மத்திய பிரதேச கிராமத்தில் அசுத்தமான குடிநீர்; 3 நாட்களில் 4 பேர் சாவு.! அதிகாரிகள் முகாமிட்டு ஆய்வு

சாத்னா,

மத்திய பிரதேசத்தின் சாத்னா மாவட்டத்துக்கு உட்பட்ட திகுரியா கிராமத்தை சேர்ந்த 45 வயதான ஒருவருக்கு கடந்த 6-ந்தேதி திடீரென வாந்தி, வயிற்றுப்போக்கு, காய்ச்சல் உள்ளிட்ட பிரச்சினைகள் ஏற்பட்டன. ஆஸ்பத்திரியில் சேர்க்கப்பட்ட அவர் மறுநாள் உயிரிழந்தார்.

இதைப்போன்ற பிரச்சினைகளுடன் 8-ந்தேதி ஆஸ்பத்திரியில் அனுமதிக்கப்பட்ட மற்றொருவரும் அன்றைய தினத்தில் பலியானார். இதே கிராமத்தை சேர்ந்த மேலும் இருவர் இதுபோன்ற பிரச்சினையில் நேற்று முன்தினம் இறந்தனர்.

இவர்களை தவிர, இந்த கிராமத்தை சேர்ந்த மேலும் சிலர் இதே பிரச்சினைகளால் ஆஸ்பத்திரிகளில் சிகிச்சைக்காக சேர்க்கப்பட்டு உள்ளனர்.