வேப்பூர் அரசு மகளிர் கல்லூரியில் 2-ம் கட்ட கலந்தாய்வு; நாளை தொடங்கம்

குன்னம்:

பெரம்பலூர் மாவட்டம், குன்னம் வட்டம், வேப்பூரில் உள்ள அரசு மகளிர் கலை மற்றும் அறிவியல் கல்லூரியில் இளநிலை பாடப்பிரிவுகளுக்கான சேர்க்கை நடைபெறுகிறது. இதில் முதல் கட்ட கலந்தாய்வு முடிந்த நிலையில், 2-ம் கட்ட கலந்தாய்வு நடைபெற உள்ளது. இதில் நாளை(திங்கட்கிழமை) காலை 10 மணி அளவில் பி.ஏ. தமிழ், பி.ஏ. ஆங்கிலம் ஆகிய பாடப்பிரிவுகளுக்கும், 13-ந் தேதி காலை 10 மணியளவில் பி.எஸ்சி. கணிதம், இயற்பியல், வேதியியல், உயிர்த் தொழில்நுட்பவியல், கணிணி அறிவியல் என்னும் அறிவியல் துறை பாடப்பிரிவுகளுக்கும் மற்றும் 14-ந் தேதி காலை 10 மணியளவில் பி.பி.ஏ. (வணிக நிர்வாகவியல்) மற்றும் பி.காம் (வணிகவியல்) துறைக்கான இரண்டாம் கட்ட சேர்க்கையும் நடைபெற உள்ளது. இதில் இணையதளம் வழியாக விண்ணப்பித்த அனைத்து மாணவிகளும் கலந்து கொள்ளலாம் என்று கல்லூரி முதல்வர் மணிமேகலை ஜெயபால் தெரிவித்துள்ளார்.