கேரளாவில் 6 மாவட்டங்களில் இன்று மஞ்சள் எச்சரிக்கை

திருவனந்தபுரம்,

கேரளாவில் தென் மேற்கு பருவ மழை தீவிரமடைந்து உள்ளது. கேரளாவின் பல்வேறு பகுதிகளில் கனமழை தொடர்ந்து பெய்து வருகிறது. இதனால் மக்களின் இயல்பு வாழ்க்கை வெகுவாக பாதிக்கப்பட்டுள்ளது.

இந்நிலையில் கேரளாவின் 6 மாவட்டங்களுக்கு இன்று மஞ்சள் எச்சரிக்கை விடுக்கப்பட்டுள்ளது. இந்திய வானிலை ஆய்வு மையம் வெளியிட்டுள்ள அறிக்கையில், இன்று (ஜூலை 13) கேரளாவின் எர்ணாகுளம், இடுக்கி, கோழிக்கோடு, திரிச்சூர், கண்ணூர், காசர்கோடு உள்ளிட்ட 6 மாவட்டங்களுக்கு மிக கனமழைக்கான மஞ்சள் எச்சரிக்கை விடுத்துள்ளது.

நாளை (ஜூலை 14) இடுக்கி, கண்ணூர் மற்றும் காசர்கோடு உள்ளிட்ட மாவட்டங்களுக்கு மஞ்சள் எச்சரிக்கை விடுத்து இந்திய வானிலை ஆய்வு தெரிவித்துள்ளது.

கடந்த 24 மணி நேர நிலவரப்படி எரிமையூரில் அதிகபட்சமாக 5 சென்டிமீட்டர் மழையும், போத்துண்டி அணை மற்றும் நிலம்பூரில் தலா 3 சென்டிமீட்டர் மழையும் பதிவாகியுள்ளது. பொன்னானி மற்றும் குப்பட்டியில் தலா 2 செ.மீ மழை பெய்துள்ளது.