புதுக்கோட்டை பழனியப்பா நகரை சேர்ந்த பரமசிவத்தின் மனைவி ரெத்தினம் (வயது 68). இவர் அரசு துறையில் அதிகாரியாக பணியாற்றி ஓய்வு பெற்றவர் ஆவார். இவர் இன்று காலை வீட்டின் அருகே நடைபயிற்சி சென்று கொண்டிருந்தார். அப்போது மோட்டார் சைக்கிளில் வந்த மர்மநபர்கள் 2 பேர், திடீரென ரெத்தினத்தின் கழுத்தில் கிடந்த 7 பவுன் தங்கச்சங்கிலியை பறித்து விட்டு தப்பியோடினர். இது தொடா்பாக அவர் திருக்கோகர்ணம் போலீஸ் நிலையத்தில் புகார் அளித்தார். அதன்பேரில் சங்கிலியை பறித்து விட்டு தப்பிச்சென்ற மர்மநபர்கள் குறித்து விசாரணை நடத்தி வருகின்றனர்.