் தரையிறங்கும் என இஸ்ரோ தெரிவித்துள்ளது. அதன் பிறகு லேண்டரில் உள்ள ரோவர் மூலம் நிலவில் ஆய்வு செய்யப்படும் என கூறப்படுகிறது.


தொடர்புடைய செய்திகள்

1. உலகையே தன் பக்கம் ஈர்த்த சந்திரயான்-2: காரணம் தான் என்ன?
உலகையே தன் பக்கம் ஈர்த்த சந்திரயான்-2 குறித்த தகவல் வெளியாகி உள்ளன.
2. சரித்திரம் படைக்க தயாராகும் சந்திரயான்-2: தயார் நிலையில் இஸ்ரோ மையம்
சரித்திரம் படைக்க சந்திரயான்-2 தயாராகி வருகிறது. இதற்காக இஸ்ரோ மையம் தயார் நிலையில் உள்ளது.
3. ‘சந்திரயான்-2’ திட்டத்தின் முக்கிய நிகழ்வு: நிலவின் தென்துருவத்தில் விக்ரம் லேண்டர் நாளை தரை இறங்குகிறது
‘சந்திரயான்-2’ திட்டத்தின் முக்கிய நிகழ்வு நாளை அதிகாலையில் நடக்கிறது. அப்போது விக்ரம் லேண்டர் நிலவின் தென்துருவத்தில் மெதுவாக தரை இறங்கும் என்று இஸ்ரோ கூறி உள்ளது.

ஆசிரியரின் தேர்வுகள்...