மாநில செய்திகள்

அவதூறு வழக்கு: டிராபிக் ராமசாமிக்கு பிடிவாரண்டு - சென்னை கோர்ட்டு உத்தரவு + "||" + Defamation case: Traffic Ramasamy warrant - Chennai court summons

அவதூறு வழக்கு: டிராபிக் ராமசாமிக்கு பிடிவாரண்டு - சென்னை கோர்ட்டு உத்தரவு

அவதூறு வழக்கு: டிராபிக் ராமசாமிக்கு பிடிவாரண்டு - சென்னை கோர்ட்டு உத்தரவு
அவதூறு வழக்கில் டிராபிக் ராமசாமிக்கு பிடிவாரண்டு பிறப்பித்து சென்னை கோர்ட்டு உத்தரவிட்டுள்ளது.
சென்னை,

சென்னை, காஞ்சீபுரம் மாவட்டங்களில் கடந்த 2015-ம் ஆண்டு பெய்த கனமழையால் பல்வேறு பகுதிகள் வெள்ளத்தில் மிதந்தன. மழை வெள்ளத்தால் பாதிக்கப்பட்டவர்களுக்கு அரசு சார்பிலும், தனியார் தொண்டு நிறுவனங்கள் சார்பிலும் நிவாரண உதவிகள் வழங்கப்பட்டன. வெளிமாநிலங்களில் இருந்து வந்த நிவாரண பொருட்களை அ.தி.மு.க.வினர் பறிப்பதாக கூறி அப்போதைய முதல்-அமைச்சர் ஜெயலலிதாவை விமர்சித்து சமூக ஆர்வலர் டிராபிக் ராமசாமி பேசிய வீடியோ வாட்ஸ்-அப்பில் வெளியானது.

இதைத்தொடர்ந்து, ஜெயலலிதாவுக்கு களங்கம் ஏற்படுத்தும் வகையில் அவதூறு கருத்துகளை பரப்பியதாக கூறி டிராபிக் ராமசாமிக்கு எதிராக மாநகர குற்றவியல் அரசு வக்கீல் சென்னையில் உள்ள மாவட்ட முதன்மை செசன்சு கோர்ட்டில் 2016-ம் ஆண்டு அவதூறு வழக்கு தொடர்ந்தார். இந்த வழக்கில் ஏற்கனவே டிராபிக் ராமசாமிக்கு எதிராக கோர்ட்டு பிடிவாரண்டு பிறப்பித்திருந்தது.

இந்தநிலையில் நேற்று அந்த வழக்கு நீதிபதி செல்வக்குமார் முன்னிலையில் விசாரணைக்கு வந்தது. அப்போது, டிராபிக் ராமசாமிக்கு எதிராக பிடிவாரண்டு பிறப்பித்து நீண்டநாட்கள் ஆகிவிட்டதால், புதிதாக வாரண்டு பிறப்பிக்க வேண்டும் என்று அரசு தரப்பில் கோரிக்கை விடுக்கப்பட்டது.

இதைத்தொடர்ந்து, டிராபிக் ராமசாமிக்கு எதிராக ஜாமீனில் வெளிவர முடியாத பிடிவாரண்டு பிறப்பித்து நீதிபதி மீண்டும் உத்தரவிட்டார். பின்னர், வழக்கு விசாரணை ஏப்ரல் மாதம் 17-ந் தேதிக்கு தள்ளிவைக்கப்பட்டது.

தொடர்புடைய செய்திகள்

1. அவதூறு வழக்கை ரத்து செய்யக்கோரி ஐகோர்ட்டில் மு.க.ஸ்டாலின் மனு; விரைவில் விசாரணை
தனக்கு எதிராக தொடரப்பட்ட அவதூறு வழக்கை ரத்து செய்யக்கோரி சென்னை ஐகோர்ட்டில் மு.க.ஸ்டாலின் மனு தாக்கல் செய்துள்ளார். இந்த மனு விரைவில் விசாரணைக்கு வர உள்ளது.
2. ஒரு கோடி ரூபாய் மான நஷ்ட ஈடு கேட்டு சிம்பு மனு ஐகோர்ட் அறிவுரை!
அவதூறு பரப்பியதாக தயாரிப்பாளர் மைக்கேல் ராயப்பன் மீது ரூ.1 கோடி நஷ்ட ஈடு கேட்ட வழக்கில் நடிகர் சிம்பு மீண்டும் ஐகோர்ட்டில் மனுதாக்கல் செய்ய அறிவுரை வழங்கப்பட்டு உள்ளது.
3. அவதூறு வழக்கில் ராகுல் காந்தி ஆமதாபாத் கோர்ட்டில் ஆஜராகி ஜாமீன் பெற்றார்
ஆமதாபாத் கோர்ட்டுகளில் நடைபெற்றுவரும் அவதூறு வழக்கில் ராகுல் காந்தி நேற்று ஆஜரானார். இதில் ஒரு வழக்கில் அவருக்கு ஜாமீன் வழங்கப்பட்டது.
4. திருப்பூரில் சாலையில் படுத்து டிராபிக் ராமசாமி போராட்டம் நடத்தியதால் பரபரப்பு
திருப்பூரில் சமூக ஆர்வலர் டிராபிக் ராமசாமி சாலையில் படுத்து போராட்டத்தில் ஈடுபட்டதால் பரபரப்பு ஏற்பட்டது.