மாநில செய்திகள்

கொரோனாவால் பெற்றோரை இழந்த குழந்தைகளுக்கு நிவாரணம் வழங்க வழிகாட்டுதல் குழு அமைப்பு தமிழக அரசு உத்தரவு + "||" + Government of Tamil Nadu directs steering committee to provide relief to children who have lost their parents due to corona

கொரோனாவால் பெற்றோரை இழந்த குழந்தைகளுக்கு நிவாரணம் வழங்க வழிகாட்டுதல் குழு அமைப்பு தமிழக அரசு உத்தரவு

கொரோனாவால் பெற்றோரை இழந்த குழந்தைகளுக்கு நிவாரணம் வழங்க வழிகாட்டுதல் குழு அமைப்பு தமிழக அரசு உத்தரவு
கொரோனா தொற்றினால் பெற்றோரை இழக்கும் குழந்தைகளுக்கு நிவாரணம் வழங்க வழிகாட்டுதல் குழுவை அமைத்து தமிழக அரசு உத்தரவிட்டுள்ளது.
சென்னை,

இதுகுறித்து சமூகநலன் மற்றும் சத்துணவு திட்டத்துறையின் முதன்மை செயலாளர் ஷம்பு கல்லோலிகர் வெளியிட்ட அரசாணையில் கூறப்பட்டு இருப்பதாவது:-

கொரோனா தொற்று காரணமாக தாய், தந்தையில் ஒருவரையோ, அல்லது 2 பேரையுமோ இழந்த குழந்தைகளின் நலன் தொடர்பாக பல்வேறு அறிவிப்புகளை கடந்த மே 29-ந்தேதி முதல்-அமைச்சர் அறிவித்தார்.


முதல்-அமைச்சர் அறிவித்துள்ள அந்த நல உதவிகள் மிகச்சரியாக பயனாளிகளிடம் சென்று சேர்வதற்கான வழிகாட்டும் கொள்கையை உருவாக்குவதற்காக குழு அமைக்கப்படும் என்றும் முதல்-அமைச்சர் அறிவித்தார்.

குழு அமைப்பு

மேலும், நிதித்துறை கூடுதல் தலைமைச்செயலாளர் தலைமையில், சமூகநலன் மற்றும் சத்துணவு திட்டத்துறையின் முதன்மைச் செயலாளர், தன்னார்வ தொண்டு நிறுவனங்களை சேர்ந்தவர்களை உறுப்பினராக கொண்ட குழு அமைக்கப்படும் என்று அறிவிப்பில் கூறப்பட்டுள்ளது.

அதன்படி, கொரோனா தொற்று காரணமாக தாய், தந்தையில் ஒருவரையோ, அல்லது 2 பேரையுமோ இழந்த குழந்தைகளுக்கான நலத்திட்டம் சரியாக சென்றடைவதற்கான வழிகாட்டுதல்களை உருவாக்குவதற்காக நிதித்துறை கூடுதல் தலைமைச்செயலாளர் தலைமையில் குழு அமைக்கப்படுகிறது.

உறுப்பினர்கள் நியமனம்

அதில், சமூகநலன் மற்றும் சத்துணவு திட்டத்துறையின் முதன்மைச் செயலாளர், மாற்றுத்திறனாளிகள் நலத்துறை செயலாளர், சமூகநலத்துறை ஆணையர், தன்னார்வ தொண்டு நிறுவனங்களில் இருந்து அரசால் தேர்வு செய்யப்படும 2 பேர் உறுப்பினராக இருப்பார்கள். சமூக பாதுகாப்பு ஆணையர், அந்த குழுவின் உறுப்பினர் செயலாளராக இருப்பார்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. அரசு, அரசு உதவி பெறும் பள்ளிகளில் படிக்கும் 1¼ லட்சம் மாணவ, மாணவிகளுக்கு இலவச பாடப்புத்தகம்
தேனி மாவட்டத்தில் அரசு மற்றும் அரசு உதவி பெறும் பள்ளிகளில் படிக்கும் 1 லட்சத்து 35 ஆயிரம் மாணவ, மாணவிகளுக்கு வழங்குவதற்கான இலவச பாடப்புத்தகங்கள் தேனிக்கு கொண்டு வரப்பட்டன.
2. பிளஸ் 2 பொதுத்தேர்வு ரத்து உத்தரவுக்கு தடை விதிக்க சென்னை ஐகோர்ட் மறுப்பு
பிளஸ் 2 தேர்வு ரத்து உத்தரவுக்கு தடை விதிக்க மறுப்பு தெரிவித்து சென்னை ஐகோர்ட் உத்தரவிட்டுள்ளது.
3. விவசாயிகளிடம் கடன் தொகையை வசூலிக்க அவகாசம் கோரி வழக்கு: முதல்-அமைச்சர் கடிதத்தின் பேரில் மத்திய அரசு எடுத்த நடவடிக்கை என்ன? பதில் அளிக்க ஐகோர்ட்டு உத்தரவு
விவசாயிகளிடம் கடன் தொகையை வசூலிக்க அவகாசம் கோரி தொடரப்பட்ட வழக்கில், இதுதொடர்பாக முதல்-அமைச்சர் அனுப்பிய கடிதத்தின்பேரில் எடுத்த நடவடிக்கையை தெரிவிக்க வேண்டும் என்று மத்திய அரசுக்கு மதுரை ஐகோர்ட்டு உத்தரவிட்டது.
4. கடன் வாங்கியதில் பிரச்சினை நடிகர் விஷாலுக்கும், தயாரிப்பாளர் ஆர்.பி.சவுத்திரிக்கும் சம்மன் போலீஸ் நிலையத்தில் ஆஜராக உத்தரவு
கடன் வாங்கிய பிரச்சினையில் நடிகர் விஷாலுக்கும், தயாரிப்பாளர் ஆர்.பி.சவுத்திரிக்கும் போலீசார் சம்மன் அனுப்பி உள்ளனர். போலீஸ் நிலையத்தில் விசாரணைக்கு ஆஜராக அந்த சம்மனில் உத்தரவிடப்பட்டுள்ளது.
5. நெல் மூட்டைகள் மழையில் நனைந்து வீணாவதை தடுக்க உடனடி நடவடிக்கை தமிழக அரசுக்கு ஐகோர்ட்டு உத்தரவு
நெல் மூட்டைகள் மழையால் நனைந்து வீணாவதை தடுக்க உடனடி நடவடிக்கை எடுக்க வேண்டியது அவசியம் என்று தமிழக அரசுக்கு சென்னை ஐகோர்ட்டு உத்தரவிட்டுள்ளது.

அதிகம் வாசிக்கப்பட்டவை