தேசிய செய்திகள்

பெகாசஸ் உளவு விவகாரம்: மத்திய மந்திரி அறிக்கையை கிழித்தெறிந்த திரிணாமுல் காங்கிரஸ் எம்.பி + "||" + Trinamool MP Snatches Pegasus Statement From IT Minister, Tears It

பெகாசஸ் உளவு விவகாரம்: மத்திய மந்திரி அறிக்கையை கிழித்தெறிந்த திரிணாமுல் காங்கிரஸ் எம்.பி

பெகாசஸ் உளவு விவகாரம்: மத்திய மந்திரி அறிக்கையை கிழித்தெறிந்த திரிணாமுல் காங்கிரஸ் எம்.பி
மாநிலங்களவை மூன்றாவது முறையாக நாளை வரை ஒத்திவைக்கப்பட்டது; மக்களவை கடைசியாக மாலை 4 மணி வரை ஒத்தி வைக்கப்பட்டது.
புதுடெல்லி, 

நாடாளுமன்ற மழைக்கால கூட்டத்தொடர் கடந்த 19ஆம் தேதி தொடங்கி, ஆகஸ்ட் 13ந் தேதி வரை நடைபெற உள்ளது.  இக்கூட்டத் தொடரில் 'பெகாசஸ்' உளவு மென்பொருள் விவகாரம் நாடாளுமன்றத்தில் பூதாகரமாக வெடித்துள்ளது.

 இப்பிரச்சினை குறித்து நாடாளுமன்ற கூட்டுக்குழு விசாரணைக்கு உத்தரவிடும்படி வலியுறுத்தி எதிர்க்கட்சிகள் கடும் அமளியில் ஈடுபட்டதால், கடந்த 3 நாட்களாக மக்களவை முடங்கியது. இந்த நிலையில் இன்றும் எதிர்க்கட்சிகளின் அமளி காரணமாக நாடாளுமன்ற இரு அவைகளும் பகல் 12 மணி வரை ஒத்திவைக்கப்பட்டுள்ளது.

12 மணிக்கு அவை மீண்டும் கூடியதும்  எதிர்க்கட்சிகளின் தொடர் அமளி காரணமாக நாடாளுமன்ற இரு அவைகளும் பிற்பகல் 2 மணி வரை ஒத்திவைக்கப்பட்டது.
 
மாநிலங்களவையில், மின்னணு மற்றும் தகவல் தொழில்நுட்ப மந்திரி  அஸ்வினி வைஷ்ணவ்  பெகாசஸ் உளவு விவகாரம்  தொடர்பான அறிக்கையை வாசிக்க எழுந்தவுடன் திரிணாமுல் எம்.பி. சாந்தனு சென் எழுந்து ஆவணங்களை பறித்து, கிழித்து, துணைத் தலைவர் ஹரிவன்ஷ் நாராயண் சிங் பக்கம் பறக்கவிட்டார். ஆவணங்கள் காற்றில் பறக்கவிடப்பட்டதால், மந்திரி தனது அறிக்கையை படிக்க முடியவில்லை, அதற்கு பதிலாக அதன் நகலை சபையின் மேசையில் வைத்தார்.

இதை தொடர்ந்து  மாநிலங்களவை மூன்றாவது முறையாக நாளை வரை ஒத்திவைக்கப்பட்டது.

மக்கள் பிரச்சினைகள் குறித்து விவாதிக்க உறுப்பினர்கள் ஆர்வம் காட்டவில்லை" என்று மாநிலங்களவை தலைவர் எம்.வெங்கையா நாயுடு தெரிவித்தார்.

ராஷ்டிர ஜனதா தள எம்.பி மனோஜ் ஜா ஐ.டி. மந்திரியின் அணுகுமுறை "துரதிர்ஷ்டவசமானது" என கூறினார்."சலசலப்புக்கு மத்தியில் தகவல் தொழில்நுட்ப மந்திரி ஒரு அறிக்கையை வெளியிட்ட விதம், இந்த பிரச்சினையை கேலி செய்ய மட்டுமே அரசாங்கம் விரும்பியதாக தெரிகிறது என ஜா கூறினார்.

மக்களவையும் மூன்று முறை ஒத்திவைக்கப்பட்டது, கடைசியாக மாலை 4 மணி வரை ஒத்தி வைக்கப்பட்டது.

தொடர்புடைய செய்திகள்

1. எதிர்க்கட்சிகளின் தொடர் அமளி : நாடாளுமன்ற இரு அவைகளும் பிற்பகல் 2 மணி வரை ஒத்திவைப்பு
12 மணிக்கு அவை கூடியதும் எதிர்க்கட்சிகளின் தொடர் அமளி காரணமாக நாடாளுமன்ற இரு அவைகளும் பிற்பகல் 2 மணி வரை ஒத்திவைக்கப்பட்டது.
2. கொரோனா பாதிப்பு: ஹர்ஷவர்தனை பலிகடா ஆக்கினார் பிரதமர் மோடி - மல்லிகார்ஜுன கார்கே
கொரோனா பாதிப்பு விவகாரத்தில் ஹர்ஷவர்தனை பலிகடா ஆக்கிவிட்டார் பிரதமர் மோடி என மல்லிகார்ஜுன கார்கே குற்றம்சாட்டி உள்ளார்.
3. பெகாசஸ் உளவு விவகாரம்: எதிர்க்கட்சிகள் தொடர் அமளி இரு அவைகளும் பிற்பகல் வரை ஒத்திவைப்பு
கூட்டத்தொடரின் இரண்டாவது நாளான இன்று காலை முதலே மக்களவையில் அமளியில் ஈடுபட்டதால் அவையை பிற்பகல் 2 மணிவரை தலைவர் ஓம் பிர்லா ஒத்திவைத்தார்.
4. பெகாசஸ் உளவு விவகாரத்தை இரு அவைகளிலும் எழுப்ப எதிர்க்கட்சிகள் திட்டம்
எதிர்க்கட்சி தலைவர்களின் செல்போன் உளவு பார்க்கப்பட்டதாக கூறப்படுவதை அமித்ஷா மறுத்துள்ளார்.
5. எதிர்க்கட்சிகள் தொடர் அமளி: நாடாளுமன்றத்தின் இரு அவைகளும் நாளை காலைவரை ஒத்திவைப்பு
எதிர்க்கட்சிகளின் கடும் அமளியால் நாளை காலை 11 மணிவரை நாடாளுமன்றத்தின் இரு அவைகளும் ஒத்திவைக்கப்பட்டது.