ரூ.89 லட்சம் வேளாண் பொருட்கள் விற்பனை


ரூ.89 லட்சம் வேளாண் பொருட்கள் விற்பனை
x

சாலைப்புதூர் ஒழுங்குமுறை விற்பனை கூடத்தில் ரூ.89 லட்சம் வேளாண் பொருட்கள் விற்பனை செய்யப்பட்டது.

கரூர்

வேளாண் பொருட்கள்

கரூர் மாவட்டம், சாலைப்புதூரில் வேளாண் ஒழுங்கு முறை விற்பனை கூடம் செயல்பட்டு வருகிறது. இங்கு வாரந்தோறும் பல்வேறு விவசாய பொருட்களான விற்பனை நடைபெறுகிறது. இதில் கரூர், க.பரமத்தி ஒன்றிய பகுதிகளை சேர்ந்த விவசாயிகள் தாங்கள் விளைவித்த வேளாண் பொருட்களை விற்பனைக்கு கொண்டு வருகின்றனர்.

இங்கு நடைபெறும் விற்பனையில் தமிழகம் மற்றும் வெளிமாநிலங்களை சேர்ந்த வியாபாரிகள் மற்றும் எண்ணெய் நிறுவன முகவர்கள் கலந்து கொண்டு பொருட்களை வாங்கி செல்கின்றனர். அதன்படி இந்த வாரம் நடந்த விற்பனையில் 27.75½ குவிண்டால் எடை கொண்ட 7,627 தேங்காய் விற்பனைக்கு வந்தது. இதில் கிலோ ஒன்றுக்கு அதிகபட்ச விலையாக ரூ.26.15-க்கும், குறைந்தபட்ச விலையாக ரூ.19.25-க்கும், சராசரி விலையாக ரூ.24.65-க்கும் என மொத்தம் ரூ.62 ஆயிரத்து 470-க்கு விற்பனையானது.

2-ம் தர தேங்காய் பருப்பு

அதேபோல் 224.53½ குவிண்டால் எடை கொண்ட 461 மூட்டை தேங்காய் பருப்பு விற்பனைக்கு வந்தது. இதில் முதல் தரம் தேங்காய் பருப்பு கிலோ ஒன்றுக்கு அதிகபட்ச விலையாக ரூ.83.29-க்கும், குறைந்தபட்ச விலையாக ரூ.80.19-க்கும், சராசரி விலையாக ரூ.82.59-க்கும் விற்பனையானது.

2-ம் தரம் தேங்காய் பருப்பு கிலோ ஒன்றுக்கு அதிகபட்ச விலையாக ரூ.81.59-க்கும், குறைந்தபட்ச விலையாக ரூ.60.65-க்கும், சராசரி விலையாக ரூ.78.30-க்கும் என மொத்தம் ரூ.16 லட்சத்து 36 ஆயிரத்து 428-க்கு விற்பனையானது.

ரூ.89 லட்சத்துக்கு விற்பனை

493.05 குவிண்டால் எடை கொண்ட 659 மூட்டை எள் விற்பனைக்கு வந்தது. இதில் கருப்பு எள் கிலோ ஒன்றுக்கு அதிகபட்ச விலையாக ரூ.154.99-க்கும், குறைந்தபட்ச விலையாக ரூ.139.99-க்கும், சராசரி விலையாக ரூ.152.99-க்கும், சிவப்பு எள் கிலோ ஒன்றுக்கு அதிகபட்ச விலையாக ரூ.155.09-க்கும், குறைந்தபட்ச விலையாக ரூ.137.99-க்கும், சராசரி விலையாக ரூ.153.09-க்கும், வெள்ளை எள் கிலோ ஒன்றுக்கு அதிகபட்ச விலையாக ரூ.164.99-க்கும், குறைந்தபட்ச விலையாக ரூ.154.99-க்கும், சராசரி விலையாக ரூ.160.99-க்கும் என மொத்தம் ரூ.72 லட்சத்து 23 ஆயிரத்து 638-க்கு விற்பனையானது. சாலைப்புதூர் அரசு வேளாண் ஒழுங்கு முறை விற்பனை கூடத்தில் வேளாண் பொருட்கள் மொத்தம் ரூ.89 லட்சத்து 22 ஆயிரத்து 536-க்கு விற்பனையானது.


Next Story