<
நீட் தேர்வை தமிழக அரசு உறுதியாக எதிர்க்கிறது-அமைச்சர் கே.ஏ.செங்கோட்டையன் பேட்டி
நீட் தேர்வை தமிழக அரசு உறுதியாக எதிர்க்கிறது என்ற பள்ளி கல்வித்துறை அமைச்சர் செங்கோட்டையன் தெரிவித்தார்.
ஈரோடு,
தமிழக பள்ளிக்கல்வி துறை அமைச்சர் கே.ஏ.செங்கோட்டையன் ஈரோடு மாவட்டம் கவுந்தப்பாடியில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-
நீட் தேர்வுக்காக 7 ஆயிரத்து 417 மாணவ-மாணவிகளுக்கு தமிழக அரசு சார்பாக பயிற்சி அளிக்கப்பட்டது. அதில் 3 ஆயிரத்து 942 பேர் அரசு பள்ளியை சேர்ந்தவர்கள். நீட் தேர்வை தமிழக அரசு உறுதியாக எதிர்க்கிறது.
முதல்-அமைச்சர் எடப்பாடி பழனிசாமி நேரடியாக பிரதமரிடம் காணொலி காட்சி வழியாக இதை தெரிவித்துள்ளார். தமிழக அரசு இதுதொடர்பாக மத்திய அரசுக்கு கடிதமும் எழுதியுள்ளது. மாணவ- மாணவிகளின் மன அழுத்தத்தை குறைக்க உரிய நடவடிக்கைகள் மேற்கொள்ளப்படும்.இவ்வாறு அமைச்சர் கே.ஏ.செங்கோட்டையன் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
