மாநில செய்திகள்

தமிழகத்தில் தடுப்பூசி சுத்தமாக கையிருப்பில் இல்லை மத்திய அரசுக்கு சுகாதாரத்துறை செயலாளர் அவசர செய்தி + "||" + Vaccine is not in stock in Tamil Nadu. Health Secretary urgent message to the Central Government

தமிழகத்தில் தடுப்பூசி சுத்தமாக கையிருப்பில் இல்லை மத்திய அரசுக்கு சுகாதாரத்துறை செயலாளர் அவசர செய்தி

தமிழகத்தில் தடுப்பூசி சுத்தமாக கையிருப்பில் இல்லை மத்திய அரசுக்கு சுகாதாரத்துறை செயலாளர் அவசர செய்தி
தமிழகத்தில் தடுப்பூசி சுத்தமாக கையிருப்பில் இல்லை என்பதால் உடனடியாக தடுப்பூசிகளை அனுப்புமாறு மத்திய அரசுக்கு சுகாதாரத்துறை செயலாளர் டாக்டர் ராதாகிருஷ்ணன் அவசர செய்தி அனுப்பி உள்ளார்.
சென்னை,

தமிழகத்தில் கொரோனா தடுப்பூசி தட்டுப்பாடு நிலவுகிறது. இதனால் நேற்று பெரும்பான்மையான இடங்களில் தடுப்பூசி போடப்படவில்லை. தடுப்பூசி போட்டுக்கொள்ள ஆர்வத்துடன் வந்த பொதுமக்களும் ஏமாற்றத்துடன் வீடு திரும்பினர்.


தமிழகத்துக்கு இதுவரை 1 கோடியே 1 லட்சத்து 63 ஆயிரத்து 960 தடுப்பூசிகள்தான் வந்துள்ளன. நேற்று காலை நிலவரப்படி, 12 ஆயிரத்து 520 மட்டுமே தடுப்பூசிகள் கையிருப்பில் இருப்பதாக சுகாதாரத்துறை தெரிவித்திருந்தது. அந்த தடுப்பூசிகள் அனைத்தும் நேற்று போடப்பட்டுவிட்டன. இதனால் இன்று (வியாழக்கிழமை) பொதுமக்களுக்கு செலுத்துவதற்கு தமிழக அரசிடம் சுத்தமாக தடுப்பூசி கையிருப்பு இல்லை.

கையிருப்பில் இல்லை

ஏற்கனவே மத்திய அரசு நேற்று 63 ஆயிரத்து 370 ‘கோவேக்சின்’ தடுப்பூசியும், இன்று 40 ஆயிரம் கோவேக்சின் தடுப்பூசியும் அனுப்புவதாக உறுதி அளித்திருந்தது. ஆனால் அந்த தடுப்பூசி மருந்துகள் வந்து சேரவில்லை. நாளை (வெள்ளிக்கிழமை) 3 லட்சத்து 65 ஆயிரம் கோவிஷீல்டு தடுப்பூசிகளை மத்திய அரசு தமிழகத்துக்கு அனுப்புவதாக தெரிவித்திருந்தது.

தமிழகத்தில் தடுப்பூசி போடுவதற்கான எல்லா ஏற்பாடுகளும் தமிழக அரசால் சிறப்பாக செய்யப்பட்டுள்ள நிலையில், மக்களும் ஆர்வத்துடன் தடுப்பூசி போட்டுக்கொள்ள வரும் சூழ்நிலையிலும் தற்போது தடுப்பூசி கையிருப்பில் இல்லை.

அவசர செய்தி

எனவே உடனடியாக இன்று (வியாழக்கிழமை) தேவையான தடுப்பூசிகளை தமிழகத்துக்கு அனுப்ப வேண்டும் என்று சுகாதாரத்துறை செயலாளர் டாக்டர் ராதாகிருஷ்ணன் மத்திய அரசுக்கு அவசர செய்தி அனுப்பி உள்ளார்.

தொடர்புடைய செய்திகள்

1. சிவகிரி அரசு ஆஸ்பத்திரியில் தடுப்பூசி போட முடியாமல் பொதுமக்கள் ஏமாற்றம்
சிவகிரி அரசு ஆஸ்பத்திரியில் தடுப்பூசி போட முடியாமல் பொதுமக்கள் ஏமாற்றத்துடன் திரும்பி சென்றார்கள்.
2. தமிழ்நாட்டிலேயே தடுப்பூசி தயாரிக்கலாமே!
கொரோனா 2-வது அலை பரவலை தடுக்கவேண்டும் என்றால், தடுப்பூசி ஒன்றுதான் சரியான ஆயுதம். அதனால்தான் எல்லா நாடுகளும் தங்கள் நாட்டுமக்கள் அனைவருக்கும் தடுப்பூசி போட்டு முடிக்கவேண்டும் என்ற வேகத்தில் முயற்சிகளை முடுக்கிவிட்டிருக்கின்றன.
3. “தடுப்பூசிகளை பெற்றுத்தர நடவடிக்கை எடுக்க வேண்டும்” - முன்னாள் அமைச்சர் ஆர்.பி. உதயகுமார் கோரிக்கை
தடுப்பூசிக்கான தட்டுப்பாடு நிலவி வருவதாகவும், அதனை பெற்றுத்தர அரசு நடவடிக்கை எடுக்க வேண்டும் எனவும் முன்னாள் அமைச்சர் ஆர்.பி. உதயகுமார் கோரிக்கை விடுத்துள்ளார்.
4. இந்திய தயாரிப்பில் உருவாகும் 2-வது தடுப்பூசி; 30 கோடி டோஸ் வாங்க மத்திய அரசு முன்பதிவு
பற்றாக்குறையை போக்க முற்றிலும் இந்தியாவிலேயே தயாரிக்கப்படும் 2-வது தடுப்பூசியை 30 கோடி டோஸ் அளவுக்கு வாங்க மத்திய அரசு முன்பதிவு செய்துள்ளது.
5. உத்தரபிரதேசம்: “தடுப்பூசி போடாத அரசு ஊழியர்களுக்கு சம்பளம் கிடையாது”- மாவட்ட நிர்வாகம் அதிரடி
தடுப்பூசி போடாத அரசு ஊழியர்களுக்கு சம்பளம் கிடையாது என்று உத்தரபிரதேசத்தில் மாவட்ட நிர்வாகம் அதிரடி உத்தரவு பிறப்பித்துள்ளது.