போலீஸ்காரர் தூக்குப்போட்டு தற்கொலை

பெங்களூரு:

பெலகாவி மாவட்டத்தை சேர்ந்தவர் சிக்கப்பா அண்ணப்பா அம்பி(வயது 26). போலீஸ்காரரான இவர், பெங்களூரு மடிவாளாவில் உள்ள கா்நாடக ஆயுதப்படை 4-வது பட்டாலியனில் பணியாற்றினார். அங்கேயே அவர் தங்கி இருந்தார். இந்த நிலையில், 4-வது பட்டாலியனுக்கான பயிற்சி பகுதியில் தூக்குப்போட்டு சிக்கப்பா தற்கொலை செய்து கொண்டார். தகவல் அறிந்ததும் மடிவாளா போலீசார் விரைந்து சென்று சிக்கப்பாவின் உடலை கைப்பற்றி விசாரித்தனர். அவர் காதல் பிரச்சினை காரணமாக தற்கொலை முடிவை எடுத்திருக்கலாம் என்று போலீசார் சந்தேகிக்கின்றனர். இருப்பினும் சிக்கப்பாவின் தற்கொலைக்கு வேறு ஏதாவது காரணமா? என மடிவாளா போலீசார் வழக்குப்பதிவு செய்து விசாரணை நடத்தி வருகின்றனர்.