அயோத்தி வழக்கில் எழுத்துப்பூர்வ கருத்துகளை தாக்கல் செய்ய இந்து அமைப்புக்கு சுப்ரீம் கோர்ட்டு அனுமதி

புதுடெல்லி,

சுப்ரீம் கோர்ட்டு அரசியல் சட்ட அமர்வில் விசாரிக்கப்பட்டு வந்த அயோத்தி வழக்கு விசாரணை முடிவடைந்தது. அனைத்து தரப்பினரும் எழுத்துப்பூர்வ கருத்துகளை தாக்கல் செய்ய கோர்ட்டு 3 நாள் அனுமதி அளித்தது.

ஆனால், மனுதாரர்களில் ஒன்றான ‘நிர்வாணி அகாரா’ 3 நாட்களுக்குள் தாக்கல் செய்யவில்லை. இந்நிலையில், ‘நிர்வாணி அகாரா’ தரப்பு மூத்த வக்கீல் ஜெய்தீப் குப்தா, நேற்று தலைமை நீதிபதி ரஞ்சன் கோகாய் தலைமையிலான 3 நீதிபதிகள் அடங்கிய அமர்வு முன்பு ஆஜரானார்.

சர்ச்சைக்குரிய இடத்தில் ராமர் விக்ரகத்துக்கு பூஜை செய்ய உரிமை கோருவது தொடர்பாக, எழுத்துப்பூர்வ கருத்துகளை தாக்கல் செய்ய அனுமதிக்குமாறு அவர் கேட்டுக்கொண்டார். அதை ஏற்று, அந்த அமைப்புக்கு நீதிபதிகள் அனுமதி அளித்தனர்.