சி.பி.ஐ. சிறப்பு இயக்குனராக டி.சி.ஜெயின் நியமனம்

புதுடெல்லி,

மத்திய புலனாய்வு அமைப்பான சி.பி.ஐ.யின் சிறப்பு இயக்குனராக டி.சி.ஜெயின் நியமனம் செய்யப்பட்டுள்ளார். இவரை தற்காலிகமாக நியமிக்க மத்திய அமைச்சரவையின் நியமனக்குழு ஒப்புதல் அளித்துள்ளது.

1991-ம் ஆண்டு இந்திய காவல் பணி(ஐ.பி.எஸ்.) அதிகாரியாக பணியில் சேர்ந்த டி.சி.ஜெயின், தற்போது சி.பி.ஐ. கூடுதல் இயக்குனராக பணியாற்றி வருகிறார். இவரது பதவிக்காலம் வரும் 31-ந்தேதி முடிவடைய உள்ள நிலையில், அதுவரை அல்லது அடுத்த அறிவிப்பு வரும் வரை பணியில் இருப்பார் என தெரிவிக்கப்பட்டுள்ளது.